நபி மொழி தொகுப்பு நற்சிந்தனை -51

சபீர் · சபீர் Wed Apr 21, 2010 12:45 pm

அறிவிப்பாளர் : அப+அய்ய+ப் அல் அன்ஸாரி (ரலி)
அண்ணலார் நபி (ஸல்) அவர்கள் நவின்றார்கள்:
“ஒரு மனிதன் தன் சகோதரனுடன் மூன்று இரவுகளைவிட அதிகமாக உறவைத் துண்டித்துக் கொள்வதும், இருவரும் பாதையில் ஒருவரையொருவர் சந்தித்தால் முகம் திருப்பிக்கொள்வதும் அனுமதிக்கப்பட்டதல்ல! எவர் ஸலாம் சொல்வதில் முந்திக் கொள்கின்றாரோ அவரே அவ்விருவரில் சிறந்தவர் ஆவார். ” (புகாரி, முஸ்லிம்)
விளக்கம் :
இரு முஸ்லிம்கள் ஏதேனும் ஒரு விஷயத்தில் ஒருவரைப் பற்றி ஒருவர் அதிருப்தியடைந்து பேச்சுவார்த்தையை நிறுத்திவிடுவது சாத்தியமே, ஆனால், மூன்று நாட்களைவிட அதிகமாக அவர்கள் இருவரும் இதே நிலையில் இருக்கக்கூடாது. பொதுவாக, இரண்டு மனிதர்களுக்கிடையே கசப்புணர்வு ஏற்பட்டு அவ்விருவரும் சிறிது இறையச்சம் உடையவர்களாயிருந்தால், மூன்று நாட்கள் கழிந்தவுடன் அவர்களுக்குள் ஒருவரையொருவர் சந்திக்க வேண்டுமென்ற துடிப்பு ஏற்படுகின்றது. இறுதியில் அவ்விருவரில் எவரேனும் ஒருவர் ஸலாம் சொல்வதில் முந்திக்கொண்டு அந்தச் சாத்தானியக் கசப்பை ஒழித்துக் கட்டிவிடுகின்றார். இதனால்தான் பேசுவதில் முந்திக் கொள்பவரின் சிறப்பு குறித்து இந்த நபிமொழியிலும் எடுத்துரைக்கப்பட்டுள்ளது.