வெற்றிக்கான வழி

ஒருவன் தன்னைப் பற்றி நன்றாக அறிந்து கொள்ளும்போதே, `தான் எப்படி வாழவேண்டும்?' என்பதைப் பற்றியும் அறிந்து கொள்கிறான். அப்போது அவனது பலமும், பலவீனமும் தெரிய ஆரம்பிக்கிறது. பலவீனம் பற்றித் தெரிய வரும்போது, அதைப்பற்றிய பயமும் கூடவே வந்து விடுகிறது.

அதனால், எப்போதும் நமக்கும், பிறருக்கும் நன்மை தரக்கூடிய செயல்களைப் பற்றியே சிந்திக்க வேண்டும். அப்போதுதான் ஊக்கமும், மகிழ்ச்சியும் கிடைக்கும். இது இப்படியே தொடர்ந்தால், துன்பப்படும் நேரங்களில் கூட மகிழ்ச்சியான உணர்வுகள் கைகொடுத்து நம்மை உற்சாகப்படுத்தும். எல்லாவற்றிலும் மறைந்து கிடக்கும் மகிழ்ச்சியைக் கண்டுபிடித்துவிட்டால், எப்போதும் நமக்கு வெற்றிதான்.

முதலில் ஆழ்மனதில் உள்ள கெட்ட எண்ணங்களை விலக்கும்போது தான், நம்மிடம் உள்ள தீய சிந்தனைகள் விலகும். அப்போதுதான் நம் சொல், செயல், சிந்தனை எல்லாவற்றிலும் நற்சிந்தனைகளின் வெளிப்பாடு தெரியும்.

மனஉறுதியைத் தரும் வெற்றி

வெற்றி என்பது ஒரு வாய்ப்பில்லை. அது விருப்பமே. அந்த விருப்பம் நம் மனநிலையைப் பொறுத்து அமைகிறது. குழந்தைகளைக் கொஞ்சுவதும், மனம்விட்டு சிரிப்பதும், பிறரிடம் அன்பு காட்டுவதும், அழகை ரசித்துப் பாராட்டுவதும், அடுத்தவரின் திறமையைப் போற்றுவதும், நம்மீது அடுத்தவர் சுட்டிக் காட்டும் குறைகளை ஏற்றுக்கொள்வதும் தான் வெற்றியின் ரகசியங்கள்.

நினைத்ததை அடைவதே வெற்றி. நாம் விரும்பியதைப் பெற்ற பிறகு கிடைப்பது மகிழ்ச்சி. நம்முடைய வாழ்க்கையில் பெற்ற வெற்றிகள் எல்லாம் நமது இடைவிடாத போராட்டத்தால் கிடைத்தவையே. போராடும் காலகட்டத்தில் அவை நமக்குக் கடினமாகத் தெரிந்தாலும், பிறகு அது எளிமையாகி விடுகிறது. போராடி வெற்றி அடைந்தவர்களே மனஉறுதியுடன் இருக்கிறார்கள். வெற்றி என்பது நோக்கம், அர்ப்பணிப்பு, பொறுப்பு, கடின உழைப்பு, குணநலன்கள் போன்றவற்றைச் சார்ந்தது.


வெற்றியாளர்களின் ரகசியங்கள்

காலத்தையும், பொருளையும் ஒரு போதும் வீணாக்காமல் செயல்பட்டவர் களே இன்று வெற்றியாளர்களாகத் திகழ்கிறார்கள். இவர்கள் சிக்கலான நேரத்திலும் சரியான முடிவை எடுப்பார்கள். அவ்வாறு செய்யும்போது ஒருவேளை தவறு ஏற்பட்டால், அந்தத் தவறுக்கு தாமே பொறுப்பேற்றுக் கொள்வார்கள்.

எக்காரணம் கொண்டும் அடுத்தவர் மீது கோபப்பட மாட்டார்கள். அதேபோல் மற்றவர்கள் கோபப்படும்போது பொறுமையைக் கையாள்வார்கள். எந்த ஒரு செயலையும் உற்சாகமாக செய்வார்கள். அவர்களுக்குத் திருப்தி வரும்வரை விடாமுயற்சியுடன் செய்துகொண்டே இருப்பார்கள்.

தாம் மேற்கொண்ட செயலை எந்த முறையில் முடிக்க வேண்டும் என்பதை அறிந்து, அதற்காக தங்களின் திறமையையும், ஆற்றலையும் வெளிப்படுத்துவதில்தான் வெற்றியின் ரகசியம் அடங்கியிருக்கிறது. அதை இவர்கள் கச்சிதமாகச் செய்வார்கள்.

மேலும், அறிவை முழுமையாகப் பயன்படுத்தி, வெற்றிக்காக முழுமூச்சுடனும், விடாமுயற்சியுடன் போராடுவார்கள். இறுதியில் வெற்றி என்னும் கனி அவர்களுடைய கைகளில் தவழும்.

முதலில் ஆழ்மனதில் உள்ள கெட்ட எண்ணங்களை விலக்கும்போது தான், நம்மிடம் உள்ள தீய சிந்தனைகள் விலகும். அப்போதுதான் நம் சொல், செயல், சிந்தனை எல்லாவற்றிலும் நற்சிந்தனைகளின் வெளிப்பாடு தெரியும்.



இது வார்த்தையில்லை ,வாழ்க்கையின் மறுபக்கம் .அருமையான் பதிவு தல .நன்றி .

காலத்தையும், பொருளையும் ஒரு போதும் வீணாக்காமல் செயல்பட்டவர் களே இன்று
வெற்றியாளர்களாகத் திகழ்கிறார்கள். இவர்கள் சிக்கலான நேரத்திலும் சரியான
முடிவை எடுப்பார்கள். அவ்வாறு செய்யும்போது ஒருவேளை தவறு ஏற்பட்டால்,
அந்தத் தவறுக்கு தாமே பொறுப்பேற்றுக் கொள்வார்கள்.

எமக்கும் பிரயோசனமான தகவல் நன்றி தல

சம்சுதீன் wrote:எமக்கும் பிரயோசனமான தகவல் நன்றி தல...

எனக்கும் (அனைவருக்கும்) பிரயோசனமான பதிவு மகவும் நன்றி நண்பா.

வெற்றி என்பது ஒரு வாய்ப்பில்லை. அது விருப்பமே. அந்த விருப்பம் நம் மனநிலையைப் பொறுத்து அமைகிறது. குழந்தைகளைக் கொஞ்சுவதும், மனம்விட்டு சிரிப்பதும், பிறரிடம் அன்பு காட்டுவதும், அழகை ரசித்துப் பாராட்டுவதும், அடுத்தவரின் திறமையைப் போற்றுவதும், நம்மீது அடுத்தவர் சுட்டிக் காட்டும் குறைகளை ஏற்றுக்கொள்வதும் தான் வெற்றியின் ரகசியங்கள்.


வெற்றியின் படிக்கல் சிறப்பான தகவல் பகிர்வுக்கு நன்றி அண்ணா.......