திருச்சி உறையூர் வெக்காளியம்மன்

கோவில்கள் அனைத்திலும் மேல் விமானமானது கருவறைக்கு மேல் இருக்கும். ஆனால் திருச்சி உறையூர் திருத்தலத்தில் எழுந்தருளியிருக்கும் வெக்காளியம்மன் கோவிலில் மட்டும் மேல் விமானம் இல்லாது மழை, வெயில், பனி என அனைத்தையும் தாங்கி பக்தர்களின் குறைகளையும், நோய்களையும் தீர்த்து மக்களை காத்து அருள்புரிகிறாள்.

மேல்விமானம் இல்லாமல் இருப்பதற்கு காரணம், சோழ மன்னன் பராந்தக சோழன் உறையூரை தலைநகரமாக கொண்டு ஆட்சி செய்து கொண்டு இருந்தான். சாரமா என்ற முனிவர் பெருமான் அழகிய பூஞ்சோலை அமைத்து அதில் கிடைக்கும் மலர்களை பறித்து தினமும் தாயுமானவரை வழிபாடு செய்தார். அப்போது சில நாட்களாக பூந்தோட்டத்தில் பூக்களை யாரோ திருடி செல்வதை கண்டு வருத்தம் கொண்டார். பின் ஒருநாள் மலர்களை பறித்துக் கொண்டிருந்த ஒருவன் அகப்பட்டான். சாரமர் முனிவர் விசாரித்ததில் அவன் பராந்தக சோழ மன்னன்தான் பறித்து வரச் சொன்னதாக கூறினான். சாரமா முனிவரும் மன்னரிடம் சென்று, ஏன் எனது மலர்களை பறித்து சர சொன்னீர்கள்? என்று கேட்டார். ஆனால் மன்னனோ சாரமா முனிவரை அலட்சியமாக அவையில் நடத்தி அவமானப்படுத்தி விட்டான். இதனால் சாரமா முனிவர், தாயுமானவரை நோக்கி தவமிருந்து தனது குறையை முறையிட்டார். தனது பக்தனின் துயர் கண்டு கோபம் அடைந்த இறைவன் சோழநாட்டின் மீது மண்ணை மழையாக பொழிய மக்களின் வீடுகள் யாயும் மண்ணால் நிரம்பி வீடின்றி வெட்ட வெளியில் வந்தார்கள்.

மக்களின் இந்த துயரங்களை கண்ட ஊருக்கு வெளியே இருந்து மக்களை காத்துக் கொண்டிருந்த தெய்வமான வெக்காளியம்மன் மனம் பதைத்து தாயுமானவரான இறைவனிடம் சென்று முறையிட்டு மக்களின் துயரினை துடைத்தார். பின்னர் நீங்கள் அனைவரும் என்றைக்கு கூரையுடன் கூடிய வீடுகளில் வாழ்கிறீர்களோ அதுவரை நானும் திறந்த வெட்டவெளியில்தான் நிற்பேன் என்றாள். இதுதான் இக்கோயிலுக்கு மேல்விமானம் இல்லாமல் இருக்கும் கதையாகும்.

அ௫மை

காளியென்றால் உலகமெல்லாம் கதறி நிற்கும்

சிவா சார் சின்ன திருத்தம். வெக்காளியம்மன் கோவில் மட்டுமல்ல. மதுரை அருகே உள்ள மடப்புரம் கோவிலில் கூட மேல்விமானம் இல்லாமல் தான் இருக்கும் காளி இந்த காளி கூட மிகப் பிரபலம். இது போல் காளையார் கோவில் அருகில் ஒரு காளி கோவில் உள்ளது மேல் விமானம் இல்லாமல் இன்னும் 1 கோவில் உள்ளது சரியான தகவல் தெரிந்த உடன் சொல்லுகிறேன்.

சரியாக சொன்னீர்கள் மானிக்.
நானும் கேள்விப்பட்டிருக்கிறேன், ஆனால் முழுத்தகவல்கள் கிடைத்ததும் எழுதுகிறேன்..

நன்றி. இது போல் எங்கள் ஏரியாவில் நிறைய கோவில்கள் உள்ளன. அதை இந்த தளத்தில் தெரியப்படுத்த வேண்டுமென்று என் ஆசை. கூடிய விரைவில் செய்கிறேன்

பொதுவாக காளி சில நரசிம்மர் கோயில்கள் இப்படித்தான் உக்கரம் பட்டு வெடிப்பு விழுமாம் அதனால் என்கிறார்கள்

நம் தமிழினச் சிறப்பை உலகம் அறியச் செய்ய வேண்டும். அதற்காக ஒவ்வொருவரும் அவர்களின் ஊர் பற்றிய சிறப்புக்களை எழுத முன்வரவேண்டும். அதற்கு முதல்படியாக மானிக் நீங்கள் ஆரம்பியுங்கள். கோவில்மடுமல்ல எதைப் பற்றி வேண்டுமானாலும் எழுதுங்கள்.. கூகிள் தேடலில் நம் தமிழ்மொழி முன்னனியில் திகழ வேண்டும்..

கண்டிப்பா நான் இந்த தளத்திற்கு வந்த நோக்கமே கேன்சர் பற்றிய தகவல் அறிந்து அதை மக்களுக்கு தெரியப்படுத்த வேண்டும் என்ற ஆவலினால் அதை தெரிந்து கொண்டேன். முடிந்தவரை மக்களை விழிப்புணர்வு அடையச்செய்வேன் அதுபோல் எனது ஊரின் பெருமையை மற்றவரும் அறியும்படி செய்வேன்