பணிவினால் எதையும் சாதிக்கலாம்.

நம்முடைய இந்தியப் பெருந்தலைவர்கள் எல்லாரும் மிகச் சாதாரணமான மனிதர்கள் இல்லை. அவர்களுக்கு சரித்திரத்தில் இன்னும் பெயர் நிலைத்து நிற்பதற்குக் காரணம் என்ன தெரியுமா? அவர்கள் உண்மையான மனிதர்களாக வாழ்ந்த காரணத்தினால்தான்.

சரி, உண்மையான மனிதர்கள் என்பவர்கள் யார்?

மனிதநேயம், அன்பு, பொறுமை, விட்டுக் கொடுக்கும் மனோபாவம், நீதி, வாய்மை, தவறைச் சுட்டிக் காட்டுவதில் கூட ஒரு நாகரீகம், பெருந்தன்மை ஆகியவைதான் அவர்களை அடையாள புருக்ஷர்களாக்கின.

இந்தியா சுதந்திரம் அடைந்த போது அதன் முதல் ஜனாதிபதியாகப் பதவியேற்றுக்கொண்டவர் டாக்டர் பாபு. ராஜேந்திரப் பிரசாத அவர்கள். அவர் இளம் வயதுக் காலத்தில் நடந்தது இந்தச் சம்பவம்.

அப்போது இங்கிலாந்தில் இந்திய மன்னரான தும்ரா என்பவருடைய வழக்கு நடந்து கொண்டு இருந்தது. அந்த வழக்கு விவகாரமாக ராஜேந்திரப் பிரசாத் இங்கிலாந்துக்கு போக வேண்டி இருந்தது. ஆகவே அவர் கப்பலில் லண்டனுக்கு சென்று கொண்டிருந்தார். அவருக்கு அருகில் ஒரு பிரயாணி அமர்ந்திருந்தார்.

அவர் புகைபிடிக்கும் பழக்கம் உள்ளவராக இருந்ததால் தொடர்ந்து புகைபிடித்துக் கொண்டே வந்தார். ஆனால் ராஜேந்திர பிரசாத்துக்கு புகை பிடிக்கும் பழக்கம் இல்லை ஆகவே அவரால் மூச்சு விட முடியாமல் திணறினார்.

உடனே அவர் தன்னருகே அமர்ந்திருந்த புகை பிடிக்கும் பிரயாணியிடம் பேச்சு கொடுத்தார்.

ஐயா, நீங்கள் பிடித்துக் கொண்டு இருப்பது என்று... கேட்டு விட்டு வார்த்தையை நிறுத்திக் கொண்டார்.

பிரயாணியின் முகத்தில் பெருமை பொங்கி வழிந்தது.

இது இங்கிலாந்திலேயே மிக மிக விலையுயர்ந்த சிகரெட் என்று பெருமிதத்துடன் கூறினார்.

இதை நீங்கள் பணம் கொடுத்துத் தானே வாங்கினீர்கள்? என்று பணிவாக கேட்டார் பிரசாத்.

பிரயாணியின் முகத்தில் மாறுதல் தெரிந்தது.

ஆம் என்றார் கடுப்புடன்.

இதற்க்கு நிங்கள்தான் பணம் கொடுத்திருக்கிறீர்கள்.
நான் கொடுக்கவே இல்லை அப்படி இருக்கும் போது நீங்கள் வெளிவிடும் புகையை எனக்கும் பங்கு கொடுக்கிறீர்களே, அது ஏன் ஐயா என்றார் ராஜேந்திரப் பிரசாத்.

அவர் கேட்டவுடனே அதன் உள் அர்த்தத்தைப் புரிந்து கொண்டார் அந்தப் பிரயாணி. உடனே தன் கையில் இருந்த சிகரட்டை தூக்கி எறிந்தார்.

பின் மன்னிப்பு கேட்கும் தோரணையில் அயம் சாரி என்று கூறினார்.

ஜயவர்க்ஷிணி

வரலாற்று சுவடு நன்றி

பணிவு ஒன்றே தலைமை பண்புகளில் முதன்மையானது.
நான் கண்டத்தில் சிவா அண்ணனிடம் அதிகமாக இருக்கு.

வெயிலின் கொடுமை அதிகமாக இருக்குல அதினால ஒரு ice

ARR wrote:சுவையான தகவல்..!

பகிர்ந்தமைக்கு நன்றி தேனம்மா..!

muthupandian82 wrote:பணிவு ஒன்றே தலைமை பண்புகளில் முதன்மையானது.
நான் கண்டத்தில் சிவா அண்ணனிடம் அதிகமாக இருக்கு.

வெயிலின் கொடுமை அதிகமாக இருக்குல அதினால ஒரு ice