இளவேனில் காலத்து உதிர்ந்த சருகுகள்...

**கா.ந.கல்யாணசுந்தரம்** · 28/02/2009

சருகுகள்

பிறர்க்கு உதவி இன்பம் காணும்

சிறுபிள்ளை வயதை நினைத்தே,

வாழ்ந்த இவளின் பருவம்

சமுதாயவீதியில் - சில கயவர்கள்

மடியில் தஞ்சும் புகுந்தது...

பட்டாம்பூச்சியாய் சிறகடித்து

பறந்தகாலங்கள் வெறும்

கூட்டுப்புழுவானாள்!

கால்வயிற்று கஞ்சிக்கு காலம்தள்ள....

வயிற்றில் விளைந்த கருக்களும்

தரிசுநில வித்தாகிப்போனது!

ஒப்பிலா இன்பமுதை இரவுக்கூடலில்

தந்தவளின் உடலின்று முடங்கியது!

நுகர்ந்தோர் எல்லாம் நகர்ந்துபோயினர்

அந்த நடைபாதை நுனியை யாரும் நாடவில்லை

அள்ளியெடுத்து முத்தமிட்ட மேனிக்கு

இன்று கொள்ளிவைத்து

பால்வார்க்க யாருமில்லை!

சமுதாயம் பெற்ற சந்தனப்பேழை

சாக்கடைப்பொருளாய் சிதறிக்கிடக்கிறது!

பட்டமரக்கிளை மீதமர்ந்த கழுகுக்கு

பிணவிருந்தாகி மடிந்து போனாள்!

அந்தோ!...... சமுதாயம்பெற்ற

விளைமகளிரெல்லாம்

இளவேனிர்காலத்து உதிர்ந்த

சருகுகளே!

......கா.ந.கல்யாணசுந்தரம்.