பணம் தேக்கும் மர்மங்கள்....

by **Aathira** Sat May 01, 2010 12:04 am

பணம் தேக்கும் மர்மங்கள்....

பணம் தேக்கும் மர்மங்கள்.... Brown%20chair%201

மரம் என்று
சொல்வார்கள் இதனை
பணக்குலைகள் விளைகின்ற
மரமென்ப தாலே!
தேக்கு மரம்என்றும்
சொல்கின்ற உண்மை!
இதனுள் பணம்தேக்கும்
மர்மங்கள் மறைந்துள்ளதாலே!

ஆயிரமாய் அறுவடையை
அள்ளிக் குவிப்பதுதான்
அலுவலக ஆசனத்தின்
அரும்பணிகள் என்றால்!
அலட்சியமாய் இலட்சத்தை
சாகுபடி செய்வதுதான்
அமைச்சரவை நாற்காலி
செய்கின்ற தொண்டு!

தெய்வம் என்று
போற்றிடுவார் சிலபேர்!
பணப் படையல்
தனையிட்டும் இதையடைய
விரதங்கள் ஏற்றிடுவர் பலபேர்!
நிலையாக வீற்றிருக்க
உயிர்ப்பலிகள் கொடுத்தும்
பூசனைகள் சாற்றிடுவர்
அரசியலில் உளபேர்!

வெள்ளைநிற ஆடையுடன் அமர்வர்!
பின்பு கருப்புப் பணம் வைக்கின்ற
இடம் தேடி அலைவர்!

நாற்காலி ஆட்டம்
கண்டு விட்டால்
பணத்தாணி அரைந்து
சரிசெய்யத் துடிப்பர்!

நாற்காலி தெய்வத்தின் காட்சி
பண பக்தியுள்ள பக்தருக்கே
கிட்டும் அருளாட்சி!

ஆதிரா...

by kalaimoon70 Sat May 01, 2010 12:18 am

ஆதிராவின் ,தமிழோடு உடன்பட்டு,வார்த்தைகள் தீயிட்டு,மர்மத்தை,அம்பலப்படுத்தும்,சரவெடி இது.....

பணம் தேக்கும் மர்மங்கள்....
ஆயிரமாய் அறுவடையை அள்ளிக் குவிப்பதுதான்
அலுவலக ஆசனத்தின் அரும்பணிகள் என்றால்!
அலட்சியமாய் இலட்சத்தை சாகுபடி செய்வதுதான்
அமைச்சரவை நாற்காலி செய்கின்ற தொண்டு!

உண்மையை வெளிச்சத்துக்கு கொண்டு வரும் வரிகள்,வெடிகளின் ஒலிகள்.

வெள்ளைநிற ஆடையுடன் அமர்வர்!
பின்பு கருப்புப் பணம் வைக்கின்ற
இடம் தேடி அலைவர்!

இது தான் நிலை ,வந்தவரின் வேலை,உங்கள் சொல்லின் நிலை அஞ்சாநேஞ்சத்தின்
வெளிப்பாடு ,உங்கள் உடன்பாடு கொண்ட இந்த கவிப்பாட்டு,கேட்டு ஈகரை உள்ளம் கை தட்டும் ....வாழ்த்துக்கிறேன் தோழியே...சொல்ல வார்த்தைகள் இல்லை என்பது உண்மை.
அருமை அருமை என்று சொல்வேன்,சிறப்புக்குரியது என்றால் மிகையில்லை. மகிழ்ச்சி

by **Aathira** Sat May 01, 2010 1:18 am

kalaimoon70 wrote:ஆதிராவின் ,தமிழோடு உடன்பட்டு,வார்த்தைகள் தீயிட்டு,மர்மத்தை,அம்பலப்படுத்தும்,சரவெடி இது.....

உண்மையை வெளிச்சத்துக்கு கொண்டு வரும் வரிகள்,வெடிகளின் ஒலிகள்.

இது தான் நிலை ,வந்தவரின் வேலை,உங்கள் சொல்லின் நிலை அஞ்சாநேஞ்சத்தின்
வெளிப்பாடு ,உங்கள் உடன்பாடு கொண்ட இந்த கவிப்பாட்டு,கேட்டு ஈகரை உள்ளம் கை தட்டும் ....வாழ்த்துக்கிறேன் தோழியே...சொல்ல வார்த்தைகள் இல்லை என்பது உண்மை.
அருமை அருமை என்று சொல்வேன்,சிறப்புக்குரியது என்றால் மிகையில்லை.

தங்களின் ஆழமான, அகலமான பாராட்டுக்கு மிக்க நன்றி கலைநிலா.. பணம் தேக்கும் மர்மங்கள்.... 154550

by அப்புகுட்டி Sat May 01, 2010 1:48 am

நாற்காலி தெய்வத்தின் காட்சி
பண பக்தியுள்ள பக்தருக்கே
கிட்டும் அருளாட்சி!

தத்துவ வரிகள் மேடம்
வாழ்த்துக்கள்.

by **சிவா** Sat May 01, 2010 10:01 am

நாற்காலி பற்றிய கவிதை அருமை அக்கா!

நாற்காலி தெய்வத்தின் காட்சி
பண பக்தியுள்ள பக்தருக்கே
கிட்டும் அருளாட்சி!

மேற்கண்ட வரிகளை மிகவும் ரசித்தேன்!

by எஸ்.அஸ்லி Sat May 01, 2010 10:15 am

அசத்தல் வரிகள் அக்கா தொடருங்கள்

by கலைவேந்தன் Sat May 01, 2010 11:50 am

பதவிப்பிசாசுகள் பவ்யமாய் உறையும் மரம்..

ஊரில் உள்ள முனிகளை எலலாம் விரட்டி அடித்து
வாக்குமுடியால் பணத்தாணி கொண்டு அறையப்பட்ட மரம்...

இம்மரம் கிடைத்தால் நாக்கிலும்
கிடைக்காவிட்டால் தூக்கிலும் தொங்குவர் அரசியல் வாதிகள்..

அருமையான நாற்காலி தத்துவம் வழங்கிய ஈகரையின் கவிச்சூரியன் ஆதிராவுக்கு எனது வாழ்த்துகள்...! பணம் தேக்கும் மர்மங்கள்.... 678642

by **சிவா** Sat May 01, 2010 11:55 am

கலை wrote:பதவிப்பிசாசுகள் பவ்யமாய் உறையும் மரம்..

ஊரில் உள்ள முனிகளை எலலாம் விரட்டி அடித்து
வாக்குமுடியால் பணத்தாணி கொண்டு அறையப்பட்ட மரம்...

இம்மரம் கிடைத்தால் நாக்கிலும்
கிடைக்காவிட்டால் தூக்கிலும் தொங்குவர் அரசியல் வாதிகள்..

அருமையான நாற்காலி தத்துவம் வழங்கிய ஈகரையின் கவிச்சூரியன் ஆதிராவுக்கு எனது வாழ்த்துகள்...!

by mohan-தாஸ் Sat May 01, 2010 11:58 am

அக்கா எப்படி இதல்லாம் அருமை

by ஹாசிம் Sat May 01, 2010 12:07 pm

நாற்காலி ஆட்டம்

நாற்காலிக்குத்தான் எத்தனை போராட்டம் இதற்கு மடியாத மானிடமில்லை அருமையாக கவிவரிகளில் நாற்காலியில் அமர்ந்த அம்மையாரின் வரிகளில் தெரிகிறது ஆட்டம்காணா நாற்காலி பணம் தேக்கும் மர்மங்கள்.... 678642