தவறாக குறிக்கபட்ட ஆயுள்?

First topic message reminder :

ஆயுட்காலம் மறதியாய்
குறிக்கப்பட்டு இறைவனால்
பூமியில் தூவபட்ட
விதை நான்

இலைகள் துளிர்விட்டு
விருட்சமாய் வளர்வேநென
ஆசையை சுமந்துதான்
வளர்ந்தேன் நான்

ஏழாவது அறிவை
எட்டிபார்க்கும்
மனிதன் என் உடம்புக்குள்
கதிர்வீச்சை செலுத்துகிறான்

வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

கொஞ்சி விளையாடிய
அம்மா எந்தன்
முகம் பார்த்துவிட்டு
கடவுளின்முகம் பார்க்கிறாள்

நான் பிறந்தபொழுது
அவள் கண்டகனவுகளை
அழிக்க.. கண்ணீரும்
வற்றிவிட்டது அவளுக்கு

வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?


வலிகள் வருகிறது..
வெள்ளை தேவதைகள்
நிரம்பிய ஆஸ்பத்திரியில்
மரத்து போகிறது

தெருவோரத்தில் ஐஸ்காரனை
பார்த்தும் பார்க்காதுபோல்
செல்ல பழகிவிட்டது
ஆசைகொண்ட மனம்



அன்றுகூட தும்மலின்பொழுது
பாட்டி தலையில்தட்டி
நூறு வயது
எனக்கு என்கிறாள்


நல்ல தூக்கம்
நேற்று அதிசயமாய்
கனவிலும்கூட ஆஸ்பத்திரி
வாடை துரத்துகிறது

தலையில் முடியும்
இல்லாமல் பள்ளியில்
நண்பனின் கிராப்முடிபார்த்து
ஆசை வருகிறது

அண்ணன் நானே
விட்டுகொடுக்க வேண்டும்
அப்பா ........இப்பொழுது
தங்கையை விட்டுகொடுக்கசொல்கிறார்

எப்பொழுதும் சண்டைபோடும்
தோழன் இன்றும்
இருக்கையை விட்டுகொடுத்து
பரிவாய் பார்க்கிறான்

எனக்காய் விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

நல்லதொரு கவிதை என்பதைவிட ஒரு கவிதைக் காவியம்.
வாழ்த்துக்கள் நிலாசகி!
கா.ந.கல்யாணசுந்தரம்.

Kaa Na Kalyanasundaram wrote:நல்லதொரு கவிதை என்பதைவிட ஒரு கவிதைக் காவியம்.
வாழ்த்துக்கள் நிலாசகி!
கா.ந.கல்யாணசுந்தரம்.

மிக்க நன்றி கவிஞர் அவர்களே...

எப்படி முடிந்தது தங்களால் !
கையில் பேனாவா ? அல்லது தூரிகையா ?
படம் பதிவதுபோல் மனதில் பதிந்த கவிதை
அத்தி பூத்தாற்போல!

முதன்முதலாக பாராட்டுகளின் மழையில்
ஒரு நிலா நனைகிறது.

manoj_23 wrote:எப்படி முடிந்தது தங்களால் !
கையில் பேனாவா ? அல்லது தூரிகையா ?
படம் பதிவதுபோல் மனதில் பதிந்த கவிதை
அத்தி பூத்தாற்போல!

மிக்க நன்றி!
அருகில் இருந்து பார்த்த காட்சிகளின் உண்மை ..வார்த்தைகளாக !
இபெலாம் நான் பேனாவை எடுப்பதில்லை..நேரடியா கீபோர்ட் தான்

மு.வித்யாசன் wrote:முதன்முதலாக பாராட்டுகளின் மழையில்
ஒரு நிலா நனைகிறது.

இந்த பாராட்டுகளெல்லாம் அந்த தண்ணீரில் கரைக்க பட்ட மலருக்கு சமர்ப்பணம்

கீபோர்டில் இருந்து இசைதான் வெளிப்படும்
எப்படி கவி அலை அடித்தது.

நிலாசகி wrote:

manoj_23 wrote:எப்படி முடிந்தது தங்களால் !
கையில் பேனாவா ? அல்லது தூரிகையா ?
படம் பதிவதுபோல் மனதில் பதிந்த கவிதை
அத்தி பூத்தாற்போல!

மிக்க நன்றி!
அருகில் இருந்து பார்த்த காட்சிகளின் உண்மை ..வார்த்தைகளாக !
இபெலாம் நான் பேனாவை எடுப்பதில்லை..நேரடியா கீபோர்ட் தான்

ஈகரைக்கு வந்து வந்து இப்ப கீபோர்டும் உங்களுக்கு ஃப்ரண்டு ஆகிவிட்டதுன்னு சொலுங்க !

சகி என்ன அருமையாக ஒரு நோயாளியின் மனதைப் படம் பிடித்து விட்டீர்கள்.. பாராட்ட சொற்களின்றி தள்ளாடு ஏழை எழுத்தாளி நான்.. ஆனந்தம் பெருக்கெடுக்கக் கண்ணீருடன் உச்சி முகர்கிறேன் இந்தக் கவிதைத் தந்த தமிழ்ப்பெண்ணை...

manoj_23 wrote:

நிலாசகி wrote:

manoj_23 wrote:எப்படி முடிந்தது தங்களால் !
கையில் பேனாவா ? அல்லது தூரிகையா ?
படம் பதிவதுபோல் மனதில் பதிந்த கவிதை
அத்தி பூத்தாற்போல!

மிக்க நன்றி!
அருகில் இருந்து பார்த்த காட்சிகளின் உண்மை ..வார்த்தைகளாக !
இபெலாம் நான் பேனாவை எடுப்பதில்லை..நேரடியா கீபோர்ட் தான்

ஈகரைக்கு வந்து வந்து இப்ப கீபோர்டும் உங்களுக்கு ஃப்ரண்டு ஆகிவிட்டதுன்னு சொலுங்க !