'ஜெய் ஹோ'வை வென்றது கம்ப்யூட்டர் சொல் : பத்து லட்சமாவது சொல்லாக அறிவிப்பு

**சிவா** · **சிவா** Fri Jun 12, 2009 6:54 pm

'ஜெய் ஹோ'வை வென்றது கம்ப்யூட்டர் சொல் : பத்து லட்சமாவது சொல்லாக அறிவிப்பு

ஹூஸ்டன்: ஆங்கிலத்தில் 10 லட்சமாவது சொல்லாக இடம்பெறுவதில் நடந்த கடும் போட்டியில், "ஜெய் ஹோ' என்ற சொல்லை, இணையதள சொல் "வெப் 2.0' தோற்கடித்துள்ளது. உலகம் முழுவதும் பேச, எழுதப்படும் ஆங்கில வார்த்தைகளுக்கு , அமெரிக்காவில் உள்ள "குளோபல் லாங்குவேஜ் மானிட் டர்' ஆய்வு அமைப்பு அங்கீகாரம் அளித்து வருகிறது. இந்த வகையில் இதுவரை ஆங்கிலத்தில் சொல் மற்றும் சொல் தொடர் 10 லட்சத்தை எட்டி விட் டது. பத்து லட்சமாவது சொல்லாக தேர்ந்தெடுக்க நடந்த பரிசீலனையில் 73 வார்த்தைகள் இடம்பெற் றன. பல நாட்டு நிபுணர்கள் அடங்கிய குழு இதை பரிசீலித் தது. இந்த போட்டியில், இந்தியாவில் இருந்து பிரபலமாக பேசப் படும் இரு வார்த்தைகளும் இடம்பெற்றன.

ஆஸ்கர் விருதுகளை பெற்றுத் தந்த "ஸ்லம்டாக் மில்லினர்' படத்தில், ஏ.ஆர்.ரஹ்மான் இசையமைத்த ஜெய் ஹோ என்ற பாடல் உலகம் முழுக்க பிரபலமானது. மொழி தெரியாத பல நாடுகளில் இந்த இரு வார்த்தைகளுக்கும் என்ன பொருள் என்று பல லட்சம் பேர், வெப்சைட்களிலும், புத்தகங்களிலும், பத்திரிக்கைகளிலும் தேடினர். உலகம் முழுவதும் எந்த ஒரு சொல், சொல்தொடர் அதிகமாக பயன்படுத்தப்படுகிறதோ, அந்த வார்த்தைகளை இந்த அமைப்பு அங்கீகரிக்கும். அதன் பின், அதை எழுத்தாளர்கள் உட்பட பலரும் பயன்படுத்த ஆரம்பிப்பர்.

இந்த வகையில், ஸ்லம்டாக் மற்றும் ஜெய் ஹோ ஆகிய இரு சொற்களில் ஏதாவது ஒன்று நிச்சயமாக 10 லட்சமாவது சொல் லாக ஏற்கப்படும் என்று பரபரப்பாக பேசப்பட்டது. நேற்று முன்தினம் டெக்சாஸ் மாநில உள்ளூர் நேரப்படி 10.20க்கு (இந்திய நேரப்படி இரவு 8.50)இந்த தேர்வு அறிவிக்கப்பட்டது. பத்து லட்சமாவது சொல்லாக "வெப் 2.0' என்ற சொல் அறிவிக் கப்பட்டது. ஸ்லம்டாக் மற்றும் ஜெய் ஹோ ஆகிய இரு சொற் களை விட, இந்த வெப்சைட் வார்த்தை 25 மடங்கு அதிகமாக பல நாடுகளில் உள்ளவர்களால் கையாளப்பட்டுள்ளது கண்டுபிடிக்கப்பட்டது.

வெப்சைட்களில் பயன்படுத் தப்படும் இந்த தகவல் தொழில் நுட்ப வார்த்தை, சாப்ட்வேர், இணைய தளம் தொடர்பாக கையாளும் பல லட்சம் பேருக்கு மிகவும் பயனுள்ள சொல். மேலும், அடுத்த தலைமுறையினருக்கு இந்த வார்த்தை மிகவும் பயன்படக்கூடியதாக இருக்கும் என்பதால், இந்த வார்த்தையை தேர்ந்தெடுத்ததாக கமிட்டி விளக்கம் தெரிவித்துள்ளது. வழக்கமாக அமெரிக்கா, பிரிட்டன் போன்ற பணக்கார நாடுகளில் பயன்படுத்தப்படும் சொற்களை மட்டும் ஏற்கும் இந்த அமைப்பு, சமீப காலமாக இந்தியாவில் இருந்தும் பரவும் சொற்களை அங்கீகாரத்துக்கு எடுத்துக்கொள்ள ஆரம்பித்துள்ளது.