தவறாக குறிக்கபட்ட ஆயுள்?

நிலாசகி · நிலாசகி Wed Apr 21, 2010 7:10 pm

ஆயுட்காலம் மறதியாய்
குறிக்கப்பட்டு இறைவனால்
பூமியில் தூவபட்ட
விதை நான்

இலைகள் துளிர்விட்டு
விருட்சமாய் வளர்வேநென
ஆசையை சுமந்துதான்
வளர்ந்தேன் நான்

ஏழாவது அறிவை
எட்டிபார்க்கும்
மனிதன் என் உடம்புக்குள்
கதிர்வீச்சை செலுத்துகிறான்

வண்ண வண்ண
மிட்டாய்கள் சுவைக்கும்நாவு
சுவையாமலேயே மாத்திரைகளை
உடம்புக்குள் தள்ளுகிறது

கொஞ்சி விளையாடிய
அம்மா எந்தன்
முகம் பார்த்துவிட்டு
கடவுளின்முகம் பார்க்கிறாள்

நான் பிறந்தபொழுது
அவள் கண்டகனவுகளை
அழிக்க.. கண்ணீரும்
வற்றிவிட்டது அவளுக்கு

வலியெல்லாம் உடம்பில்
நம்பிக்கையென்பது மனதில்
எமனுடன் போராடி
இவ்வுலகில் வாழமுடியுமா?

வலிகள் வருகிறது..
வெள்ளை தேவதைகள்
நிரம்பிய ஆஸ்பத்திரியில்
மரத்து போகிறது

தெருவோரத்தில் ஐஸ்காரனை
பார்த்தும் பார்க்காதுபோல்
செல்ல பழகிவிட்டது
ஆசைகொண்ட மனம்

அன்றுகூட தும்மலின்பொழுது
பாட்டி தலையில்தட்டி
நூறு வயது
எனக்கு என்கிறாள்

நல்ல தூக்கம்
நேற்று அதிசயமாய்
கனவிலும்கூட ஆஸ்பத்திரி
வாடை துரத்துகிறது

தலையில் முடியும்
இல்லாமல் பள்ளியில்
நண்பனின் கிராப்முடிபார்த்து
ஆசை வருகிறது

அண்ணன் நானே
விட்டுகொடுக்க வேண்டும்
அப்பா ........இப்பொழுது
தங்கையை விட்டுகொடுக்கசொல்கிறார்

எப்பொழுதும் சண்டைபோடும்
தோழன் இன்றும்
இருக்கையை விட்டுகொடுத்து
பரிவாய் பார்க்கிறான்

எனக்காய் விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

அப்புகுட்டி · அப்புகுட்டி Wed Apr 21, 2010 7:50 pm

ஏனம்மா இப்படி கவலை தரும் கவி வரிகள்
உன் தாயை விட இறைவன் உன் மீது பாசம் வைத்துள்ளான்.

ஹாசிம் · ஹாசிம் Wed Apr 21, 2010 8:02 pm

எனக்காய்
விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

அவர்களுடன் நாங்களும்
உன் ஆயுள் நீடிக்கட்டும
நன்றி அருமையான வரிகள் தவறாக குறிக்கபட்ட ஆயுள்? 677196

நிலாசகி · நிலாசகி Wed Apr 21, 2010 8:41 pm

அப்புகுட்டி wrote:ஏனம்மா இப்படி கவலை தரும் கவி வரிகள்
உன் தாயை விட இறைவன் உன் மீது பாசம் வைத்துள்ளான்.

ஒரு சின்ன மனதின் கவலை....
உண்மையில் இறைவன் தங்களுக்கு பிடித்தவர்களை உடனே அழைத்து கொள்கிறான்

நிலாசகி · நிலாசகி Wed Apr 21, 2010 8:45 pm

ஹாசிம் wrote:எனக்காய்
விட்டுகொடுக்க
இத்தனைபேர் இருபதால்தானோ
இறைவன் என்னிடம்
எனதாயுளை விட்டுகொடுக்க சொல்கிறார் ???

அவர்களுடன் நாங்களும்
உன் ஆயுள் நீடிக்கட்டும
நன்றி அருமையான வரிகள்

மிக நன்றி ஹாசீம் அவர்களே !
குழந்தைகள் முதல் முதியவர்கள் வரை புற்று நோயால் இருந்தும் இறந்து
கொண்டுதான் இருக்கின்றனர்....நிஜத்தில்..மரணம் தான் அவர்களை பொறுத்த
வரையில் மருந்து ..

கலைவேந்தன் · கலைவேந்தன் Wed Apr 21, 2010 8:50 pm

மனதை நிரடிய கவிதை... இப்படி ஒரு கவிதை பார்த்து நாளாகிறது... சோகம் என்றாலும் ஒருவகையில் சுகமான சுமைதான்... பாராட்டுக்கள்.. நிலாசகி...! தவறாக குறிக்கபட்ட ஆயுள்? 154550

நிலாசகி · நிலாசகி Wed Apr 21, 2010 8:54 pm

கலை wrote:மனதை நிரடிய கவிதை... இப்படி ஒரு கவிதை பார்த்து நாளாகிறது... சோகம் என்றாலும் ஒருவகையில் சுகமான சுமைதான்... பாராட்டுக்கள்.. நிலாசகி...!

மிக்க நன்றி சகோ

தவறாக குறிக்கபட்ட ஆயுள்? 154550

kalaimoon70 · kalaimoon70 Wed Apr 21, 2010 9:14 pm

வார்த்தைகள் சோகத்தை சொன்னலும் உண்மையின் உணர்வுகளை
படம்பிடித்துக் காட்டுகிறது.அருமை தோழியே.

நிலாசகி · நிலாசகி Wed Apr 21, 2010 9:19 pm

kalaimoon70 wrote:வார்த்தைகள் சோகத்தை சொன்னலும் உண்மையின் உணர்வுகளை
படம்பிடித்துக் காட்டுகிறது.அருமை தோழியே.

மனமார்ந்த நன்றிகள்

தவறாக குறிக்கபட்ட ஆயுள்? 154550

வழிப்போக்கன் · 18/02/2010

பல எண்ணங்களை மனதில் விதைத்துச் சென்றது கவிதை பாராட்டுகள் நிலாசகி தவறாக குறிக்கபட்ட ஆயுள்? 677196

Sponsored content · Sponsored content

தவறாக குறிக்கபட்ட ஆயுள்?

தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

Re: தவறாக குறிக்கபட்ட ஆயுள்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக