கண்ணீர் உற்பத்தி

ஜாவிட் ரயிஸ் · ஜாவிட் ரயிஸ் Thu May 13, 2010 3:29 pm

என் காவலனுக்கு
கண்ணீர் தாகமென்று
நடக்கிறது
என் கண்களுக்குள்
கண்ணீர் உற்பத்தி

�

பூவென்று புகழ்ந்தான்.
காம்பாக காப்பான் என்று
தெம்பாக வந்துவிட்டேன்
பெற்றவரின் கண்ணில்
கண்ணீர் உற்பத்தி....
�

கரும்பென்று சொன்னான் என்னை
கட்டிலில் துணையாக்கி
தொட்டிலும் இருக்கிறது இன்று
கட்டிலுக்கு துணையாக
�

பூவென்று புகழ்ந்தவன்
பசியாறி திசை மறந்தான்
வண்டென்று தெரியாமல்
தேனிழந்த பூவாய் நான்!
பூவின் கருவறையில்
கண்ணீர் உற்பத்தி

கரும்பென்று புகழ்ந்தவன்
சுவைத்து முடித்து விட்டு
சக்கையை மிச்சம் வைத்தாய்
எறும்புகளுக்கு உணவாக

�

படுக்கைக்கு துணையாக
பாவி நீ எதற்கு?
ஒற்றை தலையணை போதும்
விட்டில் என் துணைக்கு

தொட்டிலில் நமது உயிர்
எட்டி எட்டி பார்க்கிறது
"இவன்தான் உன்தந்தை"
என்று சொல்லும் நாளை எண்ணி
என் கண்ணீர் உற்பத்தி
ஓயாமல் தொடர்கிறது

.