ஒரு கிழிஞ்ச பொத்தானும், புரிஞ்ச தத்துவமும்

ஹாசிம் · ஹாசிம் Tue 20 Apr 2010 - 17:05

அலுவலகம் போகும் அவசரம். அவனுக்குப் பிடித்த அந்தச் சட்டைக்குள் உடம்பைத் திணித்துக் கொண்டு பொத்தான்களைப் போடுகையில், சரியாகத் தொப்பைக்கு நேராக இருக்க வேண்டிய பொத்தானைக் காணோம். அவனுக்குக் கோபம் கோபமாக வந்தது. ‘ஆறுவது சினம்’ என்ற மனநிலையில் இல்லாத அவன் தன் மனைவியை “இந்த சட்டையைத்தான் இன்று போடுவேன் என்று தெரியாதா உனக்கு? பொத்தான்களைக் கூட சரிபார்க்காமல் என்ன கழட்டுகிறாய். இப்போது பொத்தானுக்கு எங்கே போவது?” என்று முகம் சிவக்க திட்டினான். அலட்டிக் கொள்ளாத அவன் மனைவி, அவன் அருகில் வந்து செல்லமாக (அந்தக் கால மனைவி!) “என் ராஜாவுக்கு ஏன் இத்தனை
கோபம்? இதோ பார் இந்தச் சட்டையின் கீழே உள்புறத்தில் ஒரு எக்ஸ்ட்ரா பட்டன் இருக்கிறதே! எந்தச் சட்டையிலும் இது இருக்கும். இதோ ஒரு நிமிஷத்தில் அதைத் தைத்து விடுகிறேன் என்று ஊசி நூலால் கோர்த்து அதைத் தைத்து தன் பல்லால் நூலை சரி செய்து சிரித்த முகத்துடன்... (இதற்குப் பிறகு அவள் என்ன
செய்தாள் என்பது எனக்கு தெரியாது !). அவனும் முகத்தைத் துடைத்துக் கொண்டு அசடு வழியச் சிரித்தான். கதை இவ்ளோதான்!

இந்தக் கதையினால் அறியப்படும் தத்துவம் என்னவெனில், நமது பல பிரச்சினைகளுக்கு அல்லது நாம் பிரச்சினை என்று நினைப்பவைகளுக்கு -- அந்த எக்ஸ்ட்ரா பொத்தான் போல -- நம்மிடமேதான் தீர்வு இருக்கிறது. ஆனால் பதற்றத்தினாலும், அவசரத்தினாலும் விடைகளை எங்கெங்கோ வெளியில் தேடி அலைகிறோம். சரிதானே!
(ஒரு சின்ன பின் குறிப்பு: இதில் ‘அவன்' என்று வரும் இடங்களில் “ நான்” என்று திருத்திக் கொள்ளவும். )

வழிப்போக்கன் · 18/02/2010

அருமையான கதை எம்மில் தவறை வைத்துக் கொண்டு மற்றையவரைக் கடிவதே பொதுவான இயல்பாகிவிட்டது, பகிர்விற்கு நன்றி ஹாசிம் ஒரு கிழிஞ்ச பொத்தானும், புரிஞ்ச தத்துவமும் 678642

ஒரு கிழிஞ்ச பொத்தானும், புரிஞ்ச தத்துவமும் 678642

அப்புகுட்டி · அப்புகுட்டி Tue 20 Apr 2010 - 17:16

பகிர்வுக்கு நன்றி ஹாசிம் நன்றி..

தமிழ்ப்ரியன் விஜி · 26/06/2009

இன்னா செய்தாரை ஒறுத்தல் அவர்நாண நன்னயஞ்
செய்து விடல்.

ஹாசிம் · ஹாசிம் Tue 20 Apr 2010 - 18:51

வழிப்போக்கன் wrote:அருமையான கதை எம்மில் தவறை வைத்துக் கொண்டு மற்றையவரைக் கடிவதே பொதுவான இயல்பாகிவிட்டது, பகிர்விற்கு நன்றி ஹாசிம்

நன்றி நாமே பலதடவை செய்திருப்போம் நிதானம் என்ற விடயத்தில் பயிற்சி எடுத்துக்கொண்டால் இதற்கு இலகுவாக இருக்கும் ஒரு கிழிஞ்ச பொத்தானும், புரிஞ்ச தத்துவமும் 154550