புத்தருக்கு தண்டனை!

சபீர் · சபீர் Sat 17 Apr 2010 - 19:28

வணிகன் ஒருவன் நிறையப் பருத்தி நூல் கட்டுகளைத் தலையில் சுமந்தபடி சென்று கொண்டிருந்தான். அப்போது கடும் வெயில் என்பதால் வழியிலிருந்த புத்தர் கோவிலுக்குள் நுழைந்தான். தலையிலிருந்த மூட்டையைத் தரையில் இறக்கி வைத்தான். களைப்பினால் அங்கேயே படுத்து நன்றாகத் தூங்கிவிட்டான்.
சிறிது நேரம் சென்றபின் விழித்த அவன், தான் வைத்திருந்த மூட்டை திருடு போய்விட்டதை அறிந்து திடுக்கிட்டான்.
அந்த ஊர் நீதிபதியிடம் சென்று நடந்ததை எல்லாம் கூறி, ''நீங்கள்தாம் திருடனைக் கண்டுபிடித்து நான் இழந்த பொருளை மீட்டுத் தரவேண்டும்!'' என்றான்.
''காவலர்களை அழைத்துக் கொண்டு வணிகனின் பொருள் திருடு போன புத்தர் கோவிலை அடைந்தார்.
அங்கிருந்த புத்தர் சிலையைக் காவலர்களிடம் காட்டி, ''இவர் தம் மக்களின் நலத்தில் அக்கறை எடுத்துக் கொள்ள வேண்டும். ஆனால், இவரிடத்தில் வைக்கப்பட்ட பொருள் திருடு போய் இருக்கிறது. ஆகவே, இவர் தம் கடமையைச் செய்யவில்லை என்று தெரிகிறது. இவரைக் கைது செய்து நீதிமன்றத்திற்குக் கொண்டு வாருங்கள்!'' என்று கட்டளை இட்டார்.
உடனே காவலர்கள் அந்தச் சிலையை எடுத்து ஒரு பெரிய வண்டியில் வைத்து நீதிமன்றத்திற்குக் கொண்டு வந்தனர்.
இதையறிந்த மக்கள், எப்படிப் புத்தர் சிலைக்கு நீதிபதி தண்டனை வழங்கப் போகிறார் என்று அறிய ஆர்வம் கொண்டனர். எல்லாரும் கூட்டமாகச் சத்தம் போட்டபடி நீதிமன்றத்திற்குள் நுழைந்தனர்.
அமைதி இல்லாமல் கூச்சலிட்டுக் கொண்டிருந்த அவர்களைப் பார்த்து நீதிபதி கடும் கோபம் கொண்டார். ''என்ன நினைத்துக் கொண்டு நீங்கள் எல்லாரும் இங்கு சிரித்துப் பேசிக் கொண்டு இருக்கிறீர்கள். நீங்கள் புனிதமான நீதிமன்றத்திற்கு அவமானம் செய்துள்ளீர்கள். அதற்காக உங்கள் அனைவருக்கும் அபராதமும், சிறைத் தண்டனையும் விதிக்கப் போகிறேன்!'' என்று கடுமையாகக் கூறினார்.
இதைக் கேட்டுத் திகைத்த அவர்கள், ''நீதிபதி அவர்களே! இந்தச் செயலுக்காக எங்களை மன்னித்து விடுங்கள்!'' என்று கெஞ்சினர்.
அதனால் அமைதியடையாத நீதிபதி, ''உங்களுக்குச் சிறைத் தண்டனை தரப் போவதில்லை. நீங்கள் செய்த குற்றத்திற்கு அபராதமாக ஆளுக்கொரு பருத்தி நூல் கட்டு மூன்று நாட்களுக்குள் தர வேண்டும். தராதவர் யாராக இருந்தாலும் கைது செய்யப்படுவர்!'' என்று சொல்லி அவர்களை அனுப்பி வைத்தார்.
அபராதமாக ஏராளமான கட்டு நூல்கள் நீதிமன்றத்திற்கு வந்து சேர்ந்தன. அவற்றை ஆராய்ந்த வணிகன் தன்னிடம் திருடுபோன நூல்கட்டு ஒன்றும் அவற்றில் இருப்பதைக் கண்டுபிடித்து நீதிபதியிடம் சொன்னான். இதைக் கொண்டு நீதிபதி எளிதாகத் திருட்டைக் கண்டுபிடித்தார். நூல்கட்டுகளை மீட்டு வணிகனிடம் தந்தார். பிறகு நீதிமன்றத்தில் இருந்த நூல் கட்டுகளை உரியவர்களிடம் மீண்டும் சேர்த்தார். எல்லாரும் நீதிபதியின் அறிவுக் கூர்மையைப் பாராட்டினர்.

**ரிபாஸ்** · **ரிபாஸ்** Mon 19 Apr 2010 - 20:05

சபீர் · சபீர் Thu 22 Apr 2010 - 20:46

Sponsored content · Sponsored content

புத்தருக்கு தண்டனை!

புத்தருக்கு தண்டனை!

Re: புத்தருக்கு தண்டனை!

Re: புத்தருக்கு தண்டனை!

Re: புத்தருக்கு தண்டனை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக