அறியாத பழமொழிகள்!

by எஸ்.எம். மபாஸ் Sun May 09, 2010 1:56 pm

கிராம மக்கள் அல்லது வீட்டில் உள்ள பாட்டி, தாத்தா கதைக்கும் போது ஒரு விடயத்தை சுருக்கமாக விளங்க பழமொழி சொல்வது எப்பவும் வாடிக்கையாக இருக்கும். சில வேளை நமக்கு அந்த பழமொழி புதுமையாக இருக்கும். நானும் பாடசாலை காலங்களில் கட்டுரையில் பழமொழியை எடுத்துக் காட்டினால் அதிக புள்ளி கிடைக்கும் என்பதால் நிறைய அறிந்து வைத்திருந்தேன். அப்படி அறிந்த இணையத்தில் இல்லை என்று கூகுள் ஆண்டவர் சொன்ன மூன்று பழமொழிகளை உங்களுடன் பகிர்ந்து கொள்கின்றேன்.

நாய்க்கு வேலையுமில்லை நடக்க நேரமுமில்லை.
நாய் பெரும்பாலும் ஒர் இடத்தில் இருந்து அருகில் உள்ள இன்னுமொரு இடத்துக்கு போகவேண்டும் என்றாலும் ஓடித்தான் போகுமாம்! நடந்து போகாதாம். (நாயின் சுபாவம் அப்படி.)

செத்த மாட்டுக்கு கண் ஏன்? சிவசிவாக்கு பெண் ஏன்?
ம்ம்... எப்ப பார்த்தாலும் கோயில், குளமென்று சுத்துபவனுக்கு ஏன் கலியாணம்?

கடும் முடுக்கி வியாபாரி பீ முடுக்கி செத்தானாம்.
இந்த பழமொழி நேற்று ஒருவருடன் கதைக்கும்போது அவர் சொன்னது. எப்பவும் பணம் முக்கியமில்லை எங்களுடைய சில கடமையை நேரத்துக்கு நேரம் செய்ய வேண்டும்.

இப்படி வித்தியாசமான பழமொழிகள் உங்களுக்கு தெரிந்தால் சொல்லுங்கோ.

அன்புடன்
மபாஸ்