மழலையாக மாறவேண்டும்

by பாரதிப்பிரியன் Tue Apr 20, 2010 7:56 pm

First topic message reminder :

மழலை பேசும் குழந்தையாக மாறவேண்டும்
நிலவைக் காட்டும் தாய் மடியிற் றவழவேண்டும்
அழகு அன்னை அமுதமுண்டு மகிழவேண்டும்
பல கதைகள் காதின் பாயத் தூங்கவேண்டும்

தந்தை தோளில் தெருவலமாய்ப் போகவேண்டும்
விந்தை பல களித்து ஓடிச் சிரிக்கவேண்டும்
சந்தைப் பொம்மை அடம்பிடித்து வாங்க வேண்டும்
சிந்தை எங்கும் நன் நினைவே தோன்றவேண்டும்

இறைவன் இல்லக் களங்கமில்லாத் தொழுகை வேண்டும்
நிறைய நிறையக் கடவுள் மொழியில் பேசவேண்டும்
சிறைப்படாத சிறந்த உள்ளம் பெறுதல் வேண்டும்
குறைகளில்லாக் குழந்தை வாழ்வே எனக்குவேண்டும்.

துள்ளித்துள்ளி நடை பயின்று கல்வி கற்கச் செல்லவேண்டும்
வெள்ளையுள்ளத்து நல்ல நண்பர் எந்தனுக்குப் பெருகவேண்டும்
பிள்ளை நல்ல பிள்ளை என ஊர் முழுதும் அணைக்கவேண்டும்
கள்ளமில்லாக் குழந்தை உணர்வில் மீண்டும் நான் திளைக்கவேண்டும்

by **இளமாறன்** Wed Apr 21, 2010 12:18 am

அருமையான எண்ண ஓட்டங்கள்
இன்னும் எத்தனை நாளைக்கு இன்னும் குழந்தையாகவே இருக்கிறது.. அடுத்த நிலைக்கு போக வேண்டாமா மழலையாக மாறவேண்டும் - Page 2 440806

by கலைவேந்தன் Wed Apr 21, 2010 12:26 am

நிலாமுற்றத்திலும் வாசித்தேன்... அருமை பாரதிப்பிரியன்...! மழலையாக மாறவேண்டும் - Page 2 678642

by **Aathira** Wed Apr 21, 2010 1:29 am

நல்ல கவிதையைத் தந்துள்ளீர்கள் பாரதிபிரியன்..அருமை. வாழ்த்துக்கள்.. நன்றி

by சம்சுதீன் Wed Apr 21, 2010 1:37 am

அருமை அருமை.... மழலையாக மாறவேண்டும் - Page 2 154550

by ஹனி Wed Apr 21, 2010 9:39 am

சிவா wrote:இவ்வளவு "வேண்டும்" கள் உங்கள் மனதில் அடைபட்டுக் கிடக்கிறது! மனிதன் நினைப்பதெல்லாம் நடந்து விடுவதில்லை. நாம் எப்படியெல்லாம் வாழ நினைத்தோமோ அப்படி நம் குழந்தைகளை வாழ வைக்கவேண்டும். அதில் இந்த ஆசைகள் பூர்த்தியாகின்றன.

by Malaimagal Wed Apr 21, 2010 1:13 pm

நல்ல கவிதை என்னையும் மீண்டும் பிறக்கச்சொல்லி ஆசைகாட்டுகிறது...வாழ்த்துக்கள்.. மழலையாக மாறவேண்டும் - Page 2 677196

by பாரதிப்பிரியன் Thu Apr 22, 2010 12:04 pm

kalaimoon70 wrote:மீண்டும் கிடைக்கும் .உங்கள் மழலை மூலமும்,பேரன் பேத்திகள் மூலமும்,
வரும் ,ரசிப்பிர்கள்.
உங்கள் கவிதை அருமையாக இருக்கு தோழரே.

நன்றி கலைநிலா அவர்களே...

by பாரதிப்பிரியன் Thu Apr 22, 2010 12:07 pm

tthendral wrote:அருமை! அருமை!
ஆயினும் "எந்தன்" க்கு "என்றன்" என்கிற சரியான சொல்லை இனி பயன் படுத்துவோமே..

நன்றி நண்பரே, என்றன் என்பதுதான் சரியான சொல்லானால் பாவிக்கலாமே...

by பாரதிப்பிரியன் Thu Apr 22, 2010 12:09 pm

அப்புகுட்டி wrote:கிடைக்கும் ஆனால் கிடைக்காது....
வாழ்த்துக்கள் நம்புங்கள் கற்பனையில்
கஞ்சத்தனம் வேண்டாம்.

இந்த வரிகளே ஒரு கற்பனைதான்...நம் சிலரது வாழ்கைகளும் கனவிலும் கற்பனையிலும்தான் நன்றாக இருக்கிறது...நன்றி..

by பாரதிப்பிரியன் Thu Apr 22, 2010 12:18 pm

இளமாறன் wrote:

அருமையான எண்ண ஓட்டங்கள்
இன்னும் எத்தனை நாளைக்கு இன்னும் குழந்தையாகவே இருக்கிறது.. அடுத்த நிலைக்கு போக வேண்டாமா

நன்றி, வாழ்க்கையைக் குழந்தையாகத் தொடங்கி குழந்தையாகவே முடிக்கின்றோம்...இடைப்பட்ட நிலையில்தான் மனிதனுக்கு குழந்தையாகவே இருந்திருந்தால் என்று கேட்கத் தோன்றுகிறது...அவனது ஆசையும் சிலவேளைகளில் அவன் வயது முதிர்ந்து மூப்பெய்திடும் போது நிறைவேறுகிறது..