தோழியே! மனம் மாறியதேனோ?

srinihasan · srinihasan Sat May 08, 2010 2:57 pm

தோழியே! மனம் மாறியதேனோ?

உள்ளொன்று வைத்து
புறமொன்று பேசினாய்
வேப்பம்பூவின் தன்மையை
மனதுக்குள் கொண்டாய் - ஆனால்
ரோஜாப்பூவின் தோற்றத்தை
முகத்தில் காட்டியது ஏனோ?

அகத்தின் அழகானது
முகத்தில் தெரியும் என்பதனை
மறந்து இயற்கைக்கு எதிராய்...
செயற்கையாய் நடிக்க துணிந்தாய் - அறிந்திட
அருகினில் நாங்கள் யாருமில்லை
என்று மனதில் எண்ணியதாலோ?

உறவுகள் கைபிடித்து கொடுக்காமல்
கைபிடித்தவனை உறவுகளுக்கு காட்டியதால்
தோள்தட்டி ஆறுதல்தரும் நிலையில்
அவர்கள் இல்லாமல் போனாலும் - அவர்கள்
கைக்கொட்டி சிரிக்கும் நிலைமை
வாழ்வில் வராமலிருக்க நினைப்பதனாலோ?

தண்ணியடிக்கும் கணவனால்
தண்ணீரும் குடிக்க மறுக்கின்றாய்
கண்ணீரை தினம் வடிக்கின்றாய்
செந்நீரை சிந்த சிந்திகின்றாய் - அதனால்
தூக்கத்தையும் ஊக்கத்தையும் இழந்து
துக்கத்தையும் ஏக்கத்தையும் கொண்டதனாலோ?

மனஅழுத்தத்தில் உன்னை நீயே
மாய்த்துக்கொள்ள நினைப்பது தவறு
இன்று சோகங்களை சொல்லாமல்
உன்மன ஆழத்தில் புதைத்தாலும் - அவை
நாளையாவது சுகமென்னும் புதையலாய்
உனக்கு கிடைத்திட வேண்டி நான்...

**இளமாறன்** · **இளமாறன்** Sat May 08, 2010 3:05 pm

அழகான கவிதையில் தோழியின் மனதை படம் பிடித்து காட்டி உள்ளீர்கள்.. நட்புக்கு மட்டுமே புரியும் கவலையும் சோகமும்

வாழ்த்துக்கள் வாசன்

srinihasan · srinihasan Sat May 08, 2010 3:11 pm

இளமாறன் wrote: அழகான கவிதையில் தோழியின் மனதை படம் பிடித்து காட்டி உள்ளீர்கள்.. நட்புக்கு மட்டுமே புரியும் கவலையும் சோகமும்

வாழ்த்துக்கள் வாசன்

தோழா இளா,

தங்களின் நட்பினை பற்றிய உய(யி)ரிய எண்ணத்திற்கு தலைவணங்குகின்றேன்...

நட்பினை வேண்டி...

தங்களின் வரிகளுக்கு என் மனமார்ந்த நன்றிகள்...

ஹாசிம் · ஹாசிம் Sat May 08, 2010 3:16 pm

அருமையான வரிகள் வாசம் மெய்மறக்கச்செய்யும் உணர்வுகள் தோழியே! மனம் மாறியதேனோ? 154550

மஞ்சுபாஷிணி · மஞ்சுபாஷிணி Sat May 08, 2010 3:20 pm

வேதனைகளை கூட உள்வைத்து வெளியே செயற்கையாய் சிரிக்க முடியும் என்பதை வேதனையான வரிகளில் சொல்லி இருக்கீங்கப்பா...

நல்ல வாழ்க்கை அமையாது போனாலும் அதை வெளிக்காட்டாத எத்தனையோ நம் பாரத நாட்டின் பெண்களில் ஒருவர் இதோ இந்த கவிதையின் நாயகியும்....

அழகிய வரிகளில் வேதனைகளையும் பகிர முடியும் இப்படி கவிதையாய்...

அன்பு பாராட்டுக்கள்...

srinihasan · srinihasan Sat May 08, 2010 3:31 pm

ஹாசிம் wrote:அருமையான வரிகள் வாசம் மெய்மறக்கச்செய்யும் உணர்வுகள்

நன்றி நண்பா... தோழியே! மனம் மாறியதேனோ? 154550

பாசத்தை மறந்த கணவோடு... உணர்ச்சிகளை இழந்து அவள்... நினைக்கையில் எனக்குள்ளும் கண்ணீர்துளிகள்..

srinihasan · srinihasan Sat May 08, 2010 3:40 pm

மஞ்சுபாஷிணி wrote:வேதனைகளை கூட உள்வைத்து வெளியே செயற்கையாய் சிரிக்க முடியும் என்பதை வேதனையான வரிகளில் சொல்லி இருக்கீங்கப்பா...

நல்ல வாழ்க்கை அமையாது போனாலும் அதை வெளிக்காட்டாத எத்தனையோ நம் பாரத நாட்டின் பெண்களில் ஒருவர் இதோ இந்த கவிதையின் நாயகியும்....

அழகிய வரிகளில் வேதனைகளையும் பகிர முடியும் இப்படி கவிதையாய்...

அன்பு பாராட்டுக்கள்...

நீண்ட ஆண்டுகளுக்கு தோழியின் உறவு மீண்டும் கிடைத்ததில் சந்தோஷம் ஒருபுறம் வந்தது...

சில தினங்களில் அவர் கூறிய சுயவாழ்கை என்னுள் பூகம்பத்தையே ஏற்படுத்தியது...

சோகத்தை கூறிய அவள் என்னின் முகத்தை கூட காண மறுக்கின்றாள்...

நீங்கள் கூறுவதுபோல் எத்தனையோ பாரதபெண்கள்... அதில் அவளும் ஒருத்தியாய்...

எல்லாம் இறைவன் செயல் என வேடிக்கை பார்க்க இயலாமல்... எனினும் உதவி செய்ய இயலாமல் நான்...

தங்களின் பாராட்டிற்கு என் மனமார்ந்த நன்றிகள்... தோழியே! மனம் மாறியதேனோ? 678642

Sponsored content · Sponsored content

தோழியே! மனம் மாறியதேனோ?

தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

Re: தோழியே! மனம் மாறியதேனோ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக