கத்தரிக்காய் பேசுகிறேன்.

by kalaimoon70 Wed Apr 21, 2010 12:23 am

மரபுகள் மீறப்படுவதால்,
அரசியலாக்கப்பட்டு
நானும் இன்று பேசப்படுகிறேன்.
மரபணு என்ற பெயரில்
இன்று புதிய பிறவி!
என் பிறவிக்குணம் மாறிவிடும் என்று
மனிதகுலம் கண் கலங்கிறது.
உலகத்தையே மாசுபடுத்திய
மனித மனம் பேசுகிறது.
நீலிக் கண்ணீர் சிந்துகிறது.
நேற்று!காதலுக்கும் இணைக்கப்பட்டேன்.
இன்று! மரபு மீறலுக்கும் பேசப்படுகிறேன்.
என்றும் அம்மா தந்த கத்தரிக்காய்
கூட்டுக்கும் சாம்பாருக்கும்,பச்சடிக்கும்
உங்கள் நாக்கின் சுவைக்கு வந்து போவேன்.
நினைவு கூறப்படுவேன்!