கண்ணீர் இரவு !

tamilanmanian · tamilanmanian Wed Apr 28, 2010 12:03 am

எல்லோருக்கும் இரவில்
உறங்கும் சூரியன்,
எங்களுக்கு மட்டும்
பகலில்.

உயிர்களிடத்தில்அன்பு
காட்டவேண்டுமாம்,
எங்களாலும் முடியும்
மனிதர்களை தவிர
மற்றவைகளிடம்

வாழத்தான் வேண்டியுள்ளது
ஆறுதல் கூறிகிறேன் என்று,'
அவன் எங்கெல்லாம் தொட்டான்'
என கேட்பவர்களிடையிலும்,
ஆதரவு தருகிறேன் என்று,
அந்தரங்கத்தை தொடுபவர்களிடையிலும்.

விலை மதிப்பில்லாததாம் கற்பு,
கூவாமலும் கூசாமலும் அதைத்தான்
வீதியில் விற்கின்றோம்
தினமும்விலை வைத்து.

காந்தியின் கனவை
நனவாக்க இரவில்
தனியாக நடப்போம்.
என்ன அதிகமாக போனால்,
அன்றைய உழைப்பிற்கு
ஊதியம் இருக்காது.

இறுதியாக என் தாயிடம்
ஒரு விண்ணப்பம்.'
தயவு செய்து என் அப்பன்
யாரென்று சொல்லிவிடு'.

அவனை தெரிந்துகொள்வது,
என்னின் இந்த நிலைமைக்கு
நியாயம் கேட்கவோ,
ஆறுதலாக அவன்தோள்களில்
சாய்ந்துக்கொள்வதற்கோ அல்ல.
என்னுடைய இரவுகளில்
அவனைசந்திக்காமல் இருப்பதற்கு.
_________________
தமிழன் மணியன்
www.tamilanmanian.wordpress.com

அப்புகுட்டி · அப்புகுட்டி Wed Apr 28, 2010 12:05 am

கலங்க வைக்கும் உங்கள் கவி வரிகள் நண்பா அருமை.

kalaimoon70 · kalaimoon70 Wed Apr 28, 2010 12:08 am

அவனை தெரிந்துகொள்வது,
என்னின் இந்த நிலைமைக்கு
நியாயம் கேட்கவோ,
ஆறுதலாக அவன்தோள்களில்
சாய்ந்துக்கொள்வதற்கோ அல்ல.
என்னுடைய இரவுகளில்
அவனைசந்திக்காமல் இருப்பதற்கு.

வார்த்தைகள் இங்கு வசப்பட்டு ,அவளின் நிலையை சொல்லும் போது,மனம் கனக்கிறது .அருமை தோழரே ..வாழ்த்துக்கள் .

Sponsored content · Sponsored content

கண்ணீர் இரவு !

கண்ணீர் இரவு !

Re: கண்ணீர் இரவு !

Re: கண்ணீர் இரவு !

Re: கண்ணீர் இரவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக