கல்லீரல் மாற்று அறுவை சிகிச்சை‌யி‌ல் சாதனை

மிக மு‌க்‌கியமானது‌ம், ‌மிகவு‌ம் ‌சி‌க்கலானதுமான க‌ல்‌லீர‌ல் மா‌ற்று அறுவை ‌சி‌கி‌ச்சை செ‌ய்வ‌தி‌ல் செ‌ன்னை அ‌ப்ப‌ல்லோ மரு‌த்துவமனை சாதனை படை‌த்து‌ள்ளது. அதாவது கடந்த 2 ஆண்டுகளில் 53 நோயாளிகளுக்கு கல்லீரல் மாற்று அறுவை சிகிச்சைகளை வெ‌ற்‌றிகரமாக செ‌ய்து முடி‌த்து‌‌ள்ளது அ‌ப்ப‌ல்லோ மரு‌த்துவ‌க் குழு.

கட‌ந்த 2008ஆ‌ம் ஆ‌ண்டுதா‌ன் சென்னை அப்பல்லோ மருத்துவனை‌யி‌ல் கல்லீரல் மாற்று அறுவை சிகிச்சை மையம் கடந்த தொடங்கப்பட்டது. அது முத‌ல் கடந்த 2 ஆண்டுகளில் 53 நோயாளிகளுக்கு கல்லீரல் மாற்று அறுவை சிகிச்சை செய்யப்பட்டு உள்ளது.

இதுகுறித்து கல்லீரல் மாற்று அறுவை சிகிச்சை மையத்தின் முதுநில ஆலோசகர் மரு‌த்துவர் ஆனந்த் கக்கர் கூறுகை‌யி‌ல், அமெரிக்காவில் கல்லீரல் மாற்று அறுவை சிகிச்சை செய்ய ரூ.2 கோடி வரை செலவாகும். ஆனால், அதே சிகிச்சையை அப்பல்லோ மருத்துவமனையில் ரூ.18 லட்சம் முதல் ரூ.20 லட்சத்திற்குள் செய்துவிடலாம். கல்லீரல் பழுதடைதல், கட்டிகள் தோன்றுதல், வைரஸ் நோய் பாதிப்பு போன்ற பல்வேறு காரணங்களினால் மாற்று கல்லீரல் பொருத்தக்கூடிய சூழ்நிலை உருவாகிறது.

கல்லீரல் சிகிச்சை மையம் தொடங்கப்பட்டு 2 ஆண்டுகளில் 53 பேருக்கு மாற்று கல்லீரல் பொருத்தப்பட்டு அவர்கள் நலமாக வாழ்ந்து கொண்டிருக்கிறார்கள். விபத்‌தி‌ல் இறந்தவர்கள், மூளைச்சாவு ஏற்பட்டவர்கள் ஆகியோரிடமிருந்து 42 கல்‌லீரல்களு‌ம், 11 பேரிடமிருந்து தானமாக கல்லீரல் பெற்றும் 53 பேருக்கு மாற்று கல்லீரல் சிகிச்சை செய்துள்ளோம். சிகிச்சை 94 சதவீதம் வெற்றிகரமாக அமைந்துள்ளது.

இந்தியாவிலேயே அப்பல்லோ மருத்துவமனையில்தான் அதிகளவில் கல்லீரல் மாற்று அறுவை சிகிச்சை நடக்கிறது. மருத்துவ நிபுணர்கள், அர்ப்பணிப்புடன் கூடிய மருத்துவ குழு, செ‌வி‌லிய‌ர் சேவை ஆகியவை அப்பல்லோவின் சிறப்பு அம்சங்கள் ஆகும். கல்லீரல் மாற்று அறுவை சிகிச்சைக்காக அமெரிக்காவின் பிட்ஸ்பர்க் பல்கலைக்கழகத்துடன் இணைந்து செயல்படுகிறோம் எ‌ன்று மரு‌‌த்துவ‌ர் ஆனந்த் கக்கர் கூறினார்.

நல்ல தகவல் நன்றி ரிபாஸ்

சபீர் wrote:நல்ல தகவல் நன்றி ரிபாஸ்

நல்ல தகவல்