இஞ்சி சாதம்

**சிவா** · **சிவா** Wed Apr 21, 2010 1:23 pm

First topic message reminder :

சீதள உடம்புக்காரர்கள் அடிக்கடி இஞ்சியை உணவில் சேர்த்துக் கொள்வது நலம். சளித் தொல்லையை அறவே நாளாவட்டத்தில் ஒழித்து உடம்பை மந்தமான நிலையிலிருந்து மீட்டு சுறுசுறுப்பாக வைத்துக் கொள்ளும் குணம் இதற்கு உண்டு. மேலும் ஜீரணத்தை மேம்படுத்தி, உடம்பையும் 'சிக்'கென வைக்கும் ஆற்றலும் உண்டு.

தேவையானவை:

பச்சரிசி - 250 கிராம்

இஞ்சித் துண்டு - 1 தேக்கரண்டி

கடலைப் பருப்பு - 1 தேக்கரண்டி

மிளகாய் வற்றல் - 4

வெல்லம் - கோலி அளவு

புளிக் கரைசல் 1/4 கப்

மஞ்சள் தூள் - 1/4 தேக்கரண்டி

கடுகு + உளுத்தம்பருப்பு - 1/2 தேக்கரண்டி

நல்லெண்ணெய் - 1/4 கப்

உப்பு - தேவைக்கேற்ப

கறிவேப்பிலை - ஒரு கொத்து

பெருங்காயம் - 1/4 தேக்கரண்டி

செய்முறை:

அரிசியை அரை மணி நேரம் மட்டுமே ஊறவைத்துக் களைந்து, உதிரியாக சாதம் வடித்துக் கொள்ளவும். இஞ்சி தோல் சீவி பொடியாக நறுக்கி எடுக்கவும். வாணலியில் சிறிது எண்ணெய் விட்டு இஞ்சியை நன்கு வதக்கவும்.

மிளகாய் வற்றல், கடலைப் பருப்பையும் சிவக்க வறுத்து எடுக்கவும்.

இவற்றை ஒன்று சேர்த்து மிக்ஸியில் அரைத்து இத்துடன் புளிக்கரைசல், வெல்லம், மஞ்சள் தூள், உப்பு கலந்து, திட்டமாக நீர் சேர்த்து ஒரு முறை கொதிக்க விடவும்.

கடுகு, உளுத்தம் பரப்பு, கறிவேப்பிலை, பெருங்காயம் சேர்த்து தாளித்து இதில்கொட்டவும்.

இந்தக் கலவையுடன் மீதமிருக்கும் நல்லெண்ணெய் சேர்த்து சாதத்தில் நன்கு கலந்தால், இஞ்சி சாதம் தயார்.

**M.Jagadeesan** · **M.Jagadeesan** Sun Jun 19, 2016 12:42 pm

மிகவுன் நன்றி கிருஷ்ணம்மா ! செய்யச் சொல்லியிருக்கிறேன் . சாப்பிட்டுவிட்டு சொல்கிறேன் .

**krishnaamma** · **krishnaamma** Sun Jun 19, 2016 10:25 pm

M.Jagadeesan wrote:மிகவுன் நன்றி கிருஷ்ணம்மா ! செய்யச் சொல்லியிருக்கிறேன் . சாப்பிட்டுவிட்டு சொல்கிறேன் .

மேற்கோள் செய்த பதிவு: 1211670

உங்களின் பதிலுக்காக காத்திருக்கிறேன் ஐயா புன்னகை

Sponsored content · Sponsored content

இஞ்சி சாதம்

இஞ்சி சாதம்

Re: இஞ்சி சாதம்

Re: இஞ்சி சாதம்

Re: இஞ்சி சாதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக