சுரங்க பாதைகளில் விஷவாயு செலுத்தி 4 கடத்தல்காரர்கள் கொலை

by thiru99 Fri Apr 30, 2010 2:10 pm

எகிப்து நாட்டின் எல்லையில் சுரங்க பாதைகளை அமைத்து அதன் வழியாக இஸ்ரேல் நாட்டில் உள்ள காஷா பகுதிக்கு ஆயுதங்கள் மற்றும் பொருட்களை பாலஸ்தீன தீவிரவாதிகள் கடத்தி வருகின்றனர். இதனால் எகிப்து நாட்டில் தேவையற்ற பிரச்சினைகள் உருவாகி வருகின்றன.

எனவே அந்த சுரங்க பாதைகளை முற்றிலும் அடைக்க எகிப்து அரசு நடவடிக்கை மேற்கொண்டு வருகிறது. ஆனால் இதற்கு தீவிரவாதிகள் முட்டுக்கட்டை போட்டு வருகின்றனர்.

இதை தொடர்ந்து சுரங்க பாதைக்குள் திடீரென விஷவாயு பரவியது. இதில் மூச்சுத் திணறி 4 தீவிரவாதிகள் பலியானார்கள். ஆபத்தான நிலையில் இருந்த பலர் மீட்கப்பட்டு ஆஸ்பத்திரியில் சிகிச்சை பெற்று வருகின்றனர்.

இச்சம்பவத்துக்கு எகிப்து ராணுவமே காரணம் என தீவிரவாதிகள் குற்றம் சாட்டியுள்ளனர். சுரங்க பாதைகளில் அவர்கள்தான் விஷவாயுவை செலுத்தியுள்ளனர் என தெரிவித்துள்ளனர்.

ஆனால் இந்த புகாரை எகிப்து ராணுவம் திட்டவட்டமாக மறுத்துள்ளது. பாலஸ்தீன தீவிரவாதிகளால் ஏற்படுத்தப்பட்ட நூறுக்கணக்கான சுரங்க பாதைகளை எகிப்து ராணுவம் அடைத்து வருகிறது.

அவ்வாறு செய்தபோது ஆக்சிஜன் இன்றி மூச்சுத் திணறி கடத்தல்காரர்கள் இறந்திருக்கலாம் என கருதப்படுகிறது. கடந்த 3 ஆண்டுகளில் இது பேன்று 145 கடத்தல்காரர்கள் பலியாகியுள்ளனர்.