முதலிரவு அறையில் நடந்த கற்பு சோதனை

by **சிவா** Tue Apr 27, 2010 8:11 am

முதலிரவு அறையில் நடந்த கற்பு சோதனை - நவீன உலகத்தில் இப்படியும் ஒரு வேதனை

[You must be registered and logged in to see this image.]

இந்த உலகம் இயந்திரமயமாகிக் கொண்டிருந்தாலும், மனிதர்கள் படித்து அறிவாளிகளாக ஆகிக் கொண்டிருந்தாலும், இன்றும் தன் புது மனைவியிடம் கற்பு சோதனை செய்யும் அறிவிலிகள் இருக்கத் தான் செய்கிறார்கள்.

அப்படிப்பட்ட ஒருவர் விபுல். இவர் தனது மனைவியிடம் முதல் இரவிலேயே கற்பு பரிசோதனை நடத்த, அதன் பின்பு நடந்தது மிகப் பெரிய விபரீதம்..!

மேற்கு வங்காளத்தில் உள்ள முபாரக்பூரில் வசிப்பவர் பிரியாலால் தாஸ். உள்ளூரில் ஒரு சின்ன தையல் கடை வைத்திருக்கும் இவருக்கு மூன்று மகள்கள் மற்றும் ஒரே ஒரு மகன். மூத்த இரு மகள்களுக்கு கஷ்டப்பட்டு தனது ஏழ்மைக்கேற்ப திருமணம் செய்து வைத்தார். மூன்றாவது மகளான ஜோதிகாவுக்கு வரன் பார்த்துக் கொண்டிருந்தார். பிரியாலால் தாஸின் தூரத்து உறவினரும், புரோக்கரான பாலி சர்க்கார் புதிய வரன் ஒன்றை கொண்டு வந்தார்.

பையன் டாக்டர் தொழில் செய்வதாகவும், உங்கள் மகள் ஜோதிகாவுக்கு பொருத்தமாக இருக்கும் என்றும் கூறினார். இதைக்கேட்டு தயக்கமான பிரியாலால், `டாக்டர் என்றால் வரதட்சனை அதிகமாக கொடுக்க வேண்டியது இருக்குமே... முடியாதே' என்று தமது ஆதங்கத்தை கொட்ட, 50ஆயிரம் ரூபாயும், ஒரு மோட்டார் சைக்கிளும் வாங்கிக் கொடுத்தால் போதும்' என்று கூற, ஒப்புக்கொண்டார் பிரியாலால்.

சில நாட்கள் கழித்து இரு குடும்பத்தாரும் பேசி திருமணத்தை உறுதி செய்தனர்.

வங்காளிகள் எங்கேயும், எப்போதும் சாஸ்திரம், சம்பிரதாயத்திற்கு முக்கியத்துவம் அளிப் பவர்கள். தடபுடலாக விருந்தும் வைப்பார்கள். திருமண நாளன்று பல சம்பிரதாயங்களை முடித்து விட்டு, முதலிரவு அறைக்குள் திருமணமான தம்பதியரை அனுப்பி வைத்தனர்.

முதலில் பேச ஆரம்பித்தது விபுல்தான். `தான் பிரபல டாக்டர் என்றும், எந்த பெண்ணையும் பார்த்தவுடன் அவள் கற்புடையவளா இல்லையா என்று கண்டுபிடிக்க முடியும்' என்றும் கூறினான். பின்னர், `திருமணத்துக்கு முன்பு யாரையாவது காதலித்தாயா? உங்களுக்குள் ஏதும் உறவு ஏற்பட்டதா?' என்று ஜோதிகாவிடம் கேட்க, விக்கித்து நின்றாள் புதுப்பெண்!

கண்களில் வழியும் கண்ணீரைத் துடைத்தவாறே... தாம் அந்தமாதிரி பெண் இல்லை என்றும், யாருடனும் தனக்கு தொடர்பு இல்லை என்று அழுத்தமாக கூறினாள் ஜோதிகா. ஆனாலும் அவளது பதிலில் நம்பிக்கையில்லாமல், மீண்டும் தனது அனுபவத்தைக் கூறி அவளை மிரட்டினான்.

`தாம் நிறைய பெண்களைப் பார்த்திருப்பதாகவும், தமது அனுபவத்தில் உன்னைப் போன்ற அழகான பெண்கள், கண்டிப்பாக யாருடனாவது தொடர்பு வைத்திருப்பார்கள்' என்றும் கூறி ஜோதிகாவை மிரட்ட... அவளோ கண்ணீர் விட்டு கதறியபடி மறுத்தாள். நேரம் செல்ல...செல்ல... இருவருக்குமான வாக்குவாதம் முற்றியது. இறுதிவரை விபுல் ஜோதிகாவை கற்புக் கரசியாக நம்பவில்லை. யாரையோ காதலித்து, உடலுறவு வைத்துக் கொண்டு கர்ப்பமாக இருப்பதாகவும், தன்னை ஏமாற்றி திருமணம் செய்து கொண்டதாகவும் ஜோதிகா மீது குற்றம் சுமத்தினான்.

