தோல் நோய் சிகிச்சை யாருக்கு அவசியம்

மனிதனின் உடம்பில் மிகப் பெரிய அங்கம் எது தெரியுமா? தோல் என்று சொன்னால் அது பலருக்கும் ஆச்சரிய மாகத்தான் இருக்கும். ஆனால் அது தான் உண்மை. ஏறத்தாழ 2000 நோய்கள் தோலைத் தாக்குகின்றன என்பது அதிர்ச்சி தரும் உண்மை. இதில் வருந்தத்தக்கது என்னவென்றால் பலரும் தோலில் ஏற்படும் நோய்களை அலட்சியப்படுத்துவதுதான்.

அறிகுறி

மனித உடலில் மூளை, இதயம், கல்லீரல், நுரையீரல், சிறுநீரகம், குடல், எலும்பு ஆகியவற்றில் ஏற்படும் நோய்கள் முதலில் கவனிக்கப்பட வேண்டியவை என்றாலும், இதையெல்லாம் முன் கூட்டியே அறிந்துகொள்ளும் ஒரு கருவியாக தோல் சில நேரத்தில் உதவி செய்வதுண்டு.

பலவிதமான நோய்களுக்கு முதலில் தோலில் அறிகுறி தென்படும் என்பது உண்மை. இதனால் தோலில் ஏற்படுகிற சின்னச் சின்ன மாற்றங்கள், அரிப்புகள், தேமல்கள், கட்டிகள், ரணங்கள், நிறமாற்றங்கள் இவற்றை விழிப்போடு கவனித்து மருத்துவரை அணுகி ஆலோசனை கேட்பது அவசியம்.

சில நோய்களை தோல் மூலம் கண்டுபிடித்துவிடலாம். அவ்வாறு கண்டுபிடித்துவிட்டால் அவற்றை எளிதாக குணப்படுத்தியும் விடலாம். நோய்களின் தன்மை, தீவிரமாகாமல் முளையிலேயே கிள்ளப்பட்டு, உடம்பு ஆரோக்கியம் காக்கப்படுகிறது.

தோல் நோய் சிகிச்சை யாருக்கு அவசியம்?

தோல் நோய் சிகிச்சை பெறுவது யாருக்கு அவசியம்? சிறுவர்களுக்கா? குழந்தைகளுக்கா என்றால், பிறந்த குழந்தை முதல் வயதான முதியவர் வரை பலவிதமான மாற்றங்களை தோல் அடைந்து கொண்டே இருக்கிறது.

எல்லா வயதிலும் தோல் நோய்கள் உடனடியாக கவனிக்கப்பட வேண்டி யவை என்றாலும்,. குழந்தைகளுக்கு ஏற்படும் சில தோல் பிரச்சினைகள் தீவிரமாக வைத்தியம் அளிக்கப்படா விட்டால், குழந்தையின் வளர்ச்சியும், உள்ளுறுப்புகளும் சிறிது பாதிக்கப்பட வாய்ப்புண்டு. கை, கால்களில் தோன்றும் சிரங்கு, சில நாளில் சிறுநீரகத்தைப் பாதிக்கும். அதனால் சிரங்குக்கு உடனடியாக வைத்தியம் செய்யவேண்டும்.

சில குழந்தைகளுக்கு கொசு, பூச்சிக்கடியால் கை கால் முகம் இவற்றில் சிகப்பு, சிகப்பாக கொப்புளங்கள் தோன்றி நீர் வடிவதுண்டு. அம்மை என்று நினைத்து பலர் இதற்கு வைத்தியம் பார்க்காமல் விடுவது பரிதாபம். தகுந்த கொசுத் தடுப்பு முறைகளைப் பயன்படுத்தி, முழங்கை, முழங்கால் வரை பருத்தி ஆடைகளை அணிவித்து குழந்தைகளை பாதுகாக்க வேண்டும். ஏற்கனவே ஏற்பட்ட கொப்புளங்களுக்கு மருத்துவரை அணுகி தகுந்த மருத்துவம் மேற்கொள்ள வேண்டும்.

சிலருக்கு கை கால் முகத்தில் தோல் வறட்சியாக காணப்படும். குளிர் காலத்தில் வெடிப்பு விழும். இது பரம்பரையாக வந்தாலும் முதலிலேயே கண்டுபிடிக்கப்பட்டு மருத்துவம் அளிக்கப்பட்டால் தோல் பாதுகாக்கப்படும்.

வெண் குட்டம், சோரியாசிஸ் போன்ற தோல் நோய்கள் பரம்பரையாக வர வாய்ப்பு உண்டு. சோரியாசிஸ் என்பது தலை, கை, கால் இவற்றில் தோல் செதில்போல் உரிந்து பொக்கு பொக்காக கோர்த்து மிகுந்த அரிப்பைக் கொடுத்து நோயாளியை மிகுந்த மன உளைச்சலுக்கு உள்ளாக்கும்.

உதடு, கை, கால், பிறப்புறுப்பு இவற்றில் வெண்மையான புள்ளிகள் போல் தோன்றி உடம்பு முழுவதும் பரவும் வெண் குட்டம் சிலரைப் பாதிக்கிறது.

சோரியாசிஸ், வெண்குட்டம் இவ்விரண்டு தோல் நோய்களுக்கு முழுமையாக குணம் அடைய இப்பொழுது நல்ல மருந்துகள் உள்ளன.

ரத்த சம்பந்தமான உறவுகளில் திருமணம் செய்யும் தம்பதியருக்குப் பிறக்கும் குழந்தைகளுக்கு உடம்பில் வியர்வை சுத்தமாகத் தோன்றாமல் தோல் மரத்துப் போவதும், சூரிய ஒளிபட்டால் உடம்பில் கொப்புளங்கள் தோன்றக்கூடிய ஒரு நோயும் ஏற்பட வாய்ப்பு உண்டு.

தோல் நோய் பற்றிய புது விளக்கம் ரொம்ப பிரயோசனமான ஒரு பதிவு நன்றி சகோதரா

சபீர் wrote:தோல் நோய் பற்றிய புது விளக்கம் ரொம்ப பிரயோசனமான ஒரு பதிவு நன்றி சகோதரா

அருமையான தகவலுக்கு நன்றி தல

பயனுள்ள தகவலுக்கு மிக்க நன்றி சிவா...

நல்ல வேளை ... என்க்கு ஒரு தோல் நோயும் இல்லை...

எம் ஜி ஆர் போல ரோசாப்பூ நிறம் எனக்கு...