செயற்கையான இதயமுடுக்கி

சபீர் · சபீர் Sun Apr 18, 2010 2:57 pm

செயற்கையான இதயமுடுக்கி

செயற்கையான இதயமுடுக்கி(Artificial Pacemaker)

இது் ஒரு செயற்கையான மருத்துவ கருவி ஆகும். இது மின் கணத்தாக்கங்களைப் பயன்படுத்தி இதயத்தைச் செயற்படச் செய்யும். இதன்மூலம் இதயத்தின் தாறுமாறான நாடித்துடிப்பானது சரியான சந்தத்திற்கு கொண்டுவரப்பட முடியும். இந்தக் கருவியானது இதயத்தின் வலது சோணையறையிலுள்ள இயற்கையான இதயமுடுக்கியானது செயலாற்றத்தவறும்போது அல்லது பிழையாக செயலாற்றும்போது சரியான இதயத்துடிப்பை ஏற்படுத்துவதற்கு பயன்படும்

நவீன இதயமுடுக்கிகள் வெளிப்புறமாக கையாளக்கூடியதாக இருப்பதுடன் நோயாளிக்கும் இனைப் பயன்படுத்துவது இலகுவான ஒன்றாகும். சில கருவிகளில் இதயத்தின் வெவ்வேறு புள்ளிகளை செயற்படுத்தக்கூடிய விதமாக பல மின்தூண்டிகள் காணப்படும். இந்த செயற்கையான இதயமுடுக்கிகளில் பல வடிவங்கள் உள்ளன.

இவற்றுள் நெஞ்சறைக்கூட்டின் இடதுபுறத்தின் கீழ்ப்பகுதியில் இதனை வைப்பதன் மூலம் வலது இதயவறைக்கு மேலாக இந்த முடுக்கியானது வைக்கப்பட்டு சுமார் 20 – 30cm தூரத்தில் இருந்து மின் கணத்தாக்கமானது இதயவறைக்குச் செலுத்தப்படும். இது மிகவும் பழமையான ஒரு முறையாகும். இது தற்போதைய காலங்களில் தற்காலிகமான ஒரு முறையாகவே பயன்படுத்தப்படுகிறது.

தோலின் கீழான இதயமுடுக்கியானது மற்றுமொரு வகையாகும். இதன்போது கருவியானது இரண்டு அமைப்புக்களை நோயாளியின் இதயத்தில் முன்புறம்/பக்கவாட்டில் அல்லது முன்புறம் /பின்புறமாக வைப்பதன் மூலம் பொருத்தப்படும்.

இது எல்லாவிதமான நாடித்துடிப்பு குறையும் பிரச்சனைகளுக்கும் சிகிச்சையாக பயன்படும். எனினும் இது பொதுவாக உயிராபத்துள்ள அவசர நிலைமைகளில் மட்டுமே குறுகிய காலப்பாவனைக்கு பயன்படுத்தப்படும். மற்றுமொரு தற்காலிகமான இதயமுடுக்கி பொருத்தும் முறையானது திறந்த இதயச் சத்திரசிகிச்சை மூலம் இதயத்தின் சுற்றுச்சுவரில் முடுக்கியானது பொருத்தப்பட்ட பின்னர் இது சோணை மற்றும் இதயவறைகளிடையே கணத்தாக்கம் கடத்தப்படுவதை தடுக்கும் நிலைக்கு எதிராக செயற்படும்.

நாளங்களினூடான இதயமுடுக்கியானது தோலின் ஊடாக செயற்படும் முடுக்கிக்கு ஒப்பானது. இந்தக் கருவியின் இணைப்பானது நாளத்தினுள் வைக்கப்பட்டு அதனூடாக அனுப்பப்பட்டும்.

