உடல் உறுப்பு தானம் - உயர்ந்த தானம்

by சபீர் Tue May 04, 2010 9:33 pm

First topic message reminder :

``உடல் உறுப்பு தானம்'' என்பது, தன் உடலிலுள்ள உறுப்பையோ, அல்லது உறுப்புக்களின் ஒரு பகுதியையோ, மரண வாசலில் நின்று கொண்டு பரிதவிக்கும் ஒருவருக்கு, தாமாக முன்வந்து தந்து அவர்களை மரணத்திலிருந்து காப்பாற்றுவதாகும்.
நம் உடலில் தானம் செய்யக்கூடிய பகுதிகள் என்னென்ன என்பது பற்றிய நம் கேள்விகளுக்கு பதில் தருகிறார், பிரபல மகப்பேறு மற்றும் குடும்ப நல சிறப்பு மருத்துவ நிபுணர் டாக்டர் அருணா ராமகிருஷ்ணன்.

"பொதுவாக நமக்குத் தெரிந்து ரத்ததானம், கண்தானம் இந்த இரண்டு வித தானங்கள் தான் அதிக அளவில் இருந்து வருகின்றன. வேறு எந்த மாதிரியான உடல் தானங்கள் கொடுக்கப்படுகின்றன என்பதை சொல்லலாமே?''

"உடல் உறுப்புகளின் தானம் இரண்டு வகைப்படும். முதலாவது, ஒருவர் உயிருடன் இருக்கும் போது தருவது. இரண்டாவது, ஒருவர் இறந்த பின்னர் தருவது.

"உயிருடன் இருக்கும் போது தானமாக தரக்கூடிய உடல் உறுப்புக்கள் என்னென்ன?''

"ஒரு சிறுநீரகம், ஈரலின் ஒரு பகுதி, நுரையீரலின் ஒரு பகுதி, குடலின் ஒரு பகுதி, கணையத்தின் ஒரு பகுதி, ரத்தம் ஆகியவை.''
"இறந்த பின்னர் தானமாக தரக்கூடிய உறுப்புக்கள் என்னென்ன?''
"இரண்டு சிறுநீரகங்கள், கணையம், கல்லீரல், நுரையீரல், குடல் முழுவதும், கண் விழித்திரை (கார்னியா).''

"யார் யார் உடல் உறுப்புக்களை தானமாக தரமுடியும்?''
"நல்ல ஆரோக்கியமாக இருப்பவர்கள், ரத்தக்கொதிப்பு, சர்க்கரை நோய், புற்று நோய், இதய நோய், பால்வினை நோய், ஹெபடைடீஸ் நோய் போன்ற வியாதிகள் எதுவும் இல்லாதவர்கள் அனைவரும் உயிருடன் இருக்கும் போது தானம் செய்யத் தகுதியானவர்கள்.''

by உதயசுதா Sun May 09, 2010 2:57 pm

உங்க விளக்கத்துடன் கூடிய இந்த பதிவு மிகவும் அருமை சபீர்.நன்றி

by ஹாசிம் Sun May 09, 2010 5:59 pm

அருமையான கட்டுரை நன்றி நண்பா உடல் உறுப்பு தானம் - உயர்ந்த தானம் - Page 2 678642

by சபீர் Mon May 10, 2010 10:26 pm

மஞ்சுபாஷிணி wrote:அருமையான எல்லோரும் படித்து அறிந்து பயன் பெறக்கூடிய அரிய தகவல்கள்....

அறிய தந்தமைக்கு அன்பு நன்றிகள் சபீர்....

நன்றி நன்றி அக்கா நன்றி அன்பு மலர்

by தமிழ் தினா Mon May 10, 2010 11:04 pm

தமிழகத்தில் ஹிதேந்திரனின் இறப்பும், அதன் பிறகு அவரது பெற்றோர் எடுத்த முடிவும், உடல் உறுப்பு தானத்தினைப் பற்றிய அறியாமையை மக்களிடமிருந்து சற்று தள்ளி வைத்ததோடு, மருத்துவர்களை உள்ளடக்கி மருத்துவத் துறையிலும் சலனங்களை ஏற்படுத்தி இருப்பது என்னவோ உண்மை.

அதற்கு முன்னர், உடல் உறுப்பு தானம் செய்ய முன்வந்தபோது, அலட்சியப் படுத்திய மருத்துவர்கள், உடலுறுப்பு தானத்துக்கு எதிராய் பேசியதை நேரில் கண்டு அதிர்ந்திருக்கிறேன். ஹிதேந்திரனின் மறைவுக்குப் பிறகும் அரசு இயந்திரம் அத்த்னை வேகமாக நடவடிக்கைகள் எடுத்து விடவில்லை. சென்னை வரை சென்று ஏமாற்றத்தோடு திரும்பி அலுத்ததுதான் கண்ட பலன்.

அதன் பிறகு, நமது துணை முதல்வர், மியாட் மருத்துவமனையில் தனது உடலுறுப்புகளை தானம் வழங்கி, உடல் உறுப்பு தானத்தினை பொதுமக்கள் எளிதாக செய்ய இயலும் எனச் சொல்லித் துவக்கி வைக்க, நடிகர் திரு. கமல்ஹாசன் போன்றோர் தங்கள் ரசிகர்களை உடல் உறுப்பு தானம் செய்ய வலியுறுத்தினார்கள். ( அவர் ஏற்கனவே செய்து விட்டார். )

மியாட் மருத்துவமனைக்கு மின்னஞ்சல் மூலம் தொடர்பு கொண்டு விவரங்கள் அறிந்து, அவர்கள் அனுப்பின படிவங்களை நிரப்பி, தபால் அனுப்பி விட்டுக் காத்திருநதால், அவர்களிடமிருநது படிவத்தினைப் பெற்றுக் கொண்ட உறுதிச் சீட்டும் வரவில்லை. தொலைபேசியில் தொடர்பு கொண்டு நேரில் வரவா என்றால், நேரில் இது தொடர்பான தகவல்கள் தரப்படுவதில்லை என்று சொன்னார்கள். மேலும் ஒரு மாதம் கழிந்த பின்னர், படிவம் வந்து சேர்ந்திருப்பதாகவும், 2009 நவம்பர், டிசம்பரில் தான் அடையாள அட்டைகள் வழங்கும் பணி துவங்க இருக்கிறது என்றார்கள்.

சரிதான் என இரு மாதங்களின் காத்திருப்பின் பின்னர் தொடர்பு கொண்டு கேட்ட போது, சரியான பதில் இல்லை. மேலும் இரு வாரங்கள் கழிந்த பின்னரும் அதே நிலை. இதற்கிடையில் முகவரி மாற்றம் வேறு ஏற்பட்டு விடவே, நேரில் வரலாமா எனக் கேட்டால் அதற்கும் சரியான பதில்கள் இல்லை.

அரசு, இதற்கான அமைப்பினை ஒவ்வொரு மாவட்ட அரசு மருத்துவ மனையிலும் அமைத்து செயல்படுத்துவதே சிறப்பான பணியாக இருக்கும்.

எது எவ்வாறாயினும், பதிவு செய்து அதற்கான உறுதிச் சீட்டினை பெறுவதில் முனைப்புடன்...

நல்ல தலைப்பும், தெளிவான விவரங்களும் தந்த ச்பீருக்கு நன்றி.