கர்ப்பத்தில் குழந்தையின் கதறல்.....

by மஞ்சுபாஷிணி Sat 8 May 2010 - 15:08

விந்தை உலகம்
மொந்தைக் கள்ளாய்
பழமையைக் கொண்டாடும்
பழமைவாதிகளும்
புதியதை படைக்கும்
புதுமை விரும்பிகளும்

வரதட்சணையால்
வரன் தொலைத்த
பேரிளம்பெண்களும்
காதலைப்பேசி
காசைக் கரியாக்கும்
இன்றைய விடலைகளும்

கழுத்தை இறுக்கும்
லஞ்சமும் ஊழலும்
பொதுவாய் வந்து
பாவமாய் ஓட்டுப்போட்டு
விலகும் பொதுஜனமும்
மனைவியின் காசில்
வெட்டிப்பொழுதை
போக்கும் கனவான்களும்

வட்டித்தின்று
வயிற்றை வளர்க்கும்
ஈட்டிக்காரர்களும்

அழும் குழந்தைகளுக்கு
கள்ளிப்பாலால் அமுதூட்டி
வறுமைக்கு பெண்குழந்தையை
பரிதாபமாய் பலியாக்கி

கல்லுக்கு அபிஷேகம் செய்து
செய்யும் திருட்டுக்கெல்லாம்
இறைவனை உடந்தையாக்கும்
இன்றைய அரசியல்வாதிகளும்

ஐயோ அம்மா
வேண்டாம் வேண்டாம்
இந்த உலகம் காணும்
கொடிய பிறப்பு
எனக்கு வேண்டாம்

மூச்சை இறுக்கி
என்னை உன்னுள் வைத்து
அமிழ்த்தி சுகமாய்
இரு(ற)க்க விடு அம்மா..

by ஹனி Sat 8 May 2010 - 15:38

ஒவ்வொரு வரிகளும் மனதை கலங்க வைக்குது அக்கா நன்றிகள் பல

by உதயசுதா Sat 8 May 2010 - 15:55

UNGA KAVITHAIYA PADISSUTTU ALUTTEN MANJU.

by கலைவேந்தன் Sat 8 May 2010 - 16:06

இன்றைய உலகின் அவலங்கள் எல்லாமே அட்டவனையிட்டு அந்த கொடுமைகள் காணப்பிடிக்காமல் கர்ப்பத்துக்குள்ளேயே தன்னைக் கருகிக்கொள்ளும் கருவை அழகாக சித்தரித்துவிட்டாய் மஞ்சு...

கவிதை மிக அருமை... இன்றைய இளைய சமுதாயத்தைக் கொஞ்சமாவது சிந்திக்க வைக்கும் கவிதைகள் இன்றைக்கு அவசியம் ... அந்தக்குறையைப் போக்கும் அருமையான கவிதையைப் படைத்துவிட்ட மஞ்சுவுக்கு கர்ப்பத்தில் குழந்தையின் கதறல்..... 678642

கர்ப்பத்தில் குழந்தையின் கதறல்..... 678642

by ஹாசிம் Sat 8 May 2010 - 16:08

அருமையன வரிகள் இப்படி ஏங்கிய எத்தனை குழந்தைகள் இன்று இவ்வுலகில் அவதிப்படுகிறதோ தெரியவில்லை கர்ப்பத்தில் குழந்தையின் கதறல்..... 678642

கர்ப்பத்தில் குழந்தையின் கதறல்..... 677196

ஏன் குழந்தாய்
இத்தனை தயக்கம்
உனக்கு வீரனாய்
பெற்றெடுத்து
இந்த விந்தை
உலகை வென்றிட
வழிசெய்கிறேன்
கலங்காதே மகனே/மகளே.....

by நிலாசகி Sat 8 May 2010 - 16:09

கர்ப்பத்தில் குழந்தையின் கதறல்..... 440806

உருக்கம் !

by **இளமாறன்** Sat 8 May 2010 - 16:17

இவ்வளவு நடந்தும் நாம நம் வேலையை பார்த்துக்கிட்டு போறோமே அது தன் நடைமுறை சாதாரணமனித வாழ்க்கை தோலுரித்து காட்டி இருக்கீங்க வாழ்த்துக்கள் கர்ப்பத்தில் குழந்தையின் கதறல்..... 154550