தமிழகத்தில் மீண்டும் பன்றி காய்ச்சல் அபாயம் சுகாதாரத்துறை எச்சரிக்கை

thiru99 · thiru99 Mon May 03, 2010 4:58 am

தமிழகத்தில் மீண்டும் பன்றிக் காய்ச்சல் பரவும் வாய்ப்புள்ளது. முன்னெச்சரிக்கை நடவடிக்கை மேற்கொள்ள அரசு, தனியார் மருத்துவமனைகளுக்கு சுகாதாரத்துறை எச்சரிக்கை விடுத்துள்ளது.கடந்த ஆண்டு உலகம் முழுவதும் பரவிய பன்றிக் காய்ச்சலுக்கு ஆயிரக்கணக்கானோர் இறந்தனர். தகுந்த மருந்துகள் மூலம் தமிழக அரசு பன்றிக் காய்ச்சலை கட்டுப்படுத்தியதால், மக்கள் பீதியின்றி இருந்தனர்.

இந்நிலையில், சில நாட்களுக்கு முன் கோவை தனியார் மருத்துவமனையில் சிகிச்சைக்காக சேர்க்கப்பட்ட பிரியா என்ற ஏழு மாத கர்ப்பிணிக்கு பன்றிக் காய்ச்சல் இருப்பது உறுதி செய்யப்பட்டுள்ளது. இதைத் தொடர்ந்து, அரசு சுகாதாரத்துறைக்கு ஆலோசனை வழங்கியுள்ளது.

அதன்படி, அரசு, தனியார் மருத்துவமனைகளில் தேவையான ஊசி, மருந்து, மாத்திரைகள் வைத்திருக்க வேண்டும். பல நாள் காய்ச்சல், சளி, இருமலுடன் வரும் நோயாளிகளுக்கு தகுந்த பரிசோதனைகள் செய்து, முடிவுகளை உடனுக்குடன் அரசுக்கு தெரிவிக்க வேண்டும் என ஆலோசனை தரப்பட்டுள்ளது.அரசு உயரதிகாரி ஒருவர் கூறுகையில், 'கோவையில் ஜூன் மாதம் உலகத் தமிழ்ச் செம்மொழி மாநாடு நடக்க உள்ள நிலையில், பன்றிக் காய்ச்சல் உறுதியானது, அரசை கவலை கொள்ள செய்துள்ளது.

சர்வதேச சுகாதார சட்டப்படி, கோவை செல்வது குறித்து வெளிநாடுகளில் வாழும் தமிழர்களுக்கு உலக சுகாதார அமைப்பு தடைவிதிக்கும் சூழல் ஏற்பட்டுள்ளது. இருந்தபோதும் மாநிலம் முழுவதும் தேவையான முன்னெச்சரிக்கை நடவடிக்கை மேற்கொள்ளப்பட்டுள்ளது' என்றார்.

தமிழகத்தில் மீண்டும் பன்றி காய்ச்சல் அபாயம் சுகாதாரத்துறை எச்சரிக்கை

தமிழகத்தில் மீண்டும் பன்றி காய்ச்சல் அபாயம் சுகாதாரத்துறை எச்சரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக