இதயசுற்றுச்சுவர்களில் அழற்சி

சபீர் · சபீர் Sun Apr 18, 2010 1:52 pm

இதயசுற்றுச்சுவர்களில் அழற்சி

இதில் பலவகைகள் உண்டு

1. சடுதியான இதயச்சுற்றுச்சுவர் அழற்சி

2. சுருக்கமடையச் செய்யும் இதயச்சுற்றுச்சுவர் அழற்சி

சடுதியான இதயச்சுற்றுச்சுவர் அழற்சியின் காரணங்கள்

1. வைரஸ் தொற்று (கொக்சாக்கி, எப்ஸ்டீன், கூகைக்கட்டு, பொக்குளிப்பான், HIV)

2. பக்டீரியா (நியூமோனியா, ரூமரிக் காய்ச்சல், காசநோய்)

3. பங்கசு

4. மாரடைப்பால் இதயக்கல இறப்பு

5. ஏனையவை - அதிகளவு யூரியா இரத்தத்தில் காணப்படல், ருமரொய்ட் ஆர்த்தரைடிஸ், சத்திரசிகிச்சை, காயம் புற்றுநோய், கதிர்வீச்சு சிகிச்சை, சில மருந்துகள்

குணங்குறிகள்¾ உள்மூச்சு வாங்கும்போது நடுநெஞ்சில் வலி ¾ படுக்கும்போது வலி அதிகரிக்கும்¾ சற்று முன்புறம் சாய்ந்து இருப்பதால் குறையும்¾ சுற்றுச்சுவர்கள் உராயும் ஒலி கேட்கும்¾ காய்ச்சல்

பரிசோதனைகள்

மின் இதயவரைபு – ST பாகமானது உயர்வடைதல்இது உயர்வடையும் போது மேல்முகமாக குழிந்துகாணப்படும்

இரத்தப்பரிசோதனை – குருதிக்கலவகைகள் சிவப்பணுக்கள் படியும் வீதம் – ESR யூரியா மற்றும் கனியுப்பு

இதய நொதியங்கள் – ட்ரொப்பொளின் அதிகரிக்கும்தேவைப்படின் பிறபொருளெதிரிகள், தைரொயிட் செயற்பாட்டு பரிசோதனைகள் செய்யலாம்.

நெஞ்சின் X rayயில் இதயம் பருமனடையும் இந்த அழற்சியை குறிக்கலாம் எகோ பரிசோதனை மூலம் சுற்றுச்சுவர்களில் பாயம் தேக்கமடைந்துள்ளாதா என கண்காணிக்கலாம்.

சிகிச்சை

1. வலிக்குறைப்பு மாத்திரைகள் – இபுப்ராபன் 400மி.கி 8 மணி நேரத்திற்கு ஒருவிடுமுறை

2. நோய் உருவாக்கிய காரணிக்கான சிகிச்சை

3. தொடர்ந்து குணங்குறிகள் நீடித்தல் ஸ்டீரொயிட் மருந்துகளுக்கு முன் கொல்சின் வழங்கவும்

இதயத்தை சுருக்கமடையச் செய்யும் அழற்சி

இதயமானது இதன்போது இறுக்கமான சுவர்களுள் கட்டுப்படுத்தப்படும் காரணிகள் – காச நோய், ஏனைய இதயசுவர் அழற்சிகள்

குணங்குறிகள்

· வலதுபக்க இதயச் செயலிழப்புக்கான குணாங்குறிகள் தென்படும்

· கழுத்து நாளங்கள் புடைத்தல்

· மென்மையான பரந்துபட்ட இதயஅசைவு

· மெல்லிய இதயஒலிகள்

· மூன்றாவது இதயஒலி

· இதயம் தளரும் போது ஏற்படும் ஒலி

· ஈரல், கல்லீரலின் வீக்கம்

· வயிற்றின் சுவர்களுள் நீர்தேங்குதல்

· கால் வீக்கம்