காத்திருக்கிறேன் நண்பர்களுக்காக

by உதயசுதா Sun May 02, 2010 11:59 am

பதில் சொல் 'நண்பனே...'
இறுகிய மனதுடன்
இயல்பாக உன்னால் மட்டும்
எப்படி வாழ முடிகிறது...?

* உன்னிடம் நான் நேசித்தது
'தோழியே' என நீ சொல்லும்
ஒரு வார்த்தையை...
தினமும் ஆயிரம் முறை கேட்க
என் காதுகள் துடித்தாலும்
ஏனோ
நீ சொல்வது
சில நேரங்களில் மட்டுமே...

* பாசத்தை பகிர்ந்து கொள்ள
'நண்பன்' நீ இருந்தும்,
புரிந்து கொள்ளாத
மனநிலையில் இருந்தென்ன
லாபம்...

* கை காட்டி
வழி காட்டிய நீ
இன்று
கை கட்டி நிற்பதேன்?
நம் பிரிவின் வலியை
நீ உணராததாலோ!

* பாசம் மட்டுமே தெரிந்த
என் இதயத்திற்கு
உன் வேஷம்
தெரியவில்லையடா...

* சோர்ந்து போன நேரங்களில்
சோர்வை நீக்கிய
உன் வார்த்தைகள்
இன்று...
சோகத்தை தந்தது ஏனோ!

* எதிர்பார்த்த
எதிர்பாராத
தருணங்களில் வந்த
உன் தொலைபேசி
அழைப்புகள் இன்று
தொலைந்து போனது ஏனோ?

* நினைவுகளை அசைபோட்ட
இதயத்தின் வலியை குறைக்க
கண்ணீர் துளிகள் ஆறுதல்
அளிக்கிறது அவ்வப்பொழுது!

* காற்றின் எடையை விட
லேசாய் இருந்த
என் இதயம் கனமானது
இன்று
என், 'நண்பன்' பிரிவால்!

* அமைதியாய் இருந்த
என் உள்ளத்தில்
உன் நட்பு எனும்
புயல் வீசியதால்
இழப்புகள் ஏராளம்...
ஈடுசெய்ய முடியவில்லை
எஞ்சியது
நீ வந்து சென்ற
கால் தடம் மட்டுமே!

* உன் நினைவுகள் தந்த
வலியால் துடிக்கும்
என் இதயத்திற்கு
கற்றுக்கொடு
உன்னை மறக்க —
என்னை மாற்றிக் கொள்ள —

* முடியாத செயலுக்கு
முற்றுப்புள்ளி மட்டுமே
முடிவு!

* கல்லாய் போன
உன் இதயம்
கரையுமோ -
கரையாதோ...
காலம் மட்டுமே
பதில் சொல்லும்
காத்திருக்கிறேன்
என், 'நண்பனு'க்காக...
— எஸ்.நாகதேவி, மதுரை

by **Aathira** Sun May 02, 2010 12:01 pm

* காற்றின் எடையை விட
லேசாய் இருந்த
என் இதயம் கனமானது
இன்று
என், 'நண்பன்' பிரிவால்!
பதில் சொல் 'நண்பனே...'

இறுகிய மனதுடன்
இயல்பாக உன்னால் மட்டும்
எப்படி வாழ முடிகிறது...?

காத்திருக்கிறேன் நண்பர்களுக்காக 677196