காதலின் வலி

**ரிபாஸ்** · **ரிபாஸ்** Tue 27 Apr 2010 - 12:53

காதலின் வலி
அன்பு செலுத்த அறிந்திருக்கவில்லை -
என் இதயம்
அவளை காணும் வரை

பழக தெரிந்திருக்கவில்லை -
நான்
அவளிடம் பழகும் வரை

பேச அறிந்திருக்கவில்லை -
நான்
அவள் என்னுடன் பேசும் வரை

சிரிக்க தெரியாது -
எனக்கு
அவள் சிரிப்பை காணும் வரை

நடக்க தெரியாது -
எனக்கு
அவளுடன் நடக்கத் தொடங்கும் வரை

காதலிக்க தெரிந்திருக்க வில்லை
நான்
அவளை காதலிக்கும் வரை

நான் அறிந்திருக்காததை
எல்லாம்
சொல்லி கொடுத்த அவள்
அவளை பிரிந்த பின்
அழுவது எப்படி என்று
சொல்லி கொடுக்க மறந்து விட்டாள்

அவள் பிரிவுக்கு பின்னும்
அழ தெரியாமல் தவிக்கிறது
என் இதயம்

ஆம் அவள் சென்று விட்டாள்
என்னை விட அவனிடம் - என்ன உயர்வு
கண்டுவிட்டாள்???
புரியாமல் தவிக்கிறேன்

கடலின் ஆழம் கூட
அவள் அறிந்திருக்கலாம்
அனால் என் இதயத்தில்
இருந்த அவள் மீதான காதலின் ஆழம் -
அவள் அறிந்திருக்கவில்லை

என் உயிர் காத்திருக்கும்
அவள் என் காதலை
அதன் ஆழத்தை அறிந்து வருவாள்
என்ற நம்பிக்கையில்
என் உடல் காத்திருக்குமா ???

என் இதயம் பிற காதலரின் இதயம்
போல நொறுங்கி விட வில்லை
காதலி பிரிந்தவுடன்
காரணம் -
அவள் இருப்பது என் இதயத்தில் அல்லவா?
நன்றி
வர்சன்