படித்ததில் பிடித்தது ----எது நல்ல கதை என்று இவர்களிடம் கேட்டால்.....

by செரின் Sun Jun 21, 2009 7:04 pm

1. டாக்டர்:
"கதையோட கரு கலையாம நிலைச்சு நின்னு முடியும்போது நறுக்னு மனசுல தச்ச மாதிரி இருக்கணும்."
2. லிஃப்ட் ஆப்பரேட்டர்:
"கதை ஆரம்பிச்சதுலேர்ந்து முடியரவரைக்கும் ஜிவ்னு மேல மேல போய்கிட்டே இருக்கணும்."
3. குத்துச்சண்டை வீரர்:
"விறுவிறுப்பா தொடங்கி படிக்கறவங்களை திக்குமுக்காட வைச்சு நெத்தியடியா முடிக்கணும்."
4. குடிகாரர்:
"என்னதான் கதை அப்படி இப்படி போனாலும் அதன் மெயின் தீம் ஸ்டெடியா நிக்கணும்"
5. பாத்திரக் கடைக்காரர்:
"கலகலன்னு கதை போய்கிட்டே இருந்து ஒவ்வொரு பாத்திரமும் பளிச் பளிச்னு இருக்கணும்."
6. ஓவியர்:
"கதையோட நுனியும் முடிவும் என்னவென்றே தெரியாம வாசகர்களை குழப்பி அவரவர் எண்ணங்களுக்கு ஏற்ப புரிஞ்சுக்க விட்டுடணும்."
7. லாரி டிரைவர்:
"கதை ஸ்பீடா போய்கிட்டே இருந்தாலும் பல அதிரடி திருப்பங்கள் வந்துக்கிட்டே இருக்கணும்."
8. அரசியல்வாதி:
"எடுத்தோம் கவிழ்த்தோம்னு இல்லாம படிப்படியா இதயத்தில இடம்பிடிச்சு மனசை கொள்ளை கொள்ளணும்"