தவறாக குறிக்கபட்ட ஆயுள்?

First topic message reminder :

ஆயுட்காலம் மறதியாய்
குறிக்கப்பட்டு இறைவனால்
பூமியில் தூவபட்ட
விதை நான்

இலைகள் துளிர்விட்டு
விருட்சமாய் வளர்வேநென
ஆசையை சுமந்துதான்
வளர்ந்தேன் நான்

ஏழாவது அறிவை
எட்டிபார்க்கும்
மனிதன் என் உடம்புக்குள்
கதிர்வீச்சை செலுத்துகிறான்

வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

கொஞ்சி விளையாடிய
அம்மா எந்தன்
முகம் பார்த்துவிட்டு
கடவுளின்முகம் பார்க்கிறாள்

நான் பிறந்தபொழுது
அவள் கண்டகனவுகளை
அழிக்க.. கண்ணீரும்
வற்றிவிட்டது அவளுக்கு

வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?


வலிகள் வருகிறது..
வெள்ளை தேவதைகள்
நிரம்பிய ஆஸ்பத்திரியில்
மரத்து போகிறது

தெருவோரத்தில் ஐஸ்காரனை
பார்த்தும் பார்க்காதுபோல்
செல்ல பழகிவிட்டது
ஆசைகொண்ட மனம்



அன்றுகூட தும்மலின்பொழுது
பாட்டி தலையில்தட்டி
நூறு வயது
எனக்கு என்கிறாள்


நல்ல தூக்கம்
நேற்று அதிசயமாய்
கனவிலும்கூட ஆஸ்பத்திரி
வாடை துரத்துகிறது

தலையில் முடியும்
இல்லாமல் பள்ளியில்
நண்பனின் கிராப்முடிபார்த்து
ஆசை வருகிறது

அண்ணன் நானே
விட்டுகொடுக்க வேண்டும்
அப்பா ........இப்பொழுது
தங்கையை விட்டுகொடுக்கசொல்கிறார்

எப்பொழுதும் சண்டைபோடும்
தோழன் இன்றும்
இருக்கையை விட்டுகொடுத்து
பரிவாய் பார்க்கிறான்

எனக்காய் விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

Aathira wrote:சகி என்ன அருமையாக ஒரு நோயாளியின் மனதைப் படம் பிடித்து விட்டீர்கள்.. பாராட்ட சொற்களின்றி தள்ளாடு ஏழை எழுத்தாளி நான்.. ஆனந்தம் பெருக்கெடுக்கக் கண்ணீருடன் உச்சி முகர்கிறேன் இந்தக் கவிதைத் தந்த தமிழ்ப்பெண்ணை...

கவி மகுடத்திற்கு இந்த மழலையின் நன்றிகள்..

இது எவரோ ஒருவருக்காக எழுதப்பட்ட காவியமல்ல..ஒவ்வொருவரும் தம்மை அந்த நோயாளியின் நிலையினின்று பார்க்கவேண்டும் என வடிக்கப்பட்டது என்றே கூறத் தோன்றுகிறது.
சோகமான தத்துவம் புதைந்துள்ள அருமைக் கவிதையை பார்க்கின்றேன்...பாராட்டுக்கள் உங்கள் மனித நேயத்திற்கு...

பாரதிப்பிரியன் wrote:இது எவரோ ஒருவருக்காக எழுதப்பட்ட காவியமல்ல..ஒவ்வொருவரும் தம்மை அந்த நோயாளியின் நிலையினின்று பார்க்கவேண்டும் என வடிக்கப்பட்டது என்றே கூறத் தோன்றுகிறது.
சோகமான தத்துவம் புதைந்துள்ள அருமைக் கவிதையை பார்க்கின்றேன்...பாராட்டுக்கள் உங்கள் மனித நேயத்திற்கு...

உங்கள் விமர்சனப்பார்வையும் வியக்க வைக்கிறது பாரதிப்பிரியன்.

நிலா சகி

பாரதிப்பிரியன் wrote:இது எவரோ ஒருவருக்காக எழுதப்பட்ட காவியமல்ல..ஒவ்வொருவரும் தம்மை அந்த நோயாளியின் நிலையினின்று பார்க்கவேண்டும் என வடிக்கப்பட்டது என்றே கூறத் தோன்றுகிறது.
சோகமான தத்துவம் புதைந்துள்ள அருமைக் கவிதையை பார்க்கின்றேன்...பாராட்டுக்கள் உங்கள் மனித நேயத்திற்கு...

மிக்க நன்றி பாரதிபிரியன் அவர்களே.

இன்னும் மொழிக்கும் எட்டாத துயரங்கள் பற்பல

maniajith007 wrote:நிலா சகி

வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?

சபீர் wrote:வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?