மனைவியை விற்றார் கணவர் டில்லியில் போலீசார் மீட்பு

arularjuna · arularjuna Wed 12 May 2010 - 11:20

காஜியாபாத்(உ.பி.,):கணவர் மற்றும் அவரது உறவினரால் இரு வாரங்களுக்கு முன் விற்கப்பட்ட பெண், டில்லியில் நேற்று மீட்கப்பட்டார்.உத்தர பிரதேச மாநிலம் காஜியாபாத்தைச் சேர்ந்த பவன் மற்றும் அவரது உறவினர் இருவர், பவனின் மனைவி குர்சீதா(22) என்பவரை, டில்லியிலுள்ள கஜேந்தர் என்பவரிடம் ஒன்றேகால் லட்ச ரூபாய்க்கு விற்றுள்ளனர்.

தன் மகளைப் பற்றி விசாரித்த போது பவன் ஒன்றும் சொல்லாததால், சந்தேகம் அடைந்த குர்சீதாவின் தாய், போலீசாரிடம் புகார் செய்தார். தீவிர விசாரணையில், டில்லியிலுள்ள கஜேந்தரைப் போலீசார் கைது செய்து விசாரித்தனர்.விசாரணையில் கஜேந்தர், பவனிடமிருந்து குர்சீதாவை விலைக்கு வாங்கியதை ஒப்புக்கொண்டார்.இதுகுறித்து போலீசார் தொடர்ந்து விசாரித்து வருகின்றனர்.