மக்களே மக்களுக்காக - நல்ல முயற்சி.

சரவணன் · சரவணன் Fri Apr 16, 2010 3:59 am

முதன்முறையாக 250 கண்மாய்களை இணைக்கும் திட்டம் தானம் அறக்கட்டளை
துவங்கியது
மக்களே மக்களுக்காக - நல்ல முயற்சி. Tblgeneralnews781627833

மதுரை:வறட்சிக்கு உள்ளாகும் குண்டாறு வடிநிலப்பகுதியில், தானம் அறக்கட்டளை, இந்துஸ்தான் யுனிலிவர் மற்றும் நபார்டு வங்கி இணைந்து, தமிழகத்தில் முதன் முறையாக 250 கண்மாய்களை இணைக்கும் திட்டத்தை துவங்கின. சதுரகிரி மலையில் உற்பத்தியாகும் குண்டாறு, விருதுநகர், மதுரை,
சிவகங்கை, ராமநாதபுரம், தூத்துக்குடி மாவட்டங்கள் வழியாகச் செல்கிறது.

இதன் வடிகாலின் கீழ், தூத்துக்குடி தவிர மற்ற மாவட்டங்களில் அமைந்துள்ள 250 கண்மாய்களை, மக்கள் பங்கேற்புடன் இணைக்க இத்திட்டம் வழி செய்கிறது. இத்திட்டத்திற்காக, இந்துஸ்தான் யுனிலிவர் நிறுவனம் 5 கோடி ரூபாயும், நபார்டு வங்கி 5 கோடி ரூபாயும் தர முன்வந்துள்ளன. மூன்று ஆண்டுகளில் முடிக்க திட்டமிடப் பட்டுள்ளது.தேவைப்பட்டால் அதன் பிறகும் திட்டம் தொடரும். கண்மாய்களைச் சார்ந்து வாழும் விவசாயிகள், விவசாயக் கூலிகள், பெண்கள் ஆகியோரை சங்கங்களாக ஒருங்கிணைத்து,அவர்களின் பங்கு தொகையாக 10 சதவீதத்தைப் பெற்று திட்டம் செயல்படுத்தப்படும்.

விவசாயிகளின் நேரடி நிர்வாகமும், பங்கேற்பும் திட்டத்தை வெற்றிகரமாகச் செயல்படுத்த உதவும். தொழில் நுட்ப உதவிகளை, தானம் அறக்கட்டளையின் வயலகம் திட்டம் வழங்கும்.இத்திட்ட துவக்க விழா, மதுரை மாவட்டம் நிலையூர் முல்லைக்குளத்தில் நடந்தது.திட்டத்தின் பயன்: குண்டாறு வடிநிலத்தில் அக்டோபர் - நவம்பர் மாதங்களில் பெய்யும் 600 முதல் 900 மி.மீ., மழை தான், இப்பகுதி மக்களின் ஒரே ஆதாரம். இந்த நீரால் தான் கண்மாய்கள், கிணறுகளில் தண்ணீர் ஊற வேண்டும்.

250 கண்மாய்களில் கூடுதல் நீரை தேக்க வசதியாக,250 பண்ணை குட்டைகள் அமைக்கப் பட்டு, அவற்றின் மூலம் 11 முதல் 34 மில்லியன் கனமீட்டர் மழைநீர் சேகரிக்கப்படும். இத்திட்டத்தின் மூலம் 20 ஆயிரம்
குடும்பங்கள் பயன் பெறும்.

நன்றி தினமலர்

ப்ரியா · ப்ரியா Fri Apr 16, 2010 10:55 am

தகவல் பகிர்வுக்கு நன்றி நண்பா அன்பு மலர்

கலைவேந்தன் · கலைவேந்தன் Fri Apr 16, 2010 11:09 am

சபாஷ்... நல்ல முன்னுதாரணம்,,,,! மக்களே மக்களுக்காக - நல்ல முயற்சி. 678642

சரவணன் · சரவணன் Fri Apr 16, 2010 2:01 pm

ஆம், நாம் அரசை நம்பி இருந்தால் அவ்வளவு தான். எதிர்காலத்தை கணக்கில்
கொண்டு நாமே நேரடியாக களத்தில் இறங்க வேண்டும்.
தங்கள் கருத்திற்கு நன்றி.

sathyan · sathyan Fri Apr 16, 2010 2:09 pm

வீழ்வது நாம க இருந்தாலும் வாழ்வது விவசாயக இருக்கணும்
இப்படி நல்ல பதிவை செய்த பிச்ச அவர்களுக்கு நன்றி

சரவணன் · சரவணன் Fri Apr 16, 2010 2:13 pm

sathyan wrote:வீழ்வது நாம க இருந்தாலும் வாழ்வது விவசாயக இருக்கணும்
இப்படி நல்ல பதிவை செய்த பிச்ச அவர்களுக்கு நன்றி

நன்றிகள் சத்யன்!!!!

விவாசாய் அழிந்துகொண்டிருக்கிறது.
விவசாய நிலங்கள் வெகுவாக குறைந்துள்ளதாக,சமீபத்திய புள்ளிவிவரம் சொல்கிறது.

வழிப்போக்கன் · 18/02/2010

இவர்கள் ஏனையோருக்கும் முன்னுதாரணமாக இருப்பார்கள், பகிர்விற்கு நன்றி நண்பரே

kalaimoon70 · kalaimoon70 Fri Apr 16, 2010 2:20 pm

பிச்ச wrote:ஆம், நாம் அரசை நம்பி இருந்தால் அவ்வளவு தான். எதிர்காலத்தை கணக்கில்
கொண்டு நாமே நேரடியாக களத்தில் இறங்க வேண்டும்.
தங்கள் கருத்திற்கு நன்றி.