மயக்க மருந்து கொடுத்து நடத்தும் சோதனை சட்ட விரோதமானது; சுப்ரீம் கோர்ட்டு தீர்ப்பு

by arularjuna Thu May 06, 2010 9:13 am

குற்றவாளிகள் உண்மைகளை சொல்ல மறுக்கும் போது அவர்களிடம் விஞ்ஞான முறைகளை பயன்படுத்தி உண்மைகளை வரவழைக்க முயற்சிகள் மேற்கொள்ளப்படுகின்றன.இதற்காக மயக்க மருந்து கொடுத்து விசாரிக்கும் நார்க்கோ டெஸ்ட் மற்றும் பிரைன் மேப்பிங், பாலிகிராப் ஆகிய உண்மை கண்டறியும் சோதனை முறைகள் பயன்படுத்தப்படுகின்றன.

இதற்கு எதிரான வழக்கு சுப்ரீம் கோர்ட்டில் நடந்து வந்தது. தலைமை நீதிபதி கே.ஜி.பாலகிருஷ்ணன் தலைமையிலான பெஞ்சு இதை விசாரித்தது. இன்று தீர்ப்பு கூறியது. அவர்கள் கூறியதாவது:-

குற்றவாளியிடம் விஞ்ஞான ரீதியான உண்மை கண்டறியும் சோதனை நடத்துவது அரசியல் சட்டம் 20 (3) -வது பிரிவின்படி மனித உரிமைக்கு எதிரானது.

எனவே அவர் ஒப்புதல் இல்லாதபட்சத்தில் இந்த சோதனையை நடத்தக் கூடாது. அவர்களை கட்டாயப்படுத்தி சோதனைக்கு உட்படுத்துவது சட்டத்துக்கு எதிரானது. அது மனிதனின் தனி சுதந்திர உரிமையை பாதிக்கும் செயல்.

இதுபோன்ற விசாரணை மூலம் பெறப்படும் தகவல்கள், சாட்சியங்கள் ஏற்றுக் கொள்ளப்படமாட்டாது.

இவ்வாறு அவர்கள் கூறினார்கள்.

by ARR Sat May 08, 2010 8:27 pm

குற்றம் சாட்டப்பட்டோரிடம் மனித உரிமை மீறப்படும் சம்பவங்களும் வழிமுறைகளும் ஏராளம் இருக்கின்றன. அவற்றை விடுத்து, இம்முறைக்கு தடை விதித்திருப்பதால் தப்பப்போவது சமுதாயத்தின் மேல்தட்டு குற்ற்வாளிகள்தான்..

வழக்கம்போல, சில்லறைக் குற்றவாளிகள், பாமர மக்கள் தொடர்புடைய லாக்கப் மரணங்கள் தொடரவே செய்யும்..

அவற்றுக்கெல்லாம் விடிவுகாலம் எப்போதோ..?

மயக்க மருந்து கொடுத்து நடத்தும் சோதனை சட்ட விரோதமானது; சுப்ரீம் கோர்ட்டு தீர்ப்பு

மயக்க மருந்து கொடுத்து நடத்தும் சோதனை சட்ட விரோதமானது; சுப்ரீம் கோர்ட்டு தீர்ப்பு

Re: மயக்க மருந்து கொடுத்து நடத்தும் சோதனை சட்ட விரோதமானது; சுப்ரீம் கோர்ட்டு தீர்ப்பு