உணவுப்பொருளில் "ஈஸ்ட்ரோஜென்" பத்து வயதில் பூப்பெய்தும் பெண்கள்!

arularjuna · arularjuna Wed Apr 14, 2010 2:14 pm

உணவுப்பொருள்களிலிலுள்ள ஈஸ்ட் ரோஜென் ஓமோன், பெண்களின் உடலில் தேவையை விட அதிகரிக்கும் போது 10 முதல் 12 வயதுக்குள்ளேயே சிறுமிகள் பூப்பெய்துவிடுகின்றனர்

என்று மதுரை அரச மருத்துவக்கல்லூரி மருத்துவத்துறை உதவிப்பேராசிரியர் டாக்டர் முரளிதரன் கூறினார். மக்கள் தொகைப் பெருக்கத்திற் கேற்ப உணவுத்தேவையும் அதிகரித்து வருகிறது. இதைச் சமாளிக்க விஞ்ஞானத்தின் பெயரால், இயற்கையை மீறி பல்வேறு வழிமுறைகளில் உணவு உற்பத்தி செய்யப்படுகின்றது. அவற்றில் ஒன்றுதான் கறிக்கோழி.

இந்த கோழிகள் கறிக்காக மட்டுமே வளர்க்கப்படுகின்றன. வேகமாக வளர கோழிகளுக்கு ஈஸ்ட்ரோஜென் எனப்படும் ஓமோன் ஊசி போடப்படுகிறது. இந்த ஈஸ்ட்ரோஜென் ஊசி செல்களை வேகமாக வளரவைத்து கோழியின் எடையை அதிக மாக்குகிறது. கோழி வளர்ப்போர் சிலர் குறுகிய லாபநோக்கத்தோடு ஈஸ்ட்ரோஜென் மருந்துகளை கோழிகளுக்கு அதிகளவில் கொடுத்துவிடுகின்றனர். இத்தகைய கோழிக்கறி அதிகம் சாப்பிடுபவர்களுக்கு உடலில் பல்வேறு பிரச்சினைகள் ஏற்படுகின்றன எனத் தகவல்கள் வெளியாகியுள்ளன.

இதுகுறித்து பேராசிரியர் டாக்டர் முரளிதரன் கூறியவை வருமாறு
உணவுப்பொருள்களில் உள்ள ஈஸ்ட்ரோஜென் சமைத்த பின்னரும் உணவில் கலந்தே இருக்கும் என ஆய்வுக்கட்டுரைகள் கூறுகின்றன. ஈஸ்ட்ரோஜென் பெண்களின் உடலில் தேவையை விட அதிகரிக்கும் போது 10முதல் 12 வயதுக்குள்ளேயே சிறுமிகள் பூப்பெய்துவிடுகின்றனர். மேலும் கர்ப்பப்பை புற்றுநோய், உடல் பருத்தல் போன்ற பிரச்சினைகள் ஏற்படுகின்றன. ஆண்களுக்கு ஈஸ்ட்ரோஜென் ஹார்மோன்கள் அதிகரிக்கும்போது மார்பக வீக்க நோய் ஏற்படுகிறது. ஆண்களுக்கு மார்பில் வீக்கம் ஏற்பட்டு வலி ஏற்படும். அதேபோல் ஆண்களிடம் பெண் தன்மை, சிறுவர்களுக்கு ஆண்குறியில் வளர்ச்சியின்மை போன்ற பிரச்சனைகள் ஏற்படுகின்றன. எனவே ஈஸ்ட்ரோஜென் பயன்படுத்தப்படும் உணவுப் பொருள்களை குறைத்துக்கொள்வது நல்லது என்றார்.