சபீர் · சபீர் Sun Apr 18, 2010 2:58 pm

செயற்கையான இதயமுடுக்கி2

செயற்கையான இதயமுடுக்கி2(Artificial Pacemaker)நிரந்தரமான இதயமுடுக்கி
இதன்போது ஒன்று அல்லது இரண்டு மின் இணைப்புக்கள் இதயத்தின் அறைகளுள் ஒன்றினுள்ளோ, பலவற்றினுள்ளோ நாளங்களினூடாக செலுத்தப்படும். இது மிகவும் கிருமித்தொற்றற்ற பாதுகாப்பான முறையில் நாளமொன்றினுள் செலுத்தப்பட்டு அதனூடாக இதய வால்வுகளை அடைந்து அதனூடாக இதயத்தின் ஒரு அறையினுள் செலுத்தப்படும். இது விசேடமான ஒளிப்படக்கருவி மூலம் திரையில் கண்காணிக்கப்பட்டவாறே மிகவும் அவதானமாக இதயவறையினுள் செலுத்தப்படும். இந்தக் கருவியின் மின்முனைகள் சரியான விதத்தில் இதயத்தினுள் பொருத்தப்பட்ட பின்னல் இதயமுடுக்கியுடன் தொடர்புபடுத்தப்படும்.

இதயமுடுக்கிகள் மின்முனைகளின் எண்ணிக்கை, அவை வைக்கப்பட்டுள்ள இதயவறைகளின் எண்ணிக்கை, அவற்றின் அடிப்படைத்தொழிற்பாடு ஆகியவற்றை கருத்தில் கொண்டு இவை 3 அடிப்படை வகைகளாக பிரிக்கப்படும்.

ஒரு இதயவறைக்குரிய இதயமுடுக்கி
இந்த வகையில் ஒரு முடுக்கிமுனையானது இதயத்தின் ஏதேனும் ஒரு சோணையறை/இதயவறையினுள் வைக்கப்படும்.

சபீர் · சபீர் Sun Apr 18, 2010 2:58 pm

இரு அறைமுடுக்கி
இங்கு மின் முனைகள் இதயத்தின் இரண்டு அறைகளுள் வைக்கப்படும். ஒன்று இதயத்தின் சோணையறையை செயற்படுத்துவதுடன் மற்றொன்று இதயத்தின் இதயவறையை செயற்படுத்தும். இது இதயத்தின் சாதாரணமான இதயக்கணத்தாக்க செயற்பாட்டை ஒத்திருக்கும்.

நோயாளியின் செயற்பாட்டுக்கு ஏற்றவிதத்தில் செயற்படும் இதயமுடுக்கி
இதன்போது நோயாளியின் உடற்செயற்பாட்டு விதத்திற்கு அமைவாக இதயமுடுக்கியானது தன்னாட்சியாக தனது கணத்தாக்க தூண்டல் வேகத்தை மாற்றிக்கொள்ளும். இதன்மூலம் நோயாளியின் அனுசேப வீதத்திற்கு ஏற்ற முறையில் இதயத்துடிப்பு வீதமானது சரிசெய்யப்படும். நவீன இதய முடுக்கிகள் பல்வேறு செயற்பாடுகளை ஆற்றுகின்றன. இவற்றுள் இதயத்தின் சந்தத்தை பேணுதல், முக்கியமான ஒரு பணியாகும். இதயமுடுக்கியின் வெளிப்புறமானது உடவில் நிர்ப்பீடன தொகுதியால் நிராகரிக்கப்படாத முறையில் ரைரானியம் எனும் பதார்த்தத்தால் உருவாக்கப்பட்டுள்ளது.

இதயமுடுக்கியின் செயற்பாட்டில் பல முன்னேற்றமான திருத்தங்கள் மேற்கொள்ளப்பட்டுள்ளன. இவற்றுள் QT இடைவெளி, நாடி மற்றும் நாளத்திலுள்ள காபன் மொனொக்சைட், காபனீரொக்சைட், ATP அளவுகள், அதிரினலின் அளவுகள், உடல் வெப்பநிலை ஆகியவற்றிற்கு ஏற்ற விதத்தில் இவை தமது செயற்பாட்டையும் இதயத்தின் சந்தத்தையும் மாற்றும்.