கோடைகால மருத்துவக் குறிப்புகள்

by **சிவா** Wed Apr 21, 2010 11:32 am

குழந்தைகளை குறிவைக்கும் கோடை!

கோடை வெயிலால் அதிகம் பாதிக்கப் படுவது குழந்தைகள் தான். பெரும்பாலும் குழந்தைகளை கோடை வெயில் படாமல் பார்த்துக் கொள்வது நல்லது.

கோடையில் குழந்தைகளை அதிகம் தாக்கும் நோய்களுள் ஒன்று சின்னம்மை. இது ஒரு வகை வைரசால் ஏற்படுகிறது. உடல் முழுவதும் வரும் கொப்புளங்கள் மற்றும் காய்ச்சல் இந்த நோய்க்கான அறிகுறிகளாகும். மேலும், குளிர் நடுக்கம், குமட்டல், வாந்தி ஆகியவையும் ஏற்படும்.

பெரும்பாலும், குழந்தையின் உடலில் அரிப்பு ஏற்பட்டு அவை கொப்புளங்களாக மாறும். இதை வைத்து சின்னம்மை என்பதை உறுதி செய்து கொள்ளலாம். இது தொற்றுநோய் என்பதால் உடனடியாக டாக்டரை அணுகுவதுதான் நல்லது.

தகுந்த டாக்டரிடம் சிகிச்சை பெறுவதுடன், பாதுகாக்கப்பட்ட சுத்தமான குடிநீர் மற்றும் சுகாதாரமான உணவுகளை உட்கொள்வது போன்றவற்றையும் சின்னம்மை நோய் பாதிப்புக்கு ஆளானவர்கள் பின்பற்ற வேண்டும்.

வறண்ட சருமத்தை பாதுகாக்க...
கோடையில் சருமம் எளிதில் வறண்டுபோய் விடும். அதை தடுக்க தினமும் 2 டம்ளர் மோர் குடித்து வாருங்கள். வறண்ட சருமம் நீங்கி தோல் பொலிவுபெறும்.

தோல் நீக்கிய ஆப்பிள் பழத்தை நன்றாக மசித்து, அதனுடன் சிறிது தேன், ஓட்ஸ் பவுடர் ஆகியவற்றை கலந்து, அந்த கலவையை முகத்தில் பூசி சுமார் 1/2 மணி நேரம் ஊறவிட்டு, முகத்தை கழுவவும். உங்கள் வறண்ட சருமம் காணாமல் போய்விடும்.

தோல் நீக்கிய சிறிது ஆப்பிள் பழத்துண்டுகளை ஒரு கப் பாலில் போட்டு நன்றாக கொதிக்க வைத்திடுங்கள். அது தயிர் போன்று மாறும். அதை நன்றாக ஆற விட்டு, அதில் தேவையான அளவு எடுத்து முகத்தில் பூசி 20 நிமிடங்கள் ஊறவிட்டு பின் கழுவிவிடுங்கள். இப்படி தினமும் செய்து வாருங்கள். உங்கள் வறண்ட சருமம் காணாமல் போவதோடு, முகம் பிரகாசிக்கவும் ஆரம்பித்து விடும்.

கோடை குளியல்!

கோடை வெயிலால் உச்சி முதல் உள்ளங்கால் வரை பாதிப்புகள் ஏற்படுகின்றன.
அதை தடுக்க தினமும் குளித்திடுங்கள். தலை மற்றும் உடல் முழுவதும் தேங்காய் எண்ணெய் தேய்த்து, நன்றாக ஊறவிட்டு, அதன்பின் குளிப்பது நல்லது. இப்படிச் செய்வதால் உடல் சூடு குறையும்.

கோடையில் கண்கள் எளிதில் சோர்ந்து போய் விடுவதால் எரிச்சல் கொடுக்க ஆரம்பித்து விடும்.

அதை போக்க, இரவில் தூங்கும் முன் கண்களை சுற்றி விளக்கெண்ணையை தடவி விடுங்கள். அப்படிச் செய்வதால் கண்கள் குளிர்ச்சி பெறும்.

குளிக்கும்போது சோப்புக்கு பதிலாக கடலைமாவு, தயிரை தேய்க்கலாம். பனை நுங்கு கிடைத்தால், அந்த நுங்கின் தோலை தனியாக சேகரித்து நன்றாக அரைத்து, அதனுடன் சிறிது வெந்தயத்தூள், பச்சைப்பயறு மாவு சேர்த்து உடல் முழுவதும் தேய்த்து ஊறவிட்டு குளியுங்கள்.

உங்கள் தோல் மென்மையாகி விடும்.

நல்லா... குடிங்க..!

என்ன தான் உடற்பயிற்சி செய்தாலும், டானிக் சாப்பிட்டாலும், உடல் எடை ஓரளவுதான் குறையும். ஆனால், தொடர்ந்து தண்ணீர் குடித்து வாருங்கள், ஒரு மாதத்திலேயே ரிசல்ட் தெரிந்து விடும்.

உடலில் கலோரியை கட்டுப்படுத்த மருந்து தேவையல்ல, தண்ணீர் தான் முக்கிய தேவை. தண்ணீர் சாப்பிட்டால், உடலில் வயிற்றில் இருந்து ஆரம்பித்து, குடல், சிறுநீரகம் என்று எல்லா இடத்தையும் சுத்தப்படுத்தி, எலும்பு, தசைகளையும் எந்த பாதிப்பும் இல்லாமல் சீராக்கி சென்று கடைசியில் வெளியேறி விடுகிறது. இப்படி செய்வதால் தான் சிறுநீரக பிரச்னை, குடல் பிரச்னை என்று எதுவும் வராது.

