உயர் ரத்த அழுத்த நோயின் ஆரம்ப நிலையை எப்படி தெரிந்து கொள்ளலாம்?

**சிவா** · **சிவா** Thu 15 Apr 2010 - 23:12

First topic message reminder :

மனித உடல் உறுப்புகள் மற்றும் ஒவ்வொரு திசுவும் வளமுடன் செவ்வனே செயல்படுவதற்கு ரத்த ஓட்டம் தேவை. ரத்தத்தில் இருக்கும் பிராண வாயுவும் உடலுக்குத் தேவையான மற்ற சத்துப் பொருள்களும் ரத்தத்தின் மூலமாகத்தான் திசுக்களுக்கு எடுத்துச் செல்லப்படுகின்றன. தலையிலிருந்து பாதம் வரை ரத்தம் சீராகச் செயல்படும் வகையில் இதயம் செயல்படுகிறது. ரத்த ஓட்டம் ஒரு நிலையான அழுத்தத்தோடு இதயத்திலிருந்து வெளிப்பட்டு பல லட்சக் குழாய்கள் மூலம் உடலின் பல பாகங்களுக்கு எடுத்துச் செல்லப்படுகிறது. இந்த அழுத்தத்தைத்தான் "ரத்த அழுத்தம்' (Blood Pressure) என்று கூறுகிறோம்.

ரத்த அழுத்தம் என்பது நோய் அல்ல. அதிக ரத்த அழுத்தம்தான் நோய். ரத்த அழுத்தத்தின் உயர் அளவை "சிஸ்டாலிக்' என்றும் கீழ் அளவை "டயாஸ்டாலிக்' என்றும் டாக்டர்கள் குறிப்பிடுவார்கள். இதயம் சுருங்கி இதயத்திலிருந்து ரத்தம் விசையாக வெளியே வரும் போது உள்ள அழுத்தம் "சிஸ்டாலிக்' (உயர் நிலை ரத்த அழுத்தம்) ஆகும்.

இதயம் விரிவடைந்து தன்னுள் ரத்தத்தை கிரகிக்கும் போது உள்ள அழுத்தம் "டயாஸ்டாலிக்' (கீழ் நிலை ரத்த அழுத்தம்) ஆகும். பொதுவாக "சிஸ்டாலிக்' அழுத்தம் 100 முதல் 130 வரை இருக்கலாம். "டயாஸ்டாலிக்' அழுத்தம் 70 முதல் 85 வரை இருக்கலாம்.

ரத்த அழுத்த அளவுகள் அதிகமாகும்போது உயர் ரத்த அழுத்த நோய் ஆரம்பிக்கிறது. அதாவது, "சிஸ்டாலிக்' (உயர் நிலை ரத்த அழுத்தம்) 130 எம்எம்எச்ஜி-ம், "டயாஸ்டாலிக்' (கீழ் நிலை ரத்த அழுத்தம்) 85 எம்எம் எச்ஜி-ம் இருந்தால் உயர் ரத்த அழுத்த நோயின் ஆரம்பக் கட்டம் என்று கொள்ளலாம். இதை "ப்ரீ - ஹைபர்டென்ஷன்' என்று கூறுகிறோம்.

**சிவா** · **சிவா** Thu 15 Apr 2010 - 23:43

பிற நோய்கள் காரணமாக ரத்த அழுத்த அளவு அதிகரித்து உயர் ரத்த அழுத்த நோய் ("செகண்டரி ஹைபர்டென்ஷன்') ஏற்படுமா?

சிறுநீரக நோய்கள், தைராய்டு - அட்ரீனல் சுரப்பி குறைபாடு நோய்கள், ஸ்டீராய்டு மருந்துகள், கருத்தடை மாத்திரைகள் உள்ளிட்டவை காரணமாக ரத்த அழுத்த அளவு அதிகரிக்க வாய்ப்பு உண்டு. இவ்வாறு பிற காரணங்களால் உயர் ரத்த அழுத்த நோயால் ("செகண்டரி ஹைபர்டென்ஷன்') 7 முதல் 8 சதவீதம் பேர் பாதிக்கப்படுகின்றனர்.

குறிப்பாக குறட்டை பிரச்னை உள்ளவர்களுக்கு ரத்த அழுத்த அளவு அதிகரிக்க வாய்ப்பு உண்டு. எனவே பிற காரணங்களால் உயர் ரத்த அழுத்த நோய் ஏற்படும் நிலையில், காரணத்தைக் கண்டுபிடித்து சிகிச்சை அளிக்கும் நிலையில் நோயைக் குணப்படுத்திவிட முடியும்.

பதற்றம் காரணமாக ரத்த அழுத்தம் அதிகரிக்குமா?

அதிகரிக்கும். முதன்முறையாக டாக்டரிடம் சென்று ரத்த அழுத்த அளவைப் பரிசோதனை செய்து கொள்ளும் நிலையிலோ அல்லது இயல்பாக மன அளவில் அச்ச உணர்வு உள்ளோருக்கு பரிசோதனை செய்து கொள்ளும் போது ரத்த அழுத்த அளவு அதிகரிக்க வாய்ப்பு உண்டு. இதை "ஒயிட் காலர் ஹைபர்டென்ஷன்' என்று அழைக்கிறது மருத்துவ உல கம். இதற்கு சிகிச்சை தேவையில்லை. இத்தகையோருக்கு வீட்டில் இயல்பான சூழலில் பரிசோதனை செய்யும்போது ரத்த அழுத்த அளவு இயல்பானதாக இருக்கும்.

ரத்த அழுத்த அளவைப் பராமரிக்க வேண்டியதன் அவசியம் என்ன?

உடல் முழுவதும் உள்ள ரத்தக் குழாய்களின் நலன் காக்க ரத்த அழுத்த அளவைப் பராமரிப்பது அவசியம். மாரடைப்பு, பக்கவாதம், கால் ரத்தக் குழாய் பாதிப்பு நோய்கள், சிறுநீரக பாதிப்பு ஆகியவற்றைத் தவிர்க்க ரத்த அழுத்த அளவை இயல்பான நிலையில் வைத்திருப்பது அவசியம்.

உயர் ரத்த அழுத்த நோயின் ஆரம்ப நிலையை எப்படி தெரிந்து கொள்ளலாம்?

உயர் ரத்த அழுத்த நோயின் ஆரம்ப நிலையை எப்படி தெரிந்து கொள்ளலாம்?

Re: உயர் ரத்த அழுத்த நோயின் ஆரம்ப நிலையை எப்படி தெரிந்து கொள்ளலாம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக