பெண்களை அழகக ஜொலிக்க வைக்கும் கடற்பாசி பேஷல்

rikniz · rikniz Thu 25 Jun 2009 - 12:17

ஆசைக்கும், அழகுக்கும் அடிமையாவது அதிகம் பெண்கள்தான். தன்னை மாத்திரமன்றி தன்னைச் சார்ந்தோரையும், தான் வசிக்கும் இல் லத்தையும் எப்போதும் அழகாக வைத் திருக்க விரும்புவார்கள். ஆனால் இன்று அதிகளவான பெண்கள் வேலைக்குச் செல்கின் றனர். அவர்களால் அவர்களுடைய அழகைக் கூட பேண முடியாத நிலையில்தான் உள்ள னர். அதேநேரம் அவர்களை அழகாக ஜொலிக்க வைக்க இன்று பல்வேறு அழகு சாதன பொருட்களும், அழகு நிலையங்களும் உருவாகியுள்ளன. இவர்களுக்காகவே அழகுக் கலை நிபுணர்கள் அழகுக்கலையில் புதிய யுக்திகளை கையாள்வதை காணக்கூடியதாக உள்ளது. வரலாற்று சிந்தனைக்கு முற்பட்ட காலம் முதற்கொண்டு பெண்கள் செயற்கையான வழிமுறைகளைக் கையாண்டு, தங்கள் இயற்கை எழிலுக்கு மெருகேற்றி வந்திருக்கின்றனர். "கறுப்பு அழகில்லை' என்ற தவறான கருத்து இப்போது மாறியுள்ளது. ஃபேஷன் உலகில் கறுப்பு நிறத்தவர்களின் பங்களிப்பு அதிகரித்து வருகிறது. அழகு என்பது நிறத்தில் இல்லை. ஆரோக்கியமான சருமம், உடலமைப்பு, நடை, உடை, பாவனைகளைப் பொறுத்தே அழகு தீர்மானிக்கப்படுகிறது. சருமத்தை பொறுத்தவரை பளபளப்பும் பொலிவும் அவசியம் என் கிறார் அழகுக்கலை நிபுணர் தர்ஷினி சுப்பையா..

கொழும்பு கொட்டாஞ்சேனைப் பகுதியில் அழகுக்கலை நிலையம் ஒன்றை நடத்தி வரும் இவர் அழகுக் கலை குறித்து வீரகேசரி வார வெளி யீட்டுக்கு வழங்கிய செவ்வியிலேயே அவர் மேற்கண்டவாறு குறிப்பிட் டார். இன்றைய அவசர யுகத்தில் வாழ்ந்து கொண்டிருக்கும் பெண்க ளுக்காக அழகுக்கலை குறித்து அவர் வழங்கிய ஆலோசனைகளையும் அறிவுரைகளையும் நாம் இங்கு தொகுத்து தருகிறோம். கேள்வி:அழகுக் கலையில் நாட்டம் ஏற்படக் காரணம் என்ன? :

பதில் : நான் முதலில் ஒரு கம்பனியில் நல்ல பதவியில் இருந்து வந்தேன். இருந்தாலும் இன்னுமொருவரிடம் இருந்து கை நீட்டி சம்பளம் வாங்குவதைவிட நாமே நமக்கென்று ஒரு தொழிலை அதுவும் சுயமாக செய்யக் கூடாதாவென்று யோசித்தேன். ஆனால் இந்தத் துறைக்கு வருவதற்கு முதலில் ஆர்வம் இருக்கவில்லை. என் நண்பி ஒருவரின் தூண்டுதலாலும் அவரது ஆலோசனையின் பேரிலும் தான் இத்துறைக்கு இழுத்து வரப்பட்டேன். முதன் முதலாக நில்மினி ஆசிரியையிடம் பயின்றேன். பின்னர் குமாரி என்ற ஆசிரி யையிடம் பின்னர் இந்தியாவில் இதில் டிப்ளோமா பயிற்சியையும் பெற்றேன்.கடந்த நான்கு வருடமாக இத்துறையில் ஈடுபட்டு வருகிறேன்.

கேள்வி: பேஷியல் செய்து கொள்வதால் பெண்களிடத்தில் எத்தகையமாற்றங் களை எதிர்பார்க் கலாம்?

பதில்: அழகு என்பது மிகவும் ரசிக்கக் கூடிய விஷயம். இருந்தாலும் அழகு எனும்போது பெரும்பாலானோர் மேக் அப் பண்ணுவது மட்டுந்தான் என நினைக்கின்றனர். அது தவறு. இருக்கும் அழகை மேம்படுத்துவதே இந்த அழகுக் கலையின் இரகசியமாகும். பேஷியல் செய்வதன் முக்கிய காரணமே எமது சரு மத்தில் எலாஜின் கொலாஜின் எனும் இரு சருமப் புரதங்கள் உண்டு. ஒரு குறிப் பிட்ட வயதுக்குப் பின்னர் இந்த எலாஜின் எனும் சருமப் புரதம் குறைவடைகிறது. இதனால் முகத்தில் சுருக்கங்கள் வரப் பார்க்கும். கரும்புள்ளிகள், பருக்கள், மங்கு என்பன ஏற்படும். இதை சமப்படுத்தவே பேஷியல் செய்ய வேண்டும் என வலியுறுத்தப்படுகிறது..