நாம் எவ்வளவு தண்ணீர் குடிக்க வேண்டும்? இது தான் பலரின் கேள்வி.

* ஒரு நாளைக்கு எட்டு முதல் பத்து டம்ளர் வரை தண்ணீர் குடிக்கலாம். ஆப்பிள், சாத்துக்குடி, ஆரஞ்சு என்று பழங்களாகவும் சாப்பிடலாம். அவற்றில் 70 சதவீதம் வரை தண்ணீர் சத்து தான் உள்ளது. தினமும் ஏதாவது ஒரு சமயம், பழங்களாக சாப்பிட்டால் நல்லது.

* பொதுவாக நம் உடல் எடையில் பாதி அளவுக்கு தண்ணீர் குடிக்க வேண்டும். அதாவது உதாரணமாக 120 பவுண்டு எடை இருப்பதாக வைத்தால், பாதி அளவு, 60 அவுன்ஸ் தண்ணீர் குடிக்க வேண்டும்.

* ஒரு பக்கம் தண்ணீர் குடித்து விட்டு, இன்னொரு பக்கம் காபி குடித்தால் பலனே இல்லை. குடித்த தண்ணீரை வற்றவைத்து விடும் காபியில் உள்ள காபின்.

* ஆல்கஹாலும் அப்படித்தான். தண்ணீர் வேண்டிய அளவு குடித்து விட்டு, மதுப்பழக்கம் இன்னொரு பக்கம் இருந்தால், நாக்கு வறண்டு தான் போகும். உடலில் தண்ணீர் ஏறவே ஏறாது.

* தண்ணீர் சாப்பிடுகிறேன் பேர்வழி என்று ஒரே மொடக்கில் அடிக்கடி கண்டபடி குடம் குடமாக குடிப்பதும் தவறு.

* வெறும் தண்ணீர் குடிக்க பிடிக்காவிட்டால், அதில் தேயிலை பையை நனைத்தோ, எலுமிச்சை சாறு பிழிந்தோ குடிக்கலாம்.

by **ரிபாஸ்** Wed Apr 21, 2010 11:37 am

அருமையான தகவல் தல வாழ்த்துக்கள்

by எஸ்.அஸ்லி Wed Apr 21, 2010 12:46 pm

நன்மையான தகவல் நன்றி அண்ணா. கோடைகால மருத்துவக் குறிப்புகள் 678642

by ஹாசிம் Wed Apr 21, 2010 12:51 pm

சமகாலத்துக்கு அவசியமான தகவல் கோடைகால மருத்துவக் குறிப்புகள் 677196

மத்திய கிழக்கில் வறுத்தெடுக்கிறது வெயில்.... கோடைகால மருத்துவக் குறிப்புகள் 678642

by அப்புகுட்டி Fri May 07, 2010 12:18 am

அனைத்தும் தேவையான குறிப்புக்கள் அண்ணா நன்றி நன்றி.

by **Aathira** Fri May 07, 2010 12:27 am

முக்கியமான அறிந்து கொள்ள வேண்டிய தகவல்.. பகிர்வுக்கு நன்றி சிவா.. கோடைகால மருத்துவக் குறிப்புகள் 678642

by அப்புகுட்டி Fri May 07, 2010 12:28 am

Aathira wrote:முக்கியமான அறிந்து கொள்ள வேண்டிய தகவல்.. பகிர்வுக்கு நன்றி சிவா..

நான்தான் எழுப்பி விட்டேன் எல்லாம் பிளான் பண்ணி பண்றது உங்கள தூங்க விடாம ஜாலி

by sathyan Fri May 07, 2010 12:30 am

நல்லா குடிங்க ன்னு சொன்னிங்க எந்த தண்ணிங் அண்ணா !

by **Aathira** Fri May 07, 2010 12:31 am

அப்புகுட்டி wrote:
Aathira wrote:முக்கியமான அறிந்து கொள்ள வேண்டிய தகவல்.. பகிர்வுக்கு நன்றி சிவா..

நான்தான் எழுப்பி விட்டேன் எல்லாம் பிளான் பண்ணி பண்றது உங்கள தூங்க விடாம

இது நல்ல இருக்கா..அப்பு... கோடைகால மருத்துவக் குறிப்புகள் 246975

சரி உங்களுக்காக ஒரு நாள் தூங்காம இருந்தாலும் மகிழ்ச்சிதான்.. கோடைகால மருத்துவக் குறிப்புகள் 705463

by அப்புகுட்டி Fri May 07, 2010 12:35 am

Aathira wrote:
அப்புகுட்டி wrote:
Aathira wrote:முக்கியமான அறிந்து கொள்ள வேண்டிய தகவல்.. பகிர்வுக்கு நன்றி சிவா..

நான்தான் எழுப்பி விட்டேன் எல்லாம் பிளான் பண்ணி பண்றது உங்கள தூங்க விடாம
இது நல்ல இருக்கா..அப்பு... சரி உங்களுக்காக ஒரு நாள் தூங்காம இருந்தாலும் மகிழ்ச்சிதான்..