10000 ம் பதிப்புக்களை கடந்த, காதல் கவிஞர் அப்புகுட்டியை வாழ்த்துவோம் வாங்க....

Aathira wrote:தாமதமாய் வாழ்த்துகின்ற வழக்கந்தான் எனது
தயங்காமல் ஏற்றுவிடும் பழக்கந்தான் உனது
இயங்காமல் நின்|றுவிடும் இதயத்து ஓட்டமதை
மயங்காமல் ஓடச்செய்யும் அன்(ப்)பென்னும் தாயவள்நீ

பனைவெல்லப் பாகுநிகர் ஈகரையின் உறவே
நினைக்கின்றேன் நெகிழ்கின்றேன் வைகரையும் பொழுதும்
சுனைவெள்ளம் போலநிதம் பெருகியநின் பாசப்
பிணையதிலே கட்டுண்டேன் பேரின்பம் கொண்டேன்

தேடிநிதம் சேர்த்ததுளி தேனதனை நல்லடையாய்
வாடிநிற்கும் மானிடர்க்கு அளிக்கின்ற தேனியாய்
ஓடிவந்து கட்டிவிட்டாய் அன்பென்ற பெருங்கூட்டை
பாடுகின்றோம் பருகியநல் ஆனந்தக் களப்புடனே

ஓசையுடன் கொட்டுகின்ற காட்டருவி கூட்டமெலாம்
ஆசையுடன் கூடிவிட்ட ஆணுருவம் நீதானோ?
காட்டருவி கொட்டுவதால் பயண்டைவார் கொஞ்சம்உன்
பாட்டருவி கொட்டியதால் குளிர்ந்தது எம்நெஞ்சம்!

நாணத்தால் உடல்மறைத்து அழகுமுகம் காட்டும்நீல
வாணத்துச் சோலையிலே உலவுகின்ற நிலவலநீ
அபிமானத்தாய் ஈன்றெடுத்த அழகுமகன் நீயோ
அன்பென்ற அகம்காட்டி புறம்முழுதும் மறைத்தாய்

சொத்துக்களை சேர்த்துவிட்டாய் பத்துநூறு பத்துவெற்று
நத்தைகளும் சொத்தைகளும் இமியளவும் காணோம்
அத்தனைக்கும் வாழ்த்து சொல்ல அன்பென்னும் நெஞ்சை அனுப்பிவிட்டேன் இணையமெனும் விரைந்தோடும் தேரில்.....

அன்பின் உருவமான அப்புக்கு என் மனமார்ந்த வாழ்த்துக்கள்...
அன்புடன்
ஆதிரா...

(இறுதி வாழ்த்தாக இருக்க வேண்டி காத்து இருந்து வாழ்த்துகிறேன்.அப்பு..)

எஸ்.அஸ்லி wrote:சோதனைகள் பல கடந்து சாதனை படைத்துள்ள அப்பு அவர்களுக்கு வாழ்த்துக்கள். (ஆதிரா அக்கா என்னை மன்னிக்கவும்)

நிலாசகி wrote:எப்புடி இப்புடி அப்பு ....வாழ்த்துக்கள் !

Kaa Na Kalyanasundaram wrote:வாழ்த்துக்கள்! வாழ்த்துக்கள் ! ! வாழ்த்துக்கள்!!!

அன்பின் அடையாளம்
காட்டுங்கள் என்று சொன்னதும்....
காண்பித்தேன் அப்புக்குட்டியை!

.....கா.ந.கல்யாணசுந்தரம்.