ஏக்கம்

Cynthia Francis · Cynthia Francis Thu 29 Apr 2010 - 17:48

ஏக்கம்

ஆயிரம் திட்டு வாங்கினாலும்,
அம்மா கையால்
திகட்டாத சாப்பாடு எங்கே?

கையில் பிரம்புடன்
வாசலில் நின்றாலும்
கரும்பாய் இனிக்கும் அப்பா எங்கே?

வீட்டில் அறைகள்
குறைவாக இருப்பினும்
மனம் நிறைந்து இருந்ததே?

தொலை தொடர்பு வளர்ந்து விட்டது
அனால் அன்பு தொல்லைகள்
குறைந்து விட்டதே?

பாதி ஜிலேபிக்கு சண்டை போட்டாலும்,
பாதி இரவில் கண் விழித்து எனக்காக
அயல் நாட்டில் இருந்து
அழைக்கும் அண்ணன் தம்பிகளின் குரல்...

கைபேசியும்,தொலை(தொல்லை) பேசியும்
மின்னஞ்சலும் ,குறுந்தகவல்களும்
இன்று குடும்ப உறுப்பினர் ஆகிவிட்டதே...

மகளிர் விடுதி,என் அறையில் இருந்து........
தனிமையில்......
நான்