நித்யானந்தாவுக்கு நெஞ்சு வலி: மருத்துவமனையில் அனுமதி

by sathyan Mon Apr 26, 2010 10:31 pm

நித்யானந்தாவுக்கு நெஞ்சு வலி: மருத்துவமனையில் அனுமதி

தனக்கு நெஞ்சு வலிப்பதாக கூறியதால், நித்யானந்தாவை பெங்களூருவில் உள்ள அரசு பொது மருத்துவமனையில் அவசர சிகிச்சை பிரிவில் அனுமதிள்ளனர்.

இமாச்சலப்பிரதேசத்தில் கடந்த 21ஆம் தேதி கைது செய்யப்பட்ட நித்யானந்தாவை 4 நாட்கள் போலீஸ் காவலில் விசாரிக்க பெங்களூரு ராம்நகர் நீதிமன்றம் அனுமதி அளித்தது.

கடந்த 4 நாட்கள் நடந்த விசாரணையில் முதல் இரண்டு நாட்கள் நித்யானந்தா ஒத்துழைப்பு தரவில்லை. இதனால் உண்மை கண்டறியும் சோதனை நடத்த முடிவு செய்ததால், கடந்த இரண்டு நாட்களாக நித்யானந்தா விசாரணைக்கு ஓரளவு ஒத்துழைப்பதாக கர்நாடக சிஐடி போலீசார் தெரிவித்துள்ளனர்.

நீதிமன்றம் அனுமதித்த போலீஸ் காவல் இன்றுடன் முடிவடைந்தது. இதனால் ராம்நகர் நீதிமன்றத்தில் நித்யானந்தாவை கர்நாடக சிஐடி போலீசார் ஆஜர்படுத்தினர். அப்போது நித்யானந்தாவிடம் முழுமையாக விசாரணை நடத்தவில்லை என்றும், விசாரணைக்கு ஒத்துழைக்க மறுப்பதால், 4 நாட்கள் போலீஸ் காவலை நீட்டிக்க வேண்டும் என்று கர்நாடக சிஐடி போலீசார் அனுமதி கேட்டனர். ஆனால் ராம்நகர் நீதிமன்றம் 2 நாள் போலீஸ் காவலில் வைத்து விசாரிக்க அனுமதி அளித்தது.

நித்யானந்தாவை விசாரிக்க தமிழகம், கர்நாடகம், ஆந்திர போலீசார் குவி நித்யானந்தாவுக்கு நெஞ்சு வலி: மருத்துவமனையில் அனுமதி Nithiyananthaarast1

ந்துள்ளதால் கர்நாடகாவில் பரபரப்பு ஏற்பட்டுள்ளது. நித்யானந்தாவை காவலில் எடுத்து விசாரிக்க மூன்று மாநில போலீசாரும், கர்நாடக சிஐடி போலீசாரிடம் மனு கொடுத்துள்ளனர்.

இதனிடையே நித்யானந்தா - ரஞ்சிதா சி.டி.யை வெளியிட்ட லெனின் கருப்பன் பெங்களூரு சிஐடி அலுவலகத்தில் நேரடியாக சென்று சாட்சி அளித்து வருகிறார். லெனின் கூறிய குற்றச்சாட்டுகள் குறித்து நித்யானந்தாவிடம் போலீசார் விசாரணை செய்ய உள்ளனர்.

இந்நிலையில் திடீரென நித்யானந்தா தனக்கு நெஞ்சு வலிப்பதாக கூறினார். இதையடுத்து பெங்களூருவில் உள்ள அரசு பொது மருத்துவமனையில் அவசர சிகிச்சை பிரிவில் கர்நாடக சிஐடி போலீசார் அனுமதித்துள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது.

இரண்டு நாள் காவல் நீடிக்கப்பட்டுள்ள நிலையில், தனக்கு நெஞ்சு வலி என நித்யானந்தா கூறியுள்ளது, விசாரணைக்கு ஒத்துழைக்க மறுப்பதையே காட்டுவதாக கர்நாடக சிஐடி போலீஸ் வட்டாரங்கள் தெரிவிக்கின்றன.