குழிப்பணியாரம்

**சிவா** · **சிவா** Fri Apr 16, 2010 5:56 pm

தேவையான பொருட்கள்

பச்சரிசி - 1 ஆழாக்கு
புழுங்கல் அரிசி - 1/2 ஆழாக்கு
து. பருப்பு - 1/2 ஆழாக்கு
உளுந்தம் பருப்பு - கைப்பிடியளவு
பயத்தம் பருப்பு - கைப்பிடியளவு
வெல்லம் - 500 கிராம்
ஏலக்காய் - 5
தேங்காய் - 1 மூடி
உப்பு - 1 சிட்டிகை
சமையல் சோடா - 1/4 டீஸ்பூன்
ரிபைண்ட் ஆயில் - 300 கிராம்

செய்முறை

* அரிசி, பருப்பு எல்லாவற்றையும் ஒன்றாகக் கலந்து கழுவி, ஊற வைக்கவும்.

* இரண்டு மணி நேரம் ஊறிய பின் இட்லி மாவு போல கொஞ்சம் கெட்டியாக அரைத்துக் கொள்ளவும்.

* வெல்லத்தைப் பொடி செய்து மாவுடன் சேர்த்து கொள்ளவும்.

* ஒரு சிட்டிகை உப்பு, சமையல் சோடா , ஏலப்பொடி அனைத்தையும் மாவில் கலந்து கொள்ளவும்.

* குழிப்பபணியாரச் சட்டியை அடுப்பில் வைத்து எல்லாக் குழியிலும் 1 டீஸ்பூன் அளவு எண்ணெய் விட்டுக் காய்ந்தும், முக்கால் குழிக்கு மாவை சிறிய கரண்டியால் எடுத்து ஊற்றவும்.

* ஒரு நிமிடம் கழித்துக் கம்பியால் பணியாரத்தைக் குத்தித் திருப்பி விடவும். எண்ணெய் சத்தம் அடங்கியவுடன் பணியாரத்தை எடுத்து வேறு பாத்திரத்தில் போட்டு எண்ணெய்யை வடிய விடவும்.

சூடாக சாப்பிட்டால் சுவையாக இருக்கும். குழிப்பணியாரம் 95051

**சிவா** · **சிவா** Fri Apr 16, 2010 5:57 pm

வெள்ளைப் பணியாரம்

தேவையான பொருட்கள்

பச்சரிசி - 1 ஆழாக்கு
உளுந்தம் பருப்பு - 1/4 ஆழாக்கு
உப்பு தேவையான அளவு
ரிபைண்ட் ஆயில் - 250 கிராம்

செய்முறை

* பச்சரிசி, உளுந்தம் பருப்பு இரண்டையும் சேர்த்துக் கழுவி ஒரு மணி நேரம் ஊற வைக்கவும்.

* ஊறிய பின் தண்ணீரை வடித்து விட்டுத் தேவையான அளவு உப்பு சேர்த்து மையாக அரைத்துக் கொள்ளவும்.

* அரைத்த மாவுடன் தண்ணீர் சேர்த்துத் தோசை மாவை விடச் சற்றுத் தண்ணீராக இருக்கும்படி கரைத்துக் கொள்ளவும்.

* வாணலியை அடுப்பில் வைத்து எண்ணெயை ஊற்றிக் காய்ந்ததும், அகலமான கரண்டியால் மாவை எடுத்து ஊற்றவும்.

* ஊற்றிய மாவு எண்ணெயின் அடியில் சென்று சில விநாடியில் பந்து போல எழும்பி மேலே வரும்.

* திருப்பிய சில விநாடிகளில் பணியாரத்தை எடுத்து எண்ணெய் வடிய வைத்துச் சாப்பிடலாம்.

* பணியாரத்தை அப்படியே சாப்பிடலாம்.அல்லது பால் சர்க்கரை சேர்த்து ஊற வைத்தும் சாப்பிடலாம். சுவையாக இருக்கும்.

அப்புகுட்டி · அப்புகுட்டி Fri Apr 16, 2010 5:58 pm

பணியாரம் உடனே செய்து கேட்க்கணும் குழிப்பணியாரம்
ஜாலி.....

**Aathira** · **Aathira** Fri Apr 16, 2010 7:05 pm

காலையில் ஈகரை ஒரே கோழிக் குழம்பா மணந்த்து. இப்ப பணியாரம். பசி நேரம். சமைக்கனுமேன்னு வருத்தத்தோட இருக்கும் போது இது வேற நாக்குல நீர் ஊற வைக்கிற மாதிரி....ம்ம்ம் என்ன செய்ய? சிவா அதை செஞ்சு அனுப்பி இருக்கக் கூடாதா? குழிப்பணியாரம் 440806

**சிவா** · **சிவா** Fri Apr 16, 2010 7:10 pm

Aathira wrote:காலையில் ஈகரை ஒரே கோழிக் குழம்பா மணந்த்து. இப்ப பணியாரம். பசி நேரம். சமைக்கனுமேன்னு வருத்தத்தோட இருக்கும் போது இது வேற நாக்குல நீர் ஊற வைக்கிற மாதிரி....ம்ம்ம் என்ன செய்ய? சிவா அதை செஞ்சு அனுப்பி இருக்கக் கூடாதா?

நான் செய்து, அதை நீங்க சாப்பிட்டு.......!!! பிறகு வாழ்வில் சிவா என்ற பெயரைக் கேட்டாலே காத தூரம் ஓடிவிடுவீர்கள்.....! குழிப்பணியாரம் Icon_lol

பவதாரிணி · பவதாரிணி Fri Apr 16, 2010 7:13 pm

எங்கள் வீட்டிலும் நேற்று இரவு குழிப்பணியாரம் தான்...

அப்புகுட்டி · அப்புகுட்டி Fri Apr 16, 2010 7:17 pm

பணியாரம் என்றாலே ஜாலிதான்.....

**Aathira** · **Aathira** Fri Apr 16, 2010 7:21 pm

சிவா wrote:
Aathira wrote:காலையில் ஈகரை ஒரே கோழிக் குழம்பா மணந்த்து. இப்ப பணியாரம். பசி நேரம். சமைக்கனுமேன்னு வருத்தத்தோட இருக்கும் போது இது வேற நாக்குல நீர் ஊற வைக்கிற மாதிரி....ம்ம்ம் என்ன செய்ய? சிவா அதை செஞ்சு அனுப்பி இருக்கக் கூடாதா?

நான் செய்து, அதை நீங்க சாப்பிட்டு.......!!! பிறகு வாழ்வில் சிவா என்ற பெயரைக் கேட்டாலே காத தூரம் ஓடிவிடுவீர்கள்.....!

தப்பிக்க இது ஒரு வழியா எல்லா ஆண்களைப் போல நீங்களும் வைத்து இருக்கிறீர்க்ளா சிவா? அம்மா (தலைவி) வந்தப்பரம் இதெல்லாம் அவங்களுக்குச் செஞ்சி கொடுத்துதானே ஆகனும் சிவா.. நான் இருக்கேன் போட்டுக் கொடுத்துடுவேன்...உங்களுக்கு எல்லாம் தெரியும் என்று.. குழிப்பணியாரம் 755837

மனோஜ் · மனோஜ் Fri Apr 16, 2010 7:28 pm

சிவா வர்ணனையில் நாக்கில் நீர் அருவிபோல் கொட்டுகிறது
சூப்பர் சிவா !! இரண்டையுமே சாப்பிட்ட எஃபக்ட் !!
:silent: :silent: :silent: :silent: :silent: :silent: :silent: