இப்போதைக்கு அரசியல் இல்லை : விஜய்

rikniz · rikniz Tue Jun 23, 2009 10:03 am

அரசியலில் இப்போதைக்கு ஈடுபடப் போவதில்லை என்றும், மக்கள் பிரச்னைக்காக மட்டும் போராடுவேன் என்றும் நடிகர் விஜய் கூறினார்.

நடிகர் விஜய்க்கு இன்று 35வது பிறந்த நாள். இதையொட்டி ஏழைகளுக்கு பல்வேறு நல உதவிகள் வழங்க ஏற்பாடு செய்தார். இதன் ஒரு பகுதியாக, கோடம்பாக்கத்தில் உள்ள ரங்கராஜபுரத்தில் இலவச கம்ப்யூட்டர் மையத்தை காலையில் திறந்து வைத்தார். அதன் பின், சென்னை - சாலிகிராமத்தில் உள்ள அருணாசலம் சாலையில் அமைக்கப்பட்டுள்ள இலவச கம்ப்யூட்டர் மையத்தையும் அவர் திறந்தார்.

மேலும், வடபழனி ஜே.எஸ்.கல்யாண மண்டபத்தில் இலவச மருத்துவ முகாம், ரத்ததான முகாம்கள் நடந்தன. அங்கு 10-க்கும் மேற்பட்ட டாக்டர்கள் முகாமில் பங்கேற்று சிகிச்சை அளித்தனர். இதயம், தோல், சிறப்பு மருத்துவர்கள் சிகிச்சை அளிக்கப்பட்டது.
இலவச இ.சி.ஜி. ரத்த பரிசோதனை செய்யப்பட்டது. ஆயிரக்கணக்கானோருக்கு இலவச சிகிச்சை அளிக்கப்பட்டது. விஜய்யின் 100 ரசிகர்கள் ரத்ததானம் செய்தனர்.

இதைத் தொடர்ந்து பத்திரிகையாளர்களிடம் விஜய் கூறுகையில், "ஒவ்வொரு பிறந்தநாளிலும் ஏழைகளுக்கு உதவிகள் செய்து வருகிறேன். ஏழை மாணவ - மாணவிகளுக்காக இலவச கம்ப்யூட்டர் பயிற்சி மையங்கள் துவக்க விரும்பினேன். அதை இந்த பிறந்தநாளில் நிறைவேற்றி இருக்கிறேன். இரண்டு பயிற்சிமையம் திறந்துள்ளேன். இந்த எண்ணிக்கை மேலும் உயரும். இலவச மருத்துவ முகாம், ரத்ததான முகாமும் இன்று நடத்தப்பட்டது. உணவும் வழங்கப்பட்டது," என்றார்.

அரசியல் பிரவெசம் குறித்த கேள்விக்கு பதிலளிக்கையில், "அரசியலில் ஈடுபடுவது குறித்து ரசிகர்களிடம் கருத்து கேட்டது உண்மைதான். பொதுமக்கள், பெண்கள் என எல்லோரிடமும் அபிப்பிராயம் கேட்டோம். அரசியலில் ஈடுபட்டு மக்கள் பணிகளில் ஈடுபடலாம் என்று எல்லோரும் தெரிவித்தனர். அவர்கள் கருத்தை நான் ஒதுக்கவில்லை. ஆனாலும் அரசியலில் இப்போதைக்கு ஈடுபடும் யோசனை எதுவும் இல்லை," என்றார் விஜய்.

ரசிகர் மன்றத்தை மக்கள் இயக்கமாக மாற்றியிருப்பது குறித்து விளக்கமளித்த விஜய், "எனக்கு எவ்வித மிரட்டலும் வரவில்லை. அந்த அளவுக்கு நான் பெரிய ஆளில்லை. என் ரசிகர்கள் எப்போதோ தொண்டர்களாகிவிட்டார்கள்," என்றார்.

மேலும், "வேட்டைக்காரன் படப்பிடிப்பு 70 சதவீதம் படப்பிடிப்பு முடிந்து விட்டது. தீபாவளிக்கு ரிலீசாகும். எனது 50-வது படத்தை சங்கிலி முருகன் தயாரிக்கிறார். இயக்குனர் இன்னும் முடிவாகவில்லை," என்றார் விஜய்.

இப்போதைக்கு அரசியல் இல்லை : விஜய்

இப்போதைக்கு அரசியல் இல்லை : விஜய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக