மழலையாக மாறவேண்டும்

பாரதிப்பிரியன் · 08/04/2010

மழலை பேசும் குழந்தையாக மாறவேண்டும்
நிலவைக் காட்டும் தாய் மடியிற் றவழவேண்டும்
அழகு அன்னை அமுதமுண்டு மகிழவேண்டும்
பல கதைகள் காதின் பாயத் தூங்கவேண்டும்

தந்தை தோளில் தெருவலமாய்ப் போகவேண்டும்
விந்தை பல களித்து ஓடிச் சிரிக்கவேண்டும்
சந்தைப் பொம்மை அடம்பிடித்து வாங்க வேண்டும்
சிந்தை எங்கும் நன் நினைவே தோன்றவேண்டும்

இறைவன் இல்லக் களங்கமில்லாத் தொழுகை வேண்டும்
நிறைய நிறையக் கடவுள் மொழியில் பேசவேண்டும்
சிறைப்படாத சிறந்த உள்ளம் பெறுதல் வேண்டும்
குறைகளில்லாக் குழந்தை வாழ்வே எனக்குவேண்டும்.

துள்ளித்துள்ளி நடை பயின்று கல்வி கற்கச் செல்லவேண்டும்
வெள்ளையுள்ளத்து நல்ல நண்பர் எந்தனுக்குப் பெருகவேண்டும்
பிள்ளை நல்ல பிள்ளை என ஊர் முழுதும் அணைக்கவேண்டும்
கள்ளமில்லாக் குழந்தை உணர்வில் மீண்டும் நான் திளைக்கவேண்டும்

ஹாசிம் · ஹாசிம் Tue Apr 20, 2010 8:06 pm

தாங்களுக்கு அனைத்தும் கிடைக்க வாழ்த்துக்கள்
வரிகள் அருமை நன்றி மழலையாக மாறவேண்டும் 677196

சரண்யா · சரண்யா Tue Apr 20, 2010 8:11 pm

ஒ...மழலையாய் மாறிட மழலையோடு இருந்தால் இப்பவு முடியும்..
நன்றி..வரிகளில் எண்ணம் வழியே மழலை நினைவுகள் வந்து சென்றன...
வாழ்த்துகள்..

அன்பு தளபதி · அன்பு தளபதி Tue Apr 20, 2010 8:32 pm

மீண்டும் பின்னோக்கி செல்ல வாய்த்த உங்கள் கவிதை வாழ்க

**சிவா** · **சிவா** Tue Apr 20, 2010 8:35 pm

இவ்வளவு "வேண்டும்" கள் உங்கள் மனதில் அடைபட்டுக் கிடக்கிறது! மனிதன் நினைப்பதெல்லாம் நடந்து விடுவதில்லை. நாம் எப்படியெல்லாம் வாழ நினைத்தோமோ அப்படி நம் குழந்தைகளை வாழ வைக்கவேண்டும். அதில் இந்த ஆசைகள் பூர்த்தியாகின்றன.

பாரதிப்பிரியன் · 08/04/2010

நன்றி ஹாசிம், சரண்யா, மணியஜித், சிவா உங்கள் அனைவரது பின்னூட்டல்களுக்கு..

kalaimoon70 · kalaimoon70 Tue Apr 20, 2010 10:58 pm

மீண்டும் கிடைக்கும் .உங்கள் மழலை மூலமும்,பேரன் பேத்திகள் மூலமும்,
வரும் ,ரசிப்பிர்கள்.
உங்கள் கவிதை அருமையாக இருக்கு தோழரே. மகிழ்ச்சி

tthendral · tthendral Tue Apr 20, 2010 10:58 pm

அருமை! அருமை!
ஆயினும் "எந்தன்" க்கு "என்றன்" என்கிற சரியான சொல்லை இனி பயன் படுத்துவோமே..

**சிவா** · **சிவா** Tue Apr 20, 2010 11:01 pm

tthendral wrote:அருமை! அருமை!
ஆயினும் "எந்தன்" க்கு "என்றன்" என்கிற சரியான சொல்லை இனி பயன் படுத்துவோமே..

நன்றி நண்பா!

அப்புகுட்டி · அப்புகுட்டி Wed Apr 21, 2010 12:15 am

கிடைக்கும் ஆனால் கிடைக்காது....
வாழ்த்துக்கள் நம்புங்கள் கற்பனையில்
கஞ்சத்தனம் வேண்டாம்.

Sponsored content · Sponsored content

மழலையாக மாறவேண்டும்

மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

Re: மழலையாக மாறவேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக