சாத்தூர் அருகே இன்று காலை தப்பி ஓடிய ரவுடி சுட்டுக்கொலை

**சிவா** · **சிவா** Thu Apr 29, 2010 2:37 pm

சாத்தூர் அருகே இன்று காலை தப்பி ஓடிய ரவுடி சுட்டுக்கொலை; போலீஸ்காரரை வெட்டி கொன்றவன்

சாத்தூர் அருகே இன்று காலை தப்பி ஓடிய ரவுடி சுட்டுக்கொலை 8cbfb970-79f8-44d2-bdbf-187c2a9cf4e8_S_secvpf

சாத்தூர் அருகே உள்ள ஓ.மேட்டுப்பட்டி கிராமத்தைச் சேர்ந்தவர்குமார். இவர் மீது பல்வேறு வழக்குகள் உள்ளன. அவரை போலீசார் தேடி வந்தனர். இந்த நிலையில் ஊரில் நடந்த கோவில் திருவிழாவின்போது குமார் கோஷ்டிக்கும் நாராயணசாமி கோஷ்டிக்கும் மோதல் ஏற்பட்டது. இரு தரப்பினரும் கம்பு, கத்தி, அரிவாள் போன்ற ஆயுதங்களுடன் மோதிக் கொண்டனர்.

இது தொடர்பாக சாத்தூர் தாலுகா போலீசார் குமார் வீட்டுக்கு சென்று குடும்பத்தினரை மிரட்டினார்கள். இதனால் போலீசார் மீது குமார் ஆத்திரம் அடைந்தார். நேற்று முன்தினம் பாதுகாப்பு பணிக்கு வந்த போலீஸ்காரர் நாகரத்தினத்தை வெட்டிக் கொன்றார்.

சம்பவம் பற்றி கூடுதல் டி.ஜி.பி. ராதாகிருஷ்ணன் ஐ.ஜி. கிருஷ்ணமூர்த்தி மற்றும் உயர் அதிகாரிகள் விசாரணை நடத்தினார்கள். போலீஸ்காரரை வெட்டிக் கொன்ற குமார் ரவுடி என்பதால் அவரை சுட்டுப்பிடிக்க உத்தரவிடப்பட்டது. குமாரை பிடிக்க 10 தனிப்படைகள் அமைக்கப்பட்டன.

சாத்தூரில் இருந்து 13 கிலோ மீட்டர் தொலை வில் கோவில்பட்டி செல்லும் வழியில் உள்ள கருவேலங்காட்டில் குமார் பதுங்கி இருப்பதாக தகவல் கிடைத்தது. உடனே போலீசார் அங்கு விரைந்தனர்.

இன்று அதிகாலை குமாரை போலீசார் சுற்றி வளைத்தனர். அவர்களை கண்டதும் தாக்கி விட்டு தப்பி ஓட முயன்றார். உடனே குமாரை போலீசார் துப்பாக்கியால் சுட்டனர். உடலில் குண்டு பாய்ந்த குமார் சம்பவ இடத்திலேயே இறந்தான். அவனது உடல் பிரேத பரிசோதனைக்காக அரசு ஆஸ்பத்திரிக்கு கொண்டு செல்லப்பட்டது.

ரவுடி குமார் சுட்டுக்கொல்லப்பட்ட இடத்தை ஐ.ஜி.கிருஷ்ணமூர்த்தி பார்வையிட்டார். பின்னர் அவர் நிருபர்களிடம் கூறியதாவது:-

போலீஸ்காரர் நாகரத்தினத்தை வெட்டி கொலை செய்து விட்டு தப்பி ஓடிய ரவுடி குமாரை போலீசார் தீவிரமாக தேடி வந்தனர். அவன் கோவில்பட்டிக்கு தப்பி செல்வதாக எங்களுக்கு தகவல் கிடைத்தது. உடனே உஷாரான போலீசார் குமாரை பிடிக்க விரைந்தனர்.

சாத்தூரில் இருந்து கோவில்பட்டி செல்லும் வழியில் 13-வது கிலோ மீட்டரில் உள்ள கருவேலங்காட்டில் பதுங்கி இருந்த குமாரை இன்று காலை போலீசார் சுற்றிவளைத்தனர். அப்போது அவனை பிடிக்க முயன்ற விருதுநகர் ஆயுதப்படை போலீஸ்காரர் செல்வகுமாரை அரிவாளால் வெட்டி விட்டு தப்பி ஓட முயன்றான். அப்போது குமாரை நோக்கி போலீஸ்காரர் செல்வகுமார் துப்பாக்கியால் சுட்டார். இதில் குமார் குண்டு பாய்ந்து இறந்தான்.

இவ்வாறு அவர் கூறினார்.