இது எப்படி இருக்கு?

சர்வதேச நாணய நிதியம் கைவிட்டால் இலங்கைக்கு இந்தியா உதவி வழங்கும்

இலங்கைக்கு நிதியுதவி வழங்கும் விடயத்தில் சர்வதேச நாணய நிதியம் காலம் கடத்தும் போக்கை கடைப்பிடித்தால் இந்தியா உதவத் தயாராக இருப்பதாக இலங்கை அரசாங்கத்தின் உயர்மட்டப் பேச்சாளர் ஒருவர் தெரிவித்துள்ளார்.
சர்வதேச நாணய நிதியத்திடம் இருந்து 1,900 கோடி ரூபா கடனுதவி எதிர்பார்க்கப்பட்டு வருவதாகவும் அந்த உதவி உரிய காலத்தில் கிட்டாமல் போகுமானால் அதற்கு சமமான கடனுதவியை இந்தியா தந்துதவ தயாராக இருப்பதாக அந்தப் பேச்சாளர் தெரிவித்தார்.

இந்திய அரசு இது தொடர்பில் இலங்கை அரசுக்கு ஏலவே உத்தியோகப்பற்றற்ற வகையில் அறிவித்திருப்பதாகவும் அவர் தெரிவித்தார்.

நிதி நெருக்கடியை சமாளிப்பதற்காக அரசு கடந்த பெப்ரவரி மாதத்தில் சர்வதேச நாணய நிதியத்திடம் இந்த கடனுதவி கோரிக்கை முன்வைக்கப்பட்டிருந்தது.

வடக்கு யுத்தம் மற்றும் அரசியல் காரணங்களைக் காட்டி அமெரிக்கா, ஐரோப்பிய சமூகம் மற்றும் பிரித்தானிய நாடுகள் முதலில் அதற்கு எதிர்ப்பை வெளிக்காட்டியிருந்த போதிலும் பின்னர் அந்த எதிர்ப்பினை வாபஸ் பெற்றுக்கொண்டன.

எனினும், தற்போதைய நிலையில் காணப்படும் ரூபாவின் மதிப்பைக் குறைக்காத பட்சத்தில் நிதியுதவியை வழங்க முடியாதிருப்பதாக சர்வதேச நாணய நிதியம் கூறி வருகின்றது.

நாணய நிதியத்தின் அறிவிப்பின் பிரகாரம் டொலரின் பெறுமதி 122 ரூபாவை தாண்டும் பட்சத்தில் கடனுதவியை வழங்குவது குறித்து பரிசீலிக்க முடியும் என நாணய நிதியத்தின் பணிப்பாளர் சபைக்கு அறிவிக்கப்பட்டுள்ளது.

அவ்வாறானதொரு நிலைமை ஏற்படுமானால் இறக்குமதிப் பொருட்களின் விலைகள் மேலும் பல மடங்கு அதிகரிக்கும் என்பதால் அந்த யோசனையை அரசாங்கம் ஏற்றுக்கொள்ள மறுத்துள்ளது.

இதன் மூலம் சர்வதேச நாணய நிதியத்தின் கடனுதவி தடைப்படுமானால் இந்தியாவிடம் இருந்து அந்த உதவியை பெற்றுக்கொள்ள வாய்ப்பு உருவாகி இருப்பதாக அந்த அரசாங்கத்தின் உயர்மட்டப் பேச்சாளர் மேலும் தெரிவித்துள்ளார்

சூப்பர்

எப்படியோ இவர்கள் வாங்குகின்ற கடனில் தமிழர்களுக்கு வாழ்வுகிடைத்தால் சரி

sudhakaran wrote:எப்படியோ இவர்கள் வாங்குகின்ற கடனில் தமிழர்களுக்கு வாழ்வுகிடைத்தால் சரி

கண்டிப்பாக கிடைக்காது, அந்த பணம் எல்லாம் ராணுவத்திற்கு ஒததம் வாங்க தான் பயன்படும்.

ஆஹா மிகவும் அ௫மையான தகவல்