அர்த்தமற்ற பயங்கள் (phobia)

**சிவா** · **சிவா** Tue Apr 20, 2010 9:23 pm

அர்த்தமற்ற பயங்கள் (phobia)

·போபியா என்பதற்கு ஏதோ ஒரு இடத்தை, பொருளை, அல்லது ஒரு நிலைமையைப் பற்றி ஏற்படும் ஒரு அர்த்தமில்லாத, தேவையற்ற பயம். இது ஏன், அல்லது எப்படி ஏற்படுகிறதென்பதைத் திட்டவட்டமாகக் கூற முடியாது. சில சமயம் சிறு வயதில் ஏற்பட்ட ஏதோ ஒரு நிகழ்ச்சியால் ஏற்படலாம். அல்லது ஏதோ ஒரு பயங்கரமான சம்பவம் நிகழ்ந்துவிடுமோ என்ற கற்பனையான பயத்தில் கூட ஏற்படலாம். தெனாலி படத்தில் கமல் சொல்லுவாரே எலியைப் பார்த்தால் பயம், புலியைப் பார்த்தால் பயம், அதைப் பார்த்தால் பயம் , இதைப் பார்த்தால் பயம் என்று அடுக்கிகொண்டே போவாரல்லவா? அது கூட இந்த ·போபியா வகையைச் சேர்ந்ததுதான்.

இதனால் பாதிக்கப்பட்டவர்களுக்கு அந்தப் பொருளையோ, அல்லது நிகழ்ச்சியையோ நேரிடையாக சந்திக்கும்போதோ அல்லது சந்திக்க நேரிடுமே என்ற எதிர்பார்ப்பிலோ இந்தப் பயம் ஏற்படும். இந்த மாதிரியான ·போபியாக்கள் சகஜமானதுதான். உதாரணமாக சிலருக்கு கூட்டங்க¨ளைக் கண்டால்- ஒருவிதமான பயம் ஏற்படும். எங்கே தான் அதில் நசுங்கிவிடுவோமோ என்பது போல அனாவசியமான கற்பனைப் பயங்கள் . அதனால் ஒரு திகில் ஏற்படுகிறது. அப்போது அவர்களுக்கு மூச்சுத்திணறல், வேர்த்துவிடுவது , படபடப்பு போன்ற உடல் ரீதியான அடையாளங்கள் ஏற்படும்.

·போபியாவினால் பாதிக்கப்பட்டவர்கள் பொதுவாக தாங்கள் அச்சப்படுகிற நிகழ்ச்சியையோ அல்லது பொருளையோ முடிந்தவரை தவிர்க்கவே முயல்வார்கள். சிலவிதமான ·போபியாக்கள் அன்றாட வாழ்கையைப் பாதிக்காது. ஒருவருக்கு பாம்பைப் பற்றிய பயமென்றால் அவருடைய தினசரி வாழ்வை அது பாதிக்காது. ஆனால் கூட்டங்களைப் பார்த்தால் பயம் என்ற ·போபியா இருந்தால் நிச்சயமாக அது ஒருவருடைய அன்றாட வாழ்க்கையைப் பாதிக்கும். இதை அவர்களால் எப்படித் தவிர்க்க முடியும்? அத்தகைய நிலைமைகளைத் தவிர்க்க அல்லது தப்பிக்க முயன்று, அது முடியாமல் அந்த சம்பவத்தை எதிர்கொள்ளும்போது அவர்களுடைய நடுக்கம் மிகவும் அதிகமாகிறது.

அதேபோல சிலருக்கு திறந்த வெளிகளைக்கண்டால் பயமாக இருக்குமாம். [அகோரா போபியா). பெரிய பெரிய மைதானங்கள், ஏர்போர்ட் டெர்மினல் போன்ற இடங்களைப் பார்த்தால் அவர்களுக்கு பயம். இதனால் முடிந்தவரை அவர்கள் வீட்டுக்குள்ளேயே இருக்க முயல்வார்கள். ஆனால் இது எப்படி சாத்தியம்? இத்தகைய தினசரி வாழ்கையைப் பாதிக்கும் பயங்கள் தங்களுக்குள் ஒரு எதிர்மறையான எண்ணங்களைத் தோற்றுவித்து அவர்களுடைய அன்றாட வாழ்கையைப் பாதிக்கிறது.

ஆமாம், இத்தகைய ·போபியாக்களை எப்படி சமாளிப்பது?

இத்தகைய·போபியாக்கள் மிகத்தீவிரமாக இருந்தால் அதை மனோதத்துவ ரீதியில் மருத்துவரிடம் கவுன்சலிங் பெறுவது அவசியமாகும். எதற்காகப் பயப்படுகிறார்களோ அந்த நிகழ்ச்சியையே எதிர்கொள்ள வைப்பது அல்லது பயத்தைத் தரக்கூடிய அந்த எண்ணங்களை எப்படி சமாளிப்பது என்பதற்கான ஆலோசனைகளை வழங்குவது என்று இந்த மனோதத்துவ சிகிச்சை தேவைக்கேற்றார்போல வேறுபடும்.

உதாரணமாக ஒருவருக்கு எட்டுக்கால் பூச்சியைப்பற்றிய ·போபியா இருக்கிறது என்றால் எட்டுக்கால் பூச்சியின் படத்தை முதலில் பார்க்கச்செய்தல், அடுத்ததாக ஒரு ப்ளாஸ்டிக் மாடலைக் காண்பித்தல், பின்பு ஒரு சின்ன பூச்சியை ஒரு ஜாடிக்குள் வைத்து பார்க்கச்செய்தல், தொடச்செய்தல் என்பதுபோல படிப்படியாக அவர்களது பயத்தை போக்குவது ஒரு உளரீதியான திட்டம்.

அதே போன்று ஒருவருக்கு விமானப் பயணத்தைப்பற்றிய பயம் இருக்கலாம். விமானம் நொறுங்கி விழுந்து விடுமோ என்ற பயம். அப்போது அவர்களுக்கு " நீங்கள் முன்னால் எவ்வளவு முறை விமானத்தில் பயணம் செய்திருக்கிறீர்கள் அப்போதெல்லாம் ஒன்றும் நேரவில்லையல்லவா? என்பதுபோல நம்பிக்கை தருகின்ற உரையாடல்கள்.

இதைப்போல அவர்களுடைய ·போபியாவின் தன்மையையும் தீவிரத்தையும் பொருத்து அவர்களுடைய சிகிச்சை முறையை மனோதத்துவ மருத்துவர்கள் தீர்மானிக்கிறார்கள். இது Cognitive behavior therapy என்று அழைக்கப்படுகிறது.

மன நல மருத்துவரிடம் செல்ல விரும்பாதவர்களுக்கு கீழே தரப்பட்டுள்ள புத்தகத்திலுள்ள பயிற்சிகள் மிகவும் உதவியாக இருக்கும்:

"Mind Over Mood: Cognitive Treatment Therapy Manual for Clients" - Christine Padesky, Dennis Greenberger Guilford Press

இது தவிர ·போபியாவைப் போக்க ஹிப்னோதெரபியும் பலன் தரும் சிகிச்சையாகக் கருதப்படுகிறது.

இப்போது சில முக்கியமான ·போபியாக்களைப் பற்றி தெரிந்து கொள்வோமா?

விமானப்பயணம் - ஏரோ·போபியா
மிருகங்கள் - ஜு·போபியா
இருட்டு - ஸ்காட்டோ·போபியா
மரணம் - தனடோ·போபியா
நாய்கள் - சைனோ·போபியா
கூட்டங்கள் - டெமோ·போபியா
மூடப்பட்ட இடங்கள் - க்லஸ்ட்ரோ·போபியா
நெருப்பு - பைரோ·போபியா
தனிமை - ஆட்டோ·போபியா
திறந்தவெளி-அகோரா·போபியா
இதய நோய்- கார்டியோ·போபியா

இன்னமும் இதைப்பற்ற்றி எழுதிக்கொண்டே போனால் உங்களுக்கு , எங்கள் எழுத்தைப் பற்றிய ·போபியா வந்துவிடும். ஆமாம், அதற்கு பத்மஜனோ·போபியா என்று பெயர் வைக்கலாமோ?

- பத்மஜன்

அன்பு தளபதி · அன்பு தளபதி Tue Apr 20, 2010 9:32 pm

kalaimoon70 · kalaimoon70 Tue Apr 20, 2010 10:18 pm

இன்னமும் இதைப்பற்ற்றி எழுதிக்கொண்டே போனால் உங்களுக்கு , எங்கள் எழுத்தைப் பற்றிய ·போபியா வந்துவிடும். ஆமாம், அதற்கு பத்மஜனோ·போபியா என்று பெயர் வைக்கலாமோ?

அஹா (வடிவேலு படம் ) எப்படி எல்லாம் எழுதுகிறார்கள் பாருங்க .. ஜாலி

நல்ல தகவல் நன்றி தல.

சபீர் · சபீர் Tue Apr 20, 2010 11:55 pm

kalaimoon70 wrote:இன்னமும் இதைப்பற்ற்றி எழுதிக்கொண்டே போனால் உங்களுக்கு , எங்கள் எழுத்தைப் பற்றிய ·போபியா வந்துவிடும். ஆமாம், அதற்கு பத்மஜனோ·போபியா என்று பெயர் வைக்கலாமோ?

அஹா (வடிவேலு படம் ) எப்படி எல்லாம் எழுதுகிறார்கள் பாருங்க ..

நல்ல தகவல் நன்றி தல.

Sponsored content · Sponsored content

அர்த்தமற்ற பயங்கள் (phobia)

அர்த்தமற்ற பயங்கள் (phobia)

Re: அர்த்தமற்ற பயங்கள் (phobia)

Re: அர்த்தமற்ற பயங்கள் (phobia)

Re: அர்த்தமற்ற பயங்கள் (phobia)

Re: அர்த்தமற்ற பயங்கள் (phobia)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக