ஒருகாலத்தில் மெட்ராஸுக்கு ஐஸ் அமெரிக்காவில் இருந்து வந்தது…

paari · paari Fri Apr 23, 2010 2:52 pm

ஒருகாலத்தில் மெட்ராஸுக்கு ஐஸ் அமெரிக்காவில் இருந்து வந்தது…

நம்புங்கள். நம்பித்தான் ஆகவேண்டும்.
1833-ல் சென்னை நகருக்கு ஐஸ் இறக்குமதி ஆக ஆரம்பித்தது. எங்கிருந்து? வட
அமெரிக்காவில், பாஸ்டன் நகரிலிருந்து. கப்பல் மூலமாக. நேராக கடலில் சில
மாதங்கள் பயணம் செய்த கப்பல், சென்னை துறைமுகம் வந்ததும், கப்பலில் இருந்து
மசூலா படகுகளுக்கு மாற்றி, கரைக்குக் கொண்டுவந்து, அங்கிருந்து நான்கைந்து
பேர் கட்டிகளைத் தூக்கி, கரைக்கு எதிரே இருந்த ஒரு கட்டடத்துக்குக்
கொண்டுபோய் வைத்தார்கள்.
அதிலிருந்து கட்டி கட்டியாக, ஐஸ் பிக்கால் உடைத்து, துரைமார்களின்
வேலைக்காரர்கள் வாங்கிக்கொண்டு போனார்கள். துரைமார்கள் அந்த ஐஸை ஸ்காட்ச்
விஸ்கியில் போட்டுப் பருகிவிட்டு, மிளகு போட்டு வறுத்த கோழிக்காலை
கடித்துக்கொண்டார்கள்!
டியூடர் என்ற புத்திசாலி அமெரிக்கப் பையன், பாஸ்டன் ஏரிகளில்
குளிர்காலங்களில் பாலம் பாலமாகக் கிடக்கும் ஐஸை வெட்டி எடுத்து,
இந்தியாவுக்கும் பல கோடை நாடுகளுக்கும் அனுப்பி காசு சம்பாதிக்கலாம் என்று
முடிவுசெய்ததன் விளைவே இந்த ஐஸ் ஏற்றுமதி!

ஐஸ்
ஹவுஸ், சென்னை

சென்னை மரீனாவில் ஐஸ் ஹவுஸ் என்றும் விவேகானந்தர் இல்லம் என்றும்
அழைக்கப்படும் அந்த இடத்தில்தான் 1845 முதல் 1880(?) வரை அந்த இடம்தான்
டியூடரின் கம்பெனி ஐஸை வைக்கப் பயன்பட்டதாம்.
1874 முதல் சென்னையில் ‘நீராவி மூலம் ஐஸ் தயாரிக்கும் இண்டெர்நேஷனல் ஐஸ்
கம்பெனி நிறுவப்பட்ட’ சில ஆண்டுகளுக்குள்ளேயே டியூடரின் ஐஸ் ஏற்றுமதி
வியாபாரம் உருகிவிட்டது.
(இந்தத் தகவல், எஸ்.முத்தையா எழுதி, ஆங்கிலத்திலிருந்து தமிழுக்கு
மொழிமாற்றம் செய்து, இந்த வாரக் கடைசியில் வெளியாக உள்ள சென்னை

மறுகண்டுபிடிப்பு என்ற நூலில் இருந்து எடுக்கப்பட்டது.)
சரி. இப்போது சில கேள்விகள்:
1. பாஸ்டனில் வெட்டி எடுக்கப்பட்ட ஐஸ், சென்னை வரை உருகாமல் வந்துசேர
என்ன செய்திருப்பார்கள்? வழியிலேயே உருகிக் கொட்டியிருக்காதா?
2. நீராவி மூலம் ஐஸ் உருவாக்குவது என்றால் என்ன?
3. கார்னாட் இயந்திரம் என்றால் என்ன? (வேண்டுமானால் இந்தக் கேள்வியை
சாய்ஸில் விட்டுவிடுங்கள்.)

நன்றி அறிவியல்

தன்னம்பிக்கையுடன்
விருதை பாரி ........

**சிவா** · **சிவா** Fri Apr 23, 2010 3:34 pm

கேள்விகளுக்கு பதில் சொல்லத் தெரியவில்லை, ஆனால் தகவல் இதுவரை அறியாதது. நன்றி பாரி!

ஸ்ரீ கிருஷ்ணன் · 13/11/2009

paari wrote:ஒருகாலத்தில் மெட்ராஸுக்கு ஐஸ் அமெரிக்காவில் இருந்து வந்தது…

1. பாஸ்டனில் வெட்டி எடுக்கப்பட்ட ஐஸ், சென்னை வரை உருகாமல் வந்துசேர
என்ன செய்திருப்பார்கள்? வழியிலேயே உருகிக் கொட்டியிருக்காதா?
2. நீராவி மூலம் ஐஸ் உருவாக்குவது என்றால் என்ன?
3. கார்னாட் இயந்திரம் என்றால் என்ன? (வேண்டுமானால் இந்தக் கேள்வியை
சாய்ஸில் விட்டுவிடுங்கள்.)

நன்றி அறிவியல்

தன்னம்பிக்கையுடன்
விருதை பாரி ........

வெட்டி எடுக்கப்பட்ட ஐஸை கோணிப்பையில் சுற்றி, அதன்மீது பைன் மரத்தூளைத் தூவி வைத்தால் ஐஸ் உருகாமல் (அதாவது அதிகம் உருகாமல்) இருப்பதாகக் கண்டுபிடித்தார் ஃபிரெடெரிக் டியூடர். அதற்கான ஐடியாவை அவருக்குக் கொடுத்தது அவரது நண்பர் என்று சொல்லப்படுகிறது.

மரத்தூள், அரிசித் தவிடு ஆகியவை வெப்பம் கடத்தாத இன்சுலேட்டர்கள். அதன் காரணமாக பனி கொஞ்சமாகத்தான் உருகியது. இந்தியாவுக்கு அவர்கள் முதலில் அனுப்பிய 180 டன் ஐஸில், 100 டன் பத்திரமாக வந்துசேர்ந்தது என்றால் பார்த்துக்கொள்ளுங்களேன்!

ஒருவகையில் ஐஸே ஒரு வெப்பம் கடத்தாப் பொருள்தான். அதனால் ஐஸின் புறப்பகுதி லேசாக உருக ஆரம்பித்தாலும் அங்கிருந்து வெப்பம் சட் சட்டென்று பரவி உள்ளுக்குள் சென்றுவிடாது.

டியூடர் இந்தியாவுக்கு ஐஸ் ஏற்றுமதி செய்ய ஆரம்பித்துப் பல வருடங்களுக்குப் பின்னரே தெர்மகோல் கண்டுபிடிக்கப்பட்டது. அதற்குப் பல ஆண்டுகளுக்குப் பின்னர்தான் அதுவும் பெரிய அளவில் தயாரிக்கப்பட்டு அதிலிருந்து பெட்டிகள் எல்லாம் செய்யப்பட்டன.

தெர்மோஸ் ஃபிளாஸ்க் எனப்படும் வெற்றிட ஃபிளாஸ்க் கண்டுபிடிக்கப்பட்டபோது டியூடரின் கம்பெனியே போண்டி ஆகிவிட்டது.

**சிவா** · **சிவா** Fri Apr 23, 2010 4:11 pm

சிறந்த விளக்கம் கிருஷ்!

nginx error! இது என்ன?

ஸ்ரீ கிருஷ்ணன் · 13/11/2009

சிவா wrote:சிறந்த விளக்கம் கிருஷ்!

அண்ணா...
nginx error! இது என்ன?
இந்த தளத்தில் நான் தத்துவங்களை சேர்த்துள்ளேன் இது தானாகவே மாறிக்கொண்டே இருக்கும்... தற்போது சர்வர் இயங்கவில்லை.... அதனால் அப்படி வருகிறது ...

**Tamilzhan** · **Tamilzhan** Fri Apr 23, 2010 4:30 pm

சிவா wrote:
nginx error! இது என்ன?

தேன் கூடா இருக்குமோ....! ஒருகாலத்தில் மெட்ராஸுக்கு ஐஸ் அமெரிக்காவில் இருந்து வந்தது… Icon_eek

ஸ்ரீ கிருஷ்ணன் · 13/11/2009

Tamilzhan wrote:
சிவா wrote:
nginx error! இது என்ன?

தேன் கூடா இருக்குமோ....!

ஸ்ரீ கிருஷ்ணன் wrote:
சிவா wrote:சிறந்த விளக்கம் கிருஷ்!

அண்ணா...
nginx error! இது என்ன?
இந்த தளத்தில் நான் தத்துவங்களை சேர்த்துள்ளேன் இது தானாகவே மாறிக்கொண்டே இருக்கும்... தற்போது சர்வர் இயங்கவில்லை.... அதனால் அப்படி வருகிறது ...

நிலாசகி · நிலாசகி Fri Apr 23, 2010 4:42 pm

அந்த காலத்தில் வைக்கோல், சா டஸ்ட் போன்றவற்றை ஐஸ் வைத்திருக்கும்
பெட்டியின் மேல் சுற்றி..வெப்பம் உள்ளீய் செல்லாமல் பல மாதங்கள் வரை ஐஸ்களை
பாதுகாத்து வந்தனர்.வெப்பம் கடத்த படாமல்
(insulation) இருக்கும் வரை அது சாத்தியம் தான் .