கடைசியில் அந்த மகாபாவத்தை செய்தான் அவன்! ஆம்... அவளது ஆடைகளை களைந்து, புதுப்பெண் என்றும் பாராமல் அவளை படுக்கையில் கிடத்தி, ஜோதிகா கற்புடையவளா? என்று சோதித்து பார்த்தான். இதனால் மனம் உடைந்த அவள்... கதறி கதறி அழுது கொண்டிருந்தாள். அவனோ... எதுவும் கூறாமல் அப்படியே படுத்து தூங்கினான். சில மணி நேரம் அழுது கொண்டிருந்தவள்... ஒரு முடிவுக்கு வந்தாள். தனது சேலையின் உதவியால் தூக்கில் தொங்கினாள் ஜோதிகா! இதை அறியாத அந்த பாதகன் நன்றாக தூங்கிக் கொண்டிருந்தான்!

மறுநாள் காலை பெண்கள், அந்த அறையை தட்ட... எந்த ரியாக்ஷனும் இல்லை. பல தடவை அழைத்தும் எந்த பதிலும் இல்லை. பின்னர் அனைவரும் சேர்ந்து அறையின் கதவை தள்ளி, திறந்து பார்த்தால் உள்ளாடைகள் மட்டுமே அணிந்தபடி தூக்கில் தொங்கிக் கொண்டிருந்தாள் ஜோதிகா! பார்த்தவர்கள் அனைவரும் அலறினர். அருகில் படுக்கையில் நன்றாக தூங்கிக் கொண்டிருந்தான் விபுலை எழுப்ப... தூக்கில் தொங்கிய ஜோதிகாவைப் பார்த்ததும் எதுவும் புரியாமல் விழித்தான் விபுல்.

வீடு சோக மயமாக மாறியது. பெண்கள் அழுது கதற... ஆண்களோ என்ன செய்வதென்று தெரியாமல் விழித் தனர். பின்னர் அனைவரும் விபுலை அடித்து உதைத்து அருகில் இருக்கும் காவல் நிலையத்தில் ஒப்படைத்தனர்.

போலீசார் நடத்திய விசாரணையில் விபுல், `தாம் ஜோதிகாவை கொலை செய்ய வில்லை என்றும், அவள் கற்புடைவளா? என்பதை சோதித்து பார்த்ததாகவும், அவள் ஏற்கனவே கர்ப்பமாக இருந்ததாகவும், அதை சோதித்து பார்த்து அவளிடம் சொல்லி சண்டை போட்டதாகவும்' ஒப்புக் கொண்டான்.

விபுல் மீது கொலை முயற்சி வழக்கை பதிவு செய்தனர் போலீசார். தூக்கில் தொங்கிய ஜோதிகாவின் உடலை மருத்துவர்கள் பிரேத பரிசோதனை நடத்தியதில் அவள் தூக்கில் தொங்கியது மட்டுமே உண்மை என அறிந்தனர். தற்போது கோர்ட்டில் வழக்கு நடந்து வரும் நிலையில், சிறையில் கம்பி எண்ணிக் கொண்டிருக்கிறான் விபுல்.

***

இந்த நிகழ்வு பற்றிய நண்பர்களின் கருத்துக்கள் வரவேற்கப்படுகிறது!

by சம்சுதீன் Tue Apr 27, 2010 8:58 am

மிருகம் என்று சொன்னால் அது இவனுக்கு பொருந்தும் என்று நினைக்கிறேன். இப்படி பட்ட மிருகங்கள் இன்னும் உலகில் இருக்கதான் செய்கிறார்கள் இவர்களை தெருவில் நிருத்தி இப்படி பன்ன வேன்டும்.. [You must be registered and logged in to see this image.]

by கலைவேந்தன் Tue Apr 27, 2010 9:53 am

அந்தப்பெண் கோழைத்தனமாக தூக்கில் தொங்காமல் ஊர் உலகத்துக்கு அவனைத் தோழ்லுரித்துக் காட்டி விவாகரத்து பெற்று மீண்டும் வேறு ஒரு நல்ல வாழ்க்கையைத் தொடக்கி இருக்கலாம்... [You must be registered and logged in to see this image.]

by indra devi d/o baktaru Tue Apr 27, 2010 10:17 am

அவனை துக்கு போடா வேண்டும்.

by சபீர் Tue Apr 27, 2010 10:22 am

கலை wrote:அந்தப்பெண் கோழைத்தனமாக தூக்கில் தொங்காமல் ஊர் உலகத்துக்கு அவனைத் தோழ்லுரித்துக் காட்டி விவாகரத்து பெற்று மீண்டும் வேறு ஒரு நல்ல வாழ்க்கையைத் தொடக்கி இருக்கலாம்... [You must be registered and logged in to see this image.]