தோற்றப் பொலிவின் அவசியம்

by ஹாசிம் Sat May 01, 2010 3:35 pm

ஒரு மனிதனின் ஒழுக்கம், புத்தி, உயர் பண்புகள், ஒழுக்க நெறிகள்,
அறிவாற்றல் மூலம் நிகழ்த்தப்படும் சாதனைகள், விசேஷமான சாமர்த்தியம், சரியான பார்வை, முகக் குறி, குரல் ஆகிய அனைத்தும் ஒரு மனிதனின் தோற்றப் பொலிவை உருவாக்குகின்றன. உடலமைப்பு மட்டும் இதை உருவாக்குவதில்லை.

நன்னடத்தை ஒரு மனிதனுக்கு உறுதி மிக்க தோற்றப் பொலிவைத் தருகிறது. நல்ல ஒழுக்கம் உடைய மனிதனை மக்கள் மதிக்கிறார்கள். உண்மை பேசி, பிரம்மசரியத்தைக் கடைப்பிடிக்கும் ஒருவர் சக்தி மிக்க தோற்றப் பொலிவு கொண்டிருக்கிறார். அவர் சில வார்த்தைகள் பேசினாலும் அவை சக்தி மிக்க சொற்களாக ஆகின்றன. அவை மக்களைக் காந்தம் போல் இழுக்கின்றன. ஒரு மனிதன் தன் தோற்றப் பொலிவை வளர்த்துக் கொள்ள விரும்பினால் தன்னுடைய ஒழுக்கத் தரத்தை உயர்த்திக் கொள்ள வேண்டியது அவசியம்.

தோற்றப் பொலிவை வளர்த்துக் கொள்ள முடியும். இதற்கு நற்பண்புகளை வளர்த்துக் கொள்வது இன்றியமையாதது ஆகும். எப்போதும் உற்சாகமாக இருக்க வேண்டும். நீங்கள் பிறருடன் எப்படிப் பழகுவது, அவர்களுடன் இணக்கமாக இருப்பது எப்படி என்பதை அறிந்து கொள்ள வேண்டும்.

இனிமையாக, கனிவாகப் பேச வேண்டும். பணிவு, மரியாதை, வினயம் ஆகிய பண்புகளைப் பெற்றிருக்க வேண்டும். பிறரை மதிக்க வேண்டும். அவர்களிடம் கனிவாக நடந்து கொள்ள வேண்டும். அடக்கம் பிறர் இதயத்தை வெல்கிறது. சக்தி மிக்க இனிய குரல், இசை ஞானம், கலை மற்றும் அறிவியல் ஞானம் ஆகியவை மனிதனின் தோற்றப் பொலிவை அதிகரிக்கின்றன.

மக்களை அணுகும் முறையை நீங்கள் கற்றுக் கொள்ள வேண்டும். கர்வமும் பிடிவாதமும் உடைய மனிதன் ஒருபோதும் உறுதிமிக்க தோற்றம் உடையவனாக இருக்க முடியாது. உங்கள் பேச்சில் படபடப்பு வேண்டாம். பயந்து நடுங்காதீர்கள். ஒருவரை வணங்கும்போது பணிந்து வணங்குங்கள்.

உறுதியான தோற்றம் உங்களுக்கு வாழ்வில் கிடைத்துள்ள விலை மதிக்க முடியாத சொத்து. உங்களுடைய செயல் துடிப்பு மிக்க தோற்றப் பொலிவை அதிகரித்துக் கொண்டு வாழ்க்கையில் வெற்றி பெறுங்கள்.

by அப்புகுட்டி Sat May 01, 2010 4:22 pm

மக்களை அணுகும் முறையை நீங்கள் கற்றுக் கொள்ள வேண்டும். கர்வமும் பிடிவாதமும் உடைய மனிதன் ஒருபோதும் உறுதிமிக்க தோற்றம் உடையவனாக இருக்க முடியாது. உங்கள் பேச்சில் படபடப்பு வேண்டாம். பயந்து நடுங்காதீர்கள். ஒருவரை வணங்கும்போது பணிந்து வணங்குங்கள். நன்றி

by **ரிபாஸ்** Sat May 01, 2010 4:40 pm

அப்பு ஜி சூப்பர்ரா ஹன்ட்சொமா இருக்கீங்க பெண்னுங்க எல்லாம் உங்களைதான் பார்ப்பாக

by ஹாசிம் Sat May 08, 2010 7:26 pm

அப்புகுட்டி wrote:மக்களை அணுகும் முறையை நீங்கள் கற்றுக் கொள்ள வேண்டும். கர்வமும் பிடிவாதமும் உடைய மனிதன் ஒருபோதும் உறுதிமிக்க தோற்றம் உடையவனாக இருக்க முடியாது. உங்கள் பேச்சில் படபடப்பு வேண்டாம். பயந்து நடுங்காதீர்கள். ஒருவரை வணங்கும்போது பணிந்து வணங்குங்கள்.

மிக்க நன்றி நண்பா தோற்றப் பொலிவின் அவசியம் 678642

by Sponsored content

தோற்றப் பொலிவின் அவசியம்

தோற்றப் பொலிவின் அவசியம்

Re: தோற்றப் பொலிவின் அவசியம்

Re: தோற்றப் பொலிவின் அவசியம்

Re: தோற்றப் பொலிவின் அவசியம்

Re: தோற்றப் பொலிவின் அவசியம்