தாலி கட்டும் முன்னர் தெளிவுபடுத்திக் கொள்ள வேண்டியவைகள்

கடவுள் நம்பிக்கை

உங்கள் வாழ்க்கைத் துணையுடன் வாழ்க்கை சுமூகமாகப் போக உங்கள் துணையின் கடவுள் நம்பிக்கையை அறிந்துகொள்வதும், கடவுள் நம்பிக்கையில் உங்களின் நிலையைத் தெளிவுபடுத்துவதும் முக்கியம். உதாரணத்துக்கு, `கடவுள் இருந்தால் என்ன, இல்லாவிட்டால் என்ன, நாம் நல்லவராக வாழ்ந்தால் போதும்' என்ற எண்ணம் கொண்டவராக நீங்கள் இருக்கலாம். உங்களின் மனைவி அல்லது கணவர் அதீத தெய்வ பக்தி கொண்டவராக இருக்கலாம். அப்படிப்பட்ட சூழ்நிலையில் உங்களால் சரியாக ஒத்துப்போக முடியுமா? உங்களின் குழந்தை எந்தக் கொள்கையின்படி வள ரும்? அதிலும் கணவனும், மனைவியும் கடவுள் விஷயத்தில் வேறு வேறு நம்பிக்கை கொண்டவர்களாக இருந்து அவரவர்களின் நம்பிக்கையை அவரவரது குடும்பத்தினர் குழந்தைகளின் மீது திணிக்க முயலும்போது நிலைமை மேலும் மோசமாகலாம். திருமண வாழ்க்கையில் இரு சமூகம் சார்ந்தவர்கள் இணையும்போது அங்கு அதிக சகிப்புத்தன்மை அவசியம்.

செலவழிக்கும் பழக்கம்

நீங்கள் ஆடைகளுக்கும், சுற்றுலா செல்வதற்கும் கணக்குப் பார்க்காமல் செலவழிக்கக் கூடியவராக இருந்து, உங்களின் துணை அதெல்லாம் வீண் செலவு என்று கருதுகிறவராக இருந் தால் அங்கே பிரச்சினை எழலாம். நீங்கள் உங்களின் சொந்த சம்பாத்தி யத்தில் அவற்றில் ஈடுபடுகிறேன் என்று கூறினாலும் பிரச்சினை உரு வாகாமல் இருக்காது. பணத்தை எப் படிச் செலவழிக்க வேண்டும் என்ப தில் கணவன்-மனைவிக்கு இடையே கருத்து வேறுபாடு உருவாக அதிக வாய்ப்பு இருக்கிறது. உங்களின் வாழ்க்கை முறை எப்படி என்று திரு மணத்துக்கு முன்பே விரிவாக, தெளி வாகப் பேசி விடுங்கள். `வாரம் ஒரு முறை பெரிய ஓட்டலுக்குச் சென்று தடபுடலாகச் சாப்பிடலாமா?', `மாதம் எவ்வளவு சேமிக்க வேண்டும் என்று நினைக்கிறீர்கள்?', `பொழுது போக் குக்கு என்ன செய்யலாம்?' என்றெல்லாம் விலாவாரியாகப் பேசி விடுங்கள்.

குழந்தைகள் விஷயம்

திருமணமானதும் எத்தனை ஆண்டுகள் கழித்து குழந்தை பெற்றுக் கொள்ள விரும்புகிறீர்கள் என்ற எண்ணத்தை மறைக்காமல் வெளிப்படுத்தி விடுங்கள். கண வனோ, மனைவியோ உடனே பெற்றோர் ஆக விரும்பலாம். அடுத்தவர் அதைத் தள்ளிப் போட நினைக்கலாம். குழந்தை வளர்ப்பு என்பது பொறுப்பான விஷயம். தம்பதிகள் இருவரும் அதில் சரிசமமாகப் பொறுப்பேற்க வேண்டும். பொருளாதார நிலையையும் கருத்தில் கொள்ள வேண்டும். எனவே எல்லாவற்றையும் யோசித்து, நன்றாகக் கலந் தாலோசித்து இறுதி முடிவெடுங்கள்.

பண விவகாரம்

வங்கிக் கணக்கைப் பொறுத்தவரை நீங்கள் கூட்டுக் கணக்கை விரும்புவீர்களா, அல்லது தனிக் கணக்கை விரும்புவீர்களா? வீட்டுச் செலவுக்கு உங்களின் `பங்கு' என்ன? பண விவகாரத்தை முறையாகக் கையாளவில்லை என்றால் அது கணவன்- மனைவி உறவில் பெரும் குழப்பத்தையும், மனக்கசப்பையும் ஏற்படுத்தும். எனவே இதற்கு அதிக முக்கியத்துவம் கொடுங்கள். பொறுமையாக விவாதியுங்கள். இருவரும் ஒருமித்த கருத்துக்கு வரவில்லை என்றாலும், சில விஷயங்களில் ஒரு முடிவுக்கு வருவதற்கு முன்னதாகப் பேசுவது உதவும்.

எல்லைகள்

கணவன்- மனைவி உறவு எவ்வளவுதான் நெருக்கமானது என்றாலும், இருவரில் ஒருவர் அல்லது இருவருமே குறிப்பிட்ட எல்லைகளை வகுத்துக் கொள்ளவும் விரும்பக் கூடும். புகை, மதுப் பழக்கம் உள்ள கணவர் அதைத் தொடரலாமா? அவர் தனது நண்பர்களை வீட்டுக்கு அடிக்கடி அழைத்து வரலாமா? மனைவியின் உறவினர்கள் எத்தனை நாட்களுக்கு ஒருமுறை வந்தால் நல்லது என்பதைப் போன்ற விஷயங்களில் முன்னரே பேசி ஒரு தெளிவு நிலையை ஏற்படுத்திக் கொள்வது நல்லது.

நன்றி .but late message. புரிந்துணர்வோடு இருந்தால் பிரிவிற்கு இடமில்லை.

நன்றி இவை தனக்கு கல்யாணம் எனும் போது மட்டும் பயன் தரக் குடியவை அல்ல. மகனுக்கோ மகளுக்கோ பார்க்கும் போதும் பயன்படும். மீண்டும் ஒருமுறை நன்